Инерция. Кеңістік пен уақыт

Павлодар облысы,
Ертіс ауданы, Ынтымақ негізгі мектебі
Математика мен физика пән мұғалімі
Идрисова Дана Темирбаевна

Физика 7 сынып
Сабақтың тақырыбы: Инерция. Кеңістік пен уақыт
Сілтеме: Жоспар
Жалпы мақсаты:
▪ Инерция. Кеңістік пен уақыт жайлы мағлұмат беру
▪ Инерция. Кеңістік пен уақытты күнделікті өмірде, есеп шығаруда қолдана білуге үйрету
▪ Топта бағалауға баулу
Күтілетін нәтиже:
▪ Инерция. Кеңістік пен уақыт жайлы мағлұмат алады
▪ Инерция. Кеңістік пен уақытты күнделікті өмірде, есеп шығаруда қолдана білуге үйренеді
▪ Топта бағалай алатын болады
Негізгі идеялар: Кез келген дене сырттан әсер болмағанда өзінің Жермен салыстырғандағы тыныштық күйін немесе бірқалыпты түзусызықты қозғалысын сақтайды.
Мұның дұрыстығына мына тәжірибе арқылы көз жеткізуге болады:

Денеге басқа денелер әсер етпегенде дененің жылдамдығын сақтау құбылысын инерция деп аталады.
Адамдар күнделікті өмірде инерциямен жиі ұшырасады. Мысалдар:

Кеңістіктің негізгі қасиеттері: оның шынайы бар болуы, материямен біртұтастығы, шексіздігі, үш өлшемділігі
Уақыттың негізгі қасиеттері: шынайы бар болуы, үздіксіздігі, тәуелсіздігі, бір қалыптығы, бір бағыттылығы.

Тапсырмалар: Топтық жұмыс
Топтық жұмыс
Жеке жұмыс «Блум таксономиясы»

Сабақ бойынша мұғалімнің жазбалары: (мұғалім және оқушы немен айналысады)
І. Ұйымдастыру (2 минут)
1. 1. Сәлемдесу
1. 2. Сынып оқушыларына жағымды ахуал туғызу
1. 3. Түгелдеу
1. 2. Топқа бөлу (сурет қиындылары арқылы 4 топқа бөлінеді)

ІІ. Үй тапсырмасын сұрау (4 минут)
1. Бірқалыпты түзу сызықты қозғалатын дененің орын ауыстыруын оның қозғалыс жылдамдығы мен уақыт арқылы қалай өрнектеуге болады? Формуласын жазыңдар.
2. Орын ауыстыруды координаталар айырым арқылы қалай өрнектеуге болады? Формуласын жазыңдар?
3. Қозғалыс заңының формуласын қалай жазуға болады?
4. Бірқалыпты түзу сызықты қозғалатын дененің қозғалым графигі қандай болады?

ІІІ. Талқылау үшін сұрақтар беріледі (3 минут)
1. Денеге еш нәрсе әрекет етпесе, ол қандай күйде болады?
2. Инерция деп нені түсінеміз?
3. Кеңістік және уақыт туралы не айтуға болады?

ІҮ. Топтық жұмыс (15 минут)
Сіздің тобыңызда 5 рөлді: лидер, баяндамашы, хатшы, уақыт сақшысы және бақылаушыларды анықтаңыз. Жұмыс төмендегідей жоспармен жүреді:
Берілген мәтінді оқып, топпен бірлесе отырып, талқылайды және әр топтың бақылаушысы жасаған жұмыстарға сәйкес бақылау парағын жүргізеді.