Объектілерді топтастыру

Сабақтың тақырыбы: Объектілерді топтастыру.
Сабақтың мақсаты:
Ақпаратпен жұмыс істеу кезінде объектілерді топтастыру, ақпараттық объектілер ұғымдарымен таныстыру;
Объектілерді топтастыру әдістерін үйрету;
Оқушыларды алған білімдерін практикада қолдана білуге дағдыландыру;
Білім сапасын арттыруға, пәнге қызығушылығын, ізденімпаздығын, байқау қабілеттерін жетілдіру, шығармашылық қабілеттерін дамыту.
Сабақтың түрі: интерактивті сабақ.
Сабақтың көрнекілігі: интерактивті тақта, компьютерлер.
Сабақтың әдісі: СТО стратегиясы.
Сабақтың барысы:
І.Қызығушылықты ояту.
Жаңа сабақтың тақырыбына байланысты суреттер көрсетіледі.

ІІ. Жаңа сабақ.
Топтастыру - объектілерді (заттарды, құбылыстарды, үдерістерді, ұғымдарды) белгілі бір белгілеріне сәйкес топтарға бөлу жүйесі.
Ақпараттық объектілер - топтастыру объектісі ретінде ақпаратқа тән бөлінген топтар.
РЕКВИЗИТ - объектінің, үдерістің және т.б. белгілі бір қасиеттерін сипаттайтын, логикалық жағынан бөлінбейтін ақпараттық элемент.
Объектілерді топтастыру әдістері: иерархиялық, фасеттік, дескрипторлық.

Топтастырудың иерархиялық жүйесі.
Элементтердің бастапқы көпшілігі 0-дік деңгейді құрайды және таңдалған топтастыру белгісіне байланысты кластарға бөлінеді, бұл 1-деңгейді құрайды
1-деңгейдің әрбір класы өзіне тән топтастыру белгісіне қосалқы топтарға бөлінеді, бұлар 2-деңгейді құрайды, т.с.с
ҚАСИЕТТЕРІ:
құрылымының қарапайымдылығы;
иерархиялық құрылымның әртүрлі бұтақтарында тәуелсіз топтастырылған белгілерді пайдалану.