«Керқұла атты Кендебай» ертегісіндегі Кендебай бейнесі

Сабақтың тақырыбы: «Керқұла атты Кендебай» ертегісіндегі Кендебай бейнесі

Оқып үйренудің негізгі мақсаттары: А) Кендебай бойындағы адами қасиеттерді нақтылап ашу, бөлімдерінің мазмұнын игерту;
Ә) Оқушылардың шығармашылық қабілетін қалыптастыру, ауыз екі сөйлеу мәдениетін дамыту;
Б) Кендебай бейнесін ашу арқылы оқушыларды, адамгершілікке, мейірімділікке тәрбиелеу;
Оқу нәтижелері; Кейіпкер бейнесін толық ашады, сыни ойлауы қалыптасады, ертегінің негізгі ойы мен идеясын анықтайды, шығармашылық қабілеттері дамиды;
Оқытуда қолданылатын әдіс - тәсілдер; сұрақ - жауап, миға шабуыл, Жигсо әдісі, топтастыру;
Сыныптағы өзара әрекеттестік; топтық, жұптық, талантты және дарынды оқушылармен жұмыс;
Бағалау, оқыту үшін бағалау: Формативті бағалау (қол шапалақтау, стикерлер, жұлдызшалар, жетондар, дескрипторлар арқылы бағалау ) Қалыптастырушы бағалаулар;
Сілтеме; АКТ, слайд, аудио кітап, тест тапсырмалары, оқулық,
Пәнаралық байланыс: қазақ тілі, Қазақстан тарихы;

І. Ұйымдастыру (мотивациялық) кезең
Сыныптың ахуалымен танысу
Ынтымақтастық атмосферасын қалыптастыру
Психологиялық тренинг «Біз біргеміз»
Топқа бөліну, бағалау парақшаларын тарату;

ІІ. Үй тапсырмасын пысықтау
«Миға шабуыл» әдісі
«Минут, уақыт, сағат» берілген үш сөздің мағынасын ашу, осы сөздер арқылы үй тапсырмасын қорытындылау;

ІІІ. Жаңа сабақты меңгерту
Мағынаны тану
«Жигсо» әдісі (Топтық тасырмалар)
Төрт топқа төрт тақырып беріледі.
«Ер қанаты - ат», «Қойшы баланың мұңы», «Алтын құйрықты құлын» «Ертегінің мұраты»
Тақырып ішінен көп мағынаға ие болатын сөзді тауып, мазмұнымен қатар түсінік беріп кетеді.

ІV. Кейіпкер келбеті (теориялық жұмыс)
Көркем шығармадағы айтылатын ой идея деп аталады.
Көркем шығармадағы адамдардың бейнесін кейіпкер дейміз

V. Жаңа сабақты бекіту
Топтастыру стратегиясы
Кендебай бойында қандай жақсы қасиеттер бар?
(Оқушылар Кендебайдың бойындағы қасиеттерін айта отырып, ертегідегі сол тұстарын айтып кетеді)

VІ. Сергіту сәті: (Көңілді әуеннің ырғағына қимыл - қозғалыс жасайды)
Деңгейлік тапсырмалар
1 – топ. Кендебайға ұқсағың келе ме? Қай қасиеті көбірек ұнайды?
2 – топ. Кендебайдың ерлік істерге баруына не себеп болды?
3 – топ. Қазіргі өмірдің Кендебайлары туралы ойың.
4 – топ. Мақал - мәтелдер арқылы толықтыр.

Тест тапсырмалары
1. Кендебайдың әкесінің аты кім?
А. Байбөрі Ә. Ерназар Б. Қазанғап В. Саржан
2.”Мынау таудан әрі ассаң, ағып жатқан өзенді көрерсің, ортасында бір арал бар”, бұл қай кейіпкердің сөзі
А. Шалқұйрық
Ә. Керқұла атты Кендебай
Б. Ханның баласы
В. Тазша бала
3. Қозы бағып жүрген баланың әкесі кім?
А. Мергенбай
Ә. Тасқара
Б. Кендебай
В. Шойынқұлақ
4. Ой, оңбаған – ау қарасың ғой малды. “ Айырылғырдың суы айырыл деп неге айтпайсың?” - кімнің сөзі
А) Күнке
Ә) Менді сұлу
Б) Кенжекей
В) Ханның кызы
Сабақ бойынша кері байланыс (рефлексия)
Бүгінгі сабақ не туралы, кім жайында болды?
Не білдік?
Нені үйрендік?
Не білгің келеді?
Мен үшін не жаңалық?

Бағалау
Үйге тапсырма: “Керқұла атттың өсіп – жетілуі” тақырыбын негізге ала отырып, ертегі әңгіме жазып келу