Бізбен байланыс
kum2017@yandex.ru
WhatsApp: +7 705 241 87 47


Салауатты өмір - жарқын болашақ

27 наурыз 2014, Бейсенбі
Категориясы: Тәрбие сағаты
Сыныбы: 5
Сабақтың тақырыбы: Салауатты өмір - жарқын болашақ.
Сабақтың мақсаты:
1. Оқушылардың салауатты өмір туралы ұғымдарын кеңейту, жағымсыз әдеттердің ішімдік, темекі, есірткінің адам ағзасын бұзатын қасиетін ашып көрсету
2. Оқушылардың зиянды әдеттерге негативті көзқарасын дамыту.
3. Оқушылар бойында салауатты өмір салтын қалыптастыруға, өз ісіне жауапкершілікпен қарауға тәрбиелеу.
Сабақтың көрнекілігі: интерактивті тақта, плакаттар, «біз жағымсыз әдетке қарсымыз», «салауатты өмірді қолдаймыз» сурет көрмесі, сұрақ жасырылған қоржын.

І. Оқушыларды екі топқа бөліп отырғызып аламын. Сәлемдесу, түгелдеу, сабаққа дайындығын тексеріп, жаңа сабақты бастаймыз
Ал, балалар жаңа сабақ бастамас бұрын орындарымыздан тұрып бір - бірімізге сәттілік тілейік.
Еліміздің Президенті Н. Ә. Назарбаев барлық халыққа жолдаған жолдауда
«Қазақстан - 2030» бағдарламасында халықтың салауатты өмір сүруіне қол жеткізу үшін негізгі 3 бағытта күрес жүргізу керек деп атап көрсетті.
1 - бағыт - «темекі шегуді тоқтату»
2 - бағыт - «Нашақорлыққа, наркобизнеске қарсы күрес»
3 - бағыт - «Маскүнемдік пен араққа қарсы күрес»
Осы үш бағытты ұстанған жағдайда салауатты өмір қалыптасады.

Денсаулық - біздің емес, мыңның байлығы және баршаға ортақ ең басты байлық.
Денсаулық өмірдің басқа игіліктеріне қарағанда әлдеқайда құнды. Ел аузындағы «Ауру патшадан дені сау қайыршы артық» деген сөз текке айтылмаған.
Зиянды әдеттер: темекі тарту (шылымқор), ішімдік ішу (маскүнемдік), улы заттарды иіскеу(токсикомания), есірткі тарту(наркомания). Бұл әдеттердің барлығы да адам өміріне өте зиян келтіреді. Бұл заттар организмді біртіндеп улайды. Темекіні алғаш ұстағанда, темекіні тартқанда адам жөтеледі, түтін шығады, қақалады. Ағзамызды қинаймыз. Темекіні жас кезінен тартқан бала ұмытшақ, беті сарғыш тартады, тісі сарғаяды, ұрысқақ, ашуланшақ болады. Дауысы өзгереді, ойлау қабілеті төмендейді, темекі қатерлі ісік, асқазан жарасы, қан тамырларының тарылуы сияқты ауруларға әкеп соқтырады. Темекі ауыз қуысы, жұтқыншақ, өңеш ауруларынан болатын жаман ауруға өкпенің қатерлі ісігіне шалдықтырады. Жағымсыз әдеттердің бірі маскүнемдік. Емделуі қиын ұзаққа созылатын ауру. Ішімдік ми, асқазан, жүрек, бауыр, бүйрек ауруы және жүйке жолы ауруларына шалдықтырады. Есірткі заттарды, токсикомания яғни, уландырғыш заттарды пайдаланудан бас жиі ауырады, ми зақымданады, құсқысы келеді, бойы өспейді, әр түрлі ауруларға шалдығады.

Ал, балалар осы естіген ақпараттардан қандай шешім қабылдауға болады?
1. Бұл аурулардан қалай сақтануға болады?
2. Салауатты өмір салты дегеніміз не?
3. Жаман әдетке үйір болмай өмір сүру мүмкін бе?
Оқушылар пікірі тыңдалады.

Жарайсыңдар балалар, бүгінгі біздің сабағымызға қонақ келді. Ол қонағымыз - медбике. Медбике сендердің түсінгендеріңді тексере отырып, сендерге бір тапсырмамен келіпті. Бұл тапсырмада жағымсыз әдеттерден адам ағзасында қандай аурулар пайда болатынын айтуды сұрап отыр. Оқушылар плакатқа кесте түрінде сызып, қорғайды.
Жарайсыңдар балалар! Бұл тапсырма өте жақсы орындалды. Медбике апайларың сендерге өте риза болып кетті.

Сергіту сәті. Ал, енді балалар, бізге «5 сыныптың оқушылары қалай оқиды екен, өз денсаулықтарын қалай нығайтады, салауатты өмір салтын ұстана ма, жоқ па» - деп бізге дене тәрбиесінің мұғалімі қонаққа келді. Бұл қонақ та сендерге тапсырмамен келіпті. Ол тапсырма зиянды әдеттерге байланысты сөзжұмбақты шешу. Екі топтан оқушылар, тапсырманы қаппен секіру ойыны арқылы орындайды.
1. Бензин, ацетон, клей, улағыш заттарды иіскейтін адамды қалай атайды?
2. Арақ, сыра, шарап ішетін адамды қалай атайды?
3. Қандай жағымсыз әдеттен өкпеде қатерлі ісік пайда болады?
4. Есірткіні қабылдайтын адамды қалай атайды?
5. Осы зиянды заттар барлығы қандай заттар?
6. Осы заттан қан тарылуы, цирроз аурулары пайда болады?
7. Күшті у ол не?

Барлығы дұрыс балалар, жарайсыңдар! Дене тәрбиесі мұғалімі де сендерге риза болып, сендерді жағымсыз әдеттерден аулақ болуды, дене шынықтырумен айналысуға шақырады.. «Біз жағымсыз әдетке қарсымыз», «Салауатты өмірді қолдаймыз» сурет көрмесімен жұмыс.
Қорытындылау.
Ал, балалар бүгінгі сабақты қалай түсіндіңдер, соны байқайық. Екі топ бір біріне қарама – қарсы сұрақтарды қоржынға жасырып, жауап береді.
Ал, құрметті оқушылар осы зиянды әдеттерден бойымызды аулақ ұстайық деген ниетпен, өзіміздің сыныптың оқушылары бата береді.
25 903
0
  • 0
0 дауыс
Жаңалықтар
«Саналы ұрпақ - жарқын болашақ» тақырыбындағы еріктілер қозғалысының жобасы
«Саналы ұрпақ - жарқын болашақ» тақырыбындағы еріктілер қозғалысының жобасы
«Саналы ұрпақ - жарқын болашақ» тақырыбындағы еріктілер қозғалысының жобасы
Салауаттылық – саулық негізі
Салауаттылық – саулық негізі
Ақтөбе облысы, Алға ауданы В. И. Пацаев атындағы № 2 Алға орта мектебінің биология пәнінің мұғалімі Нуртиякова Рысты Агадилевна
Дене шынықтыру пәнінен сабақ жоспарлары (бастауыш сынып)
Дене шынықтыру пәнінен сабақ жоспарлары (бастауыш сынып)
Шығыс Қазақстан облысы, Көкпекті ауданы, Көкжыра ауылы, «Амангелді орта мектебі»КММ дене шынықтыру пәні мұғалімі Токов Мухит Касымович
Тіршілік көзі-салауатты болашақ
Тіршілік көзі-салауатты болашақ
ШҚО, Семей қаласы, «№ 47 жалпы орта білім беретін мектеп» коммуналдық мемлекеттік мекемесі бастауыш класс мұғалімі Оспанова Индира Алимханқызы
Салауатты өмір салты
Салауатты өмір салты
Қарағанды облысы, Балқаш қаласы, №2 Абай атындағы лицей коммуналдық мемлекеттік мекеме өзін - өзі тану пәні мұғалімі: Байкулова Кенжегуль Мамырбековна
Мектепте оқушының салауатты өмір сүру мәдениетін  қалыптастырудың ерекшеліктері
Мектепте оқушының салауатты өмір сүру мәдениетін қалыптастырудың ерекшеліктері
"Сымбат" жеке мектебі бастауыш сынып мұғалімі Макуова Нуршат Аманкосовна
Пікірлер (0)
Ақпарат
Қонақтар,тобындағы қолданушылар пікірін білдіре алмайды.
×