Ата салтың – халықтық қалпың

Тақырыбы: “ Ата салтың – халықтық қалпың ”
Мақсаты: Жас ұрпаққа ата – бабаларымыздан аманат болып қалған салт – дәстүрін насихаттау, үлгі ету, көрсету, үйрету.
Кештің түрі: Сайыс
Көрнекілігі: Тақырыпқа байланысты жазылған плакаттар, ұлттық ою – өрнектер, төс белгілер.

Кештің барысы:
І. Кіріспе сөз
ІІ. Сайысқа қатысатын топтарды ортаға шақыру
ІІІ Әділ қазылар алқасын сайлап алу
ІV. Сайыс шарттарымен таныстыру
Таныстыру / Эмблема
Ән
Тиым сөздер
Би
Викториналық сұрақтар
Көрініс
Ою ойып беру
Қорытынды

Ата баба қанына сіңген
Жақсы әдеп, салтыңды білген
Салтыңды білген - халқыңды білген
Ынтамен оны кел сенде үйрен!
Әр халықтың өзіндік ойын сауығы, дәстүрі, ғұрпы, салты бар. Бұлар талай ғасыр жемісі. Қазақта әдет - ғұрып, салт көбіне ән, өлең – жыр арқылы бейнеленеді.

1 - Жүргізуші.
Туғанда дүние есігін ашады өлең
Өлеңмен жер қойнауына кірер денең,
Өмірдегі қызығың бәрі өлеңмен
Ойлансаңшы бос қақпай елең – селең
- деп ұлы ақын Абай айтқандай, халықтың бүкіл тіршілігі өлең жырға арқау болған.

2 - Жүргізуші
Жақсы көріп дәстүрін, салтын,
Күйін тартып қалықтатқан ән қанатын
Сайыскерлер өнерін көріңіздер,
Халқының баптай білген ізгі салтын.
Ортаға сайысқа қатысатын “ Мұрагер” мен “Қыран” тобын ортаға шақырамыз.

Екі топ өздерін таныстырып өтеді. Ендігі кезек сайыс түрлеріне беріледі.
Таныстыру. ( Эмблема)

1 - Жүргізуші:
Құлақтан кіріп бойды алар
Әсем ән мен тәтті күй,
Көңілге түрлі ой салар
Әнді сүйсең менше сүй, - дегендей Абай атамыз, ендігі сайыс ән кезегіне беріледі.

2. Ән сайысы. ( 2 топтан бір - бірден шығады )
“Наурыз айы туғанда”
“ Қазақтың дастарханы”
Бабамыздан қалған қандай ырым – тиым сөздерді білесіңдер?
1 мин. Екі топ тез айтып шығулары керек)
2 - Жүргізуші:
Тиым сөздер ата - баба ұлағаты.
Мысалы: Есікті керме.
Ақты төкпе.
Үйге қарай жүгірме.
Малды теппе. т. б

1 - Жүргізуші: Жадырап маңдайынан таң атқандай,
Жанары тұнық сырын таратқандай
Қазақтың би өнерін аспандатқан
Қимылы арулардың ғажап қандай

Енді кезек биге беріледі.
Бишілер: 1. Тайкенова Динара “ Қазақ” биі
2. Шалова Жазира “Қазақ” биі.

2 - Жүргізуші: Сырлары көп ғылымның,
Шешілмеген әлі де
Тереңдігі білімнің,
Керек екен бәріне, - деп
Фариза Оңғарсынова апайымыз айтқандай, екі топтың білімдерін сынап көрейік.
Білім сайысында мынадай сұрақтарға жауап берулері керек

Сұрақтар:
Қазақша жыл атауларын ретімен ата?
Ат әбзелдерін ата?
Киіз үйдің жиһаздарын ата?
Қандай ұлттық киімдерді білесіңдер?
Той үстіндегі ұлттық ойындарды ата.
Үй - жиһаздарына байланысты қандай тақпақ, өлең білесің?
Қандай ұлттық тағамдарды білесің?
Қандай ұлттық аспаптарды білесің?
Жеті атаңды ата?
Жеті күнді ата?

1 - жүргізуші: Әрбір топ өздері дайындап келген көріністерін қояды
2 - жүргізуші: “ Ою ойғанның ойы ұшқыр” дегендей аруларымыз ою - өрнегін көрсетеді.
Сегіз қырлы, бір сырлы,
Біздің қыздар өнерлі
Саусақтары майысып,
Меңгеріп те алыпты
Ою сынды – өнерді.
Әр топтан екі бала шығып, ою ойып береді.
“Дәстүр жалғасы” ән орындалады

Қорытынды:
Жүлдегер топты анықтау.
Кештің әділ - қазылар алқасына сөз беру.
Екі топтың сайысының қорытындысын шығару
“Қыран” тобы - 31 балл, “Мұрагер”тобы - 32 балл жинады.
Кеш соңы бимен ұласты.