Математика сабағында Блум таксономиясын қолдану

Сабақтың тақырыбы:«Қысқаша көбейту формулалары»
Сабақ мақсаты:
● Қысқаша көбейту формулалары туралы оқушы білімдерін жинақтау, жүйелеу, тәжірибеде қолдана білу дағдысын қалыптастыру;
● Оқушылардың ой - өрісін кеңейту, логикалық ойлау қабілеттерін дамыту, ұжымшылдық қабілетін дамыту;
● Алға қойған мақсатқа жете білуге, жауапкершілікті сезіне білуге, өзіне сенімді болуға тәрбиелеу. Оқушыны жеке тұлға етіп қалыптастыру.
Сабақ типі: Білім, білік және дағдыны тексеру сабағы
Сабақтың әдісі: Блум таксономиясы.
Сабақ түрі: Аралас сабақ
Сабақтың көрнекілігі: презентация, маркер, үлестірмелер, сызбалар (қысқаша көбейту формулалары)

Сабақтың барысы:
1. Ұйымдастыру кезеңі. Оқушылардың сабаққа қатысуын қадағалап, оқушыларды
3 топқа бөлу, бағалау парақтарын тарату
2. Үй тапсырмасын тексеру.
Үйге берілген №219 (3 - 8), 222 (3 - 6) есеп нәтижесі таратылады. Оқушылар бір - бірін тексереді. Бағалау парағына дұрыс жауаптардың жартысына тең ұпайды жазамыз.

Бағалау парағында сабақта орындалатын жұмыстар жазылған, әр жұмыс бойынша оқушылар тиісті ұпай алып отырады. Сабақ соңында осы ұпай бойынша бағаланатын болады.
Білім кезеңі. Оқушылар, бүгін біз өз білімімізді сынап көрейік. Еске түсірейік, сендер қандай қысқаша көбейту формулаларын білесіңдер?
(қосындының квадраты, айырманың квадраты, квадраттардың айырымы, қосындының кубы, айырманың кубы, кубтардың айырымы, кубтардың қосындысы). Дұрыс балалар, енді осы формулаларды қандай деңгейде жаттап алғандарыңды тексеріп көрейін. Мен қазір формуланы айтамын, сендер оны алдарыңдағы А3 қағазға жалғастырып аяқтап жазасыңдар.

1. (а + b)²= а²+2аb+b²
2. а² - b² = (а - b) (а+b)
3. а³- b³ = (а - b) (а²+аb+b²)
4. (а - b)³= а³- 3а²b+3аb²- b³
5. (а - b)²= а²- 2аb+b²
6. а³ + b³ = (а+b) (а²- аb+b²)
7. (а + b)³= а³+3а²b+3аb²+b³

3. Өтілген материалды бекіту.
Түсіну кезеңі. «Көпмүшелерді түрлендір». Оқушыларға тапсырма таратылады, ол слайдта да көрініп тұр. Есеп нәтижесіне сәйкес әріпті тауып, оқушылар сөз құрастырады. Тапсырма уақыты - 5 минут.
Тапсырма------------------Жауаптары-----------------------Әріптер
(x+y)(x2 - xy+y2)
(5x+y) 3
(1 - a) 3
(2x2 - y2)(4x4+2x2y2+y4)----------------- x2+8х+16
9m2 - 30mn+25n2
16b2 – a4
x3+y3
125x3+75x2y+15xy2+y3
1 - 3a+3a2 - a3
8x6 - y6 А
КСПАЬЛ

Оқушылар дәптерлерін ауыстырып, бір - бірін бағалайды. Егер дәптерде «Паскаль» сөзі шықса, бағалау парағына 5 ұпай, ал басқа сөз шыққан болса, дұрыс шыққан әріптердің санынан 2 - ні алып тастап бағалау парағына жазыңдар.

Анықтамалық ақпарат: Блез Паскаль (фр. Blaise Pascal, Маусымның 19 1623 жыл — Тамыздың 19 1662 жыл) - XVII - ғасырда өмір сүрген француз математигі және физигі, пәлсапашы, әдебиетшісі. Математикалық анализ, ықтималдық теориясының, кескіндік геометрияның негізін салушылардың бірі, гидростатиканың негізгі заңының авторы. Паскаль 12 жасынан бастап ғылыммен шұғылданды. Әкесі Этьен математик және астроном болған. Әкесі баласын ғылым үйірмесіне қатыстырған. Сол кезде зерек бала сол кездегі ғалымдармен бірдей ғылым туралы пікірлескен. 16 жасында Паскаль «Қима туралы» еңбегін жазады.

Қолдану кезеңі. “Эстафета” бөлімінде қысқаша көбейту формулаларын пайдаланып есептер шығарамыз. Әр топтан бір - бір оқушыдан шығып, есепті тақтада орындайды. 1 - есеп нәтижесін 2, 3 тапсырмаларға қолданамыз. 3 - есеп нәтижесін 4 - есепке, 4 - есептің нәтижесін 5 - есепке. Яғни, сендердің 1 - есептерің дұрыс шықпаса қалғандары да дұрыс шықпайды деген сөз.
Сергіту сәті. Оқушыларға сан айтылады. Егер ол сан қандай да бір санның квадраты болса, оң қолдарыңды, кубы болса сол қолдарыңды, бір уақытта квадраты да кубы да болса екі қолдарыңды көтеріңдер.
Талдау кезеңі. Оқулықпен жұмыс №230, 231, 232. Алдымен есеп топта шығарылып, талқыланады. Есеп жауабына қарай топтар бірін - бірі бағалайды.

4. Қорытындылау.
Жинақтау кезеңі.
«Белгі - тірек» ойыны.
Қысқаша көбейту формулалары шамамен бұдан 4 мың жыл бұрын белгілі болған. Вавилондықтар және басқа да халықтар бұл формулаларды ауызша және геометриялық түрде тұжырымдаған. Ежелгі Грекияда алгебралық сұрақтар геометрия тіліне көшіріліп отырған. Эвклидтің «Бастамалар» атты екінші кітабында гректердің геометриялық алгебрасы берілген. Эвклидтің аталған кітабында қысқаша көбейту формулаларын қалайша түсіндірілді, қалай берілді деп ойлайсыңдар?

5. Бағалау. Әр топ басшысы бағалау парағындағы қорытынды ұпайды шығарып, мұғалімге оқушы дәптерлерін жинап береді. Бағалау кестесіне сәйкес оқушылар бағаланады.
23 - 25ұпай “5”
19 - 22 ұпай “4”
18 ұпайға дейін “3”
6. Үйге тапсырма: «Қысқаша көбейту формулаларын қайталау», №225, 227 есептер