Мұғалім

Сабақтың тақырыбы: «Мұғалім»
Сабақтың мақсаты:
Білімділік: «Мұғалім» тақырыбына байланысты сөздермен танысу. Сөз тіркестері мен сөйлемдер құрауды үйрету.
Дамытушылық: Сызбалармен жұмыс арқылы оқушылардың ой-өрісін дамыту, ойлау қабілетін арттыру.
Тәрбиелік: Елге, жерге, отанға деген сүйіспеншілігін арттыру. Ана тілінде еркін сөйлеуге дағдыландыру. Мұғалімді құрметтеуге, сыйлауға, қастерлеуге тәрбиелеу.

Сабақтың түрі: аралас сабақ.
Сабақтың әдісі: Топтау, сұрақ-жауап, жаттығулар жұмысы, тірек - сызба.
Сабақтың көрнекілігі: әдістемелік кітапшалар, суреттер, плакаттар, топтамалар.

Ұйымдастыру кезеңі
1. Оқушыларды түгелдеп, кітап, қаламсаптарын дайындату, сынып тазалығына қарау. Оқушылардың назарын сабаққа аудару.
2. Үйге берілген тапсырманы сұрау.
3. Сабақтың тақырыбымен таныстыру.

Мұғалім: Сәлеметсіңдер ме, оқушылар!
Бүгінгі сабағымызда кім жоқ?
Оқушылар, үйге не тапсырма берілді?
Оқушы: Үйге наубайшы тақырыбындағы суретке қарап, сөйлем құрау.

Сурет 1
Оқушы: Наубайшы наубайханада нан пісіреді.
Нанның құрамы: ұн, ашытқы, сүт, тұз.
Мұғалім: Оқушылар, бүгінгі сабағымыз ерекше сабақ, себебі бүгінгі сабақты топқа бөлініп өтеміз. Әр топтың өз атаулары бар.
І топ. «Жұлдызша»
Топ жетекшісі:
ІІ топ. «Қыран»
Топ жетекшісі:.
ІІІ топ. «Балдырған»
Топ жетекшісі:.
Ал, енді өткен тақырыптарды еске түсіру үшін топтамалардағы сұрақтарға жауап берейік.

1. Қазақ тілі алфавитінде неше әріп бар?
2. Дауысты дыбыстар нешеге бөлінеді?
3. Жуан және жіңішке дыбыстарды ата?
4. Дауыссыз дыбыстар нешеге бөлінеді?
5. Көптік жалғауларын ата?
6. Оқушы, дос, кітап сөздеріне көптік жалғауларын жалға.
7. Буынның неше түрі бар?
8.Бітеу буын қалай жасалады?
9. Ашық буынға мысал келтіру.
Өткен сабақты пысықтау сұрақтары арқылы еске түсірсек, енді бүгінгі күн ретін жазайық.
Сабақтың тақырыбы : «Мұғалім»
Миға шабуыл
- Ең алдымен, мұғалім қандай қызмет атқарады?

Ассоциациялы аймақ
оқытады
түсіндіреді
үйретеді
Мұғалім
жаттықтырады
жаттатады
жаздырады
Сонымен, оқушылар мұғалімнің қандай қызмет атқаратынын білдік.

«Мұғалім - мектептің жүрегі».
Сұрақ: Мұғалім болмаса, өмірді қалай елестетесіңдер?
Оқушы: Онда біз сауатсыз болар едік.
Оқушы: Мұғалімсіз, білімсіз өмір жоқ.

Оқулықпен жұмыс
Сөздікпен жұмыс.
Көрді – видел(а)
Шақырды – позвал(а)
Қосымша – дополнительный
Келемін – приду
Осы сөздерден әр топ бір-бір сөйлемнен құраңдар.
Оқулығымыздың 42-бетінде 1-жаттығуда сурет берілген, сурет тақтада ілулі тұр. Суретке қарап сөйлем құраңдар.

Сурет 2
Келесі 2-жаттығуда диалог берілген. Жаттығуды оқымас бұрын диалог дегеніміз не? Қане, кім жауап береді?
Оқушы: Диалог дегеніміз - екі адамның сөйлесуі.
Дәптермен жұмыс. 3-жаттығу. Жаттығуды жазбас бұрын түбір дегеніміз не екенін есімізге түсірейік.
Оқушы: Түбір дегеніміз – сөздің бастапқы мағыналы, өзгермейтін бөлігі.

Менің шешем – мұғалім.
Кеше мұғалімнің үйіне бардым.
Ол мұғалімді бүгін көрді.
Мұғалімде көп кітаптар бар.
Мен мұғалімнен дәптер алдым.
Балалар мұғаліммен театрға барды.

Сергіту сәті: «Ұшты - ұшты» ойыны
Ойынға қатысушы балалар бастаушының сөзін тыңдап отыруы шарт. Ұшатын нәрсе айтылса, оқушылар қолдарын жоғары көтереді де, ұшпайтын айтылса, қозғалмай отырады. Қателескен бала жұмбаққа жауап береді.

4-жаттығу.
Кім не істейді? Деген сызба арқылы біз мұғалімнен басқа қандай мамандық иелері бар екенін біле аламыз.

Сурет 3
Мамандық аттарын дәптерімізге жазып алайық.
«Ойлан, тап!» ойыны
Бұл ойынға топ жетекшілері қатысады. Үстелдің үстінде мұғалімдердің пайдаланатын заттары тұр. Осы заттарды топ жетекшілері 2 минут көріп жазып шығуы керек.

Сурет4
Келесі ойынымыз «Сөз жарысы»
Ойынымызды бастамас бұрын қазақ тіліне тән дыбыстарды есімізге түсірейік.

Осы дыбыстардан әр топ жеке-жеке сөздер құрайды. Әр ойынның нәтижесі жұлдызшамен бағаланады.
Бекіту кезеңі
Өткен сабақты қорытындылау үшін тест сұрақтарына жауап берейік.
Тест қорытындысы келесі сабақта айтылады.

Тест сұрақтары
1. Жуан дауысты дыбыстарды табыңыз?
а) а, ә, о, е, ө;
ә) г, ғ, д, ж;
б) о, ұ, ы, а.
2. Қай дыбыс дауысты да, дауыссыз да бола алады?
а) у;
ә) и;
б) к.
3. Көптік жалғау жалғанған сөзді табыңыз?
а) кітап;
ә) оқушылар;
б) дос.
4. Ұяң дауыссыз дыбыстарды табыңыз?
а) а, ә, о, ө;
ә) б, в, г, ғ, д, ж, з;
б) р, л, м, н, ң.
5. Бітеу буынды көрсетіңіз?
а) су;
ә) ел;
б) көз.
6. Қазақ тілінде қанша әріп бар?
а) 42,
ә) 37;
б) 40.
7. Жуан буынды сөздерді табыңыз?
а) ілгешік;
ә) өрік;
б) орындық.
8. Көптік жалғауын көрсетіңіз?
а) –лар, - лер, -дар, -дер;
ә) –ған, -ген, -қан, -кен;
б) –тың, -тің, -дың, -дің.
9. Буынның неше түрі бар?
а) 5;
ә) 3;
б) 2.
10. Жіңішке буынды сөзді көрсетіңіз?
а) ұшқыш;
ә) өрмекші;
б) қаламсап.
Үйге тапсырма