Дененің массасы. Заттың тығыздығы

Физика пәні мұғалімі Жадыра Рахманкулова

Физика 7 сынып
Тақырыбы: Денелердің өзара әрекеттесуі. Дененің массасы. Заттың тығыздығы.
Мақсаты
Денелердің өзара әрекеттесуі кезінде әр түрлі дененің инерттілігінің өлшемі, 1 см3 заттың массасын көрсететін шамалар туралы түсінік беру. Осы физикалық шамалардың формуласын және өлшем бірліктерін меңгертіп, өз бетімен жұмыстануға дағдыландыру.

Күтілетін нәтиже А) Денелердің өзара әрекеттесуін, дененің массасын және заттың тығыздығы физикалық шамалар және формулаларды пайдаланып есептер, өлшем бірліктерінің неге тең екенін біледі;
В) Денелердің өзара әрекеттесуін, дененің массасын және заттың тығыздығы физикалық шамалар екенін, оларға мысалдар келтіріп түсінеді;
С) Денелердің өзара әрекеттесуін, дененің массасын және заттың тығыздық ұғымдарын түсінеді.
Дереккөздер, құрал - жабдықтар Физика 7 сынып, авторлары:
1. Р. Башарұлы, У. Тоқбергенова, Д. Қазақбаева Алматы «Атамұра» 2012
2. Интерактивті тақта, таразы, арбаша 2, жүктер

Мұғалім әрекеті
Ынтамақтастық атмосферасын қалыптастыру. «Игі тілек!» айтады.
Үй жұмысын тексеру.
Интербелсенді тақтадан заттың құрылысы бөлімі бойынша 7 сұрақтар көрсетіп қоямын. (Слайд 1)
Өткен сабақтарды шолуға арналған тест:
1. Атом ұғымын ғылымға енгізген кім?
А. Галилей Б. Декарт В. Аристотель
*Г. Демокрит
2 Табиғатта барлық физикалық денелер.... тұрады?
А. Өте кіші шариктерден
Б. Тек қана протондардан
*В. Молекулалар, атомдар және тағы басқа бөлшектерден
Г. Тек қана электрондардан
3. Табиғаттағы бақылау процесіне жинақталған, ғылыми фактілердің негізінде ұсынылған болжам... деп аталады?
А. Физикалық шама
Б. Тәжірибе
* В. Гипотеза
Г. Физикалық эксперимент

4. Уақытты өлшеуге арналған аспап....
А. Барометр
Б. Сызғыш
В. Спидометр
* Г. Секундомер

5. Секундпен... өлшенеді?
А. Аудан
Б. Ұзындық
В. Жылдамдық
* Г. Уақыт
Тест жұмысын алғаннан соң өз жұмысын сараптауға арналған нұсқау:
Тестте 5 сұрақ берілген. Сен оның барлығын таптың ба?
Жауап нұсқаларынан бірнеше сұрақ ойлап тап.
Мұғалімге айтпас бұрын, өздерін сұрақтардың дұрыс құрастырғаныңа көз жеткіз.
Бір – біріңмен сұрақ - жауаптарды салыстырғаннан соң, сенің жауаптарыңа деген көзқарасың өзгерді ме?
Сенің жауаптарың қаншалықты дұрыс деп ойлайсың?

«Тақырыптың түйінді сөздері» әдісі.
(эксперимент, теория, материя, зат, дене, атом, молекула, масса, телескоп,
галактика, мензурка, диффузия,
тығыздық, температура, планета)(Слайд2)

Сабақтың тақырыбын интербелсенді тақтадан көрсетіледі. (Слайд 3)
Сабақтың мақсатын айтып кетемін.
(Слайд 4)
«Жағдаяттық сұрақтар»
Интерактивті тақтаға денелердің өзара әрекеттесу тақырыбында қолданған фотосуретті көрсету, мысалы
- Әділет Оралбекпен әрекеттескенде қандай жағдай орын алды?
- ал Айназардың ентігіп жүгіріп келе жатқан бала соқтығысуы туралы ойын білу?
- Бұтақтағы торғайдың ұшу әрекеті?
- Осы мысалдан қандай қорытындыға келесіңдер?
Денелердің бір - біріне әрекет етуі өзара әрекеттесу болып табылатыны айтылады.(Слайд5)