Білімділер поралы

Әдемі гүлдер

Білім беру саласы: «Шығармашылық»
Ұйымдастырылған оқу іс - әрекеті: Желімсіз жапсыру (презентациясымен)
Тақырыбы: «Әдемі гүлдер»

Мақсаты: қиылған дайын пішіндерді қағаз бетіне дұрыс орналастыра білуге, түстерді, көлемді ажырата білуге үйрету. Көктем туралы білімдерін толықтырып, гүлдердің атымен таныстыру.
Балалардың сөздік қорын молайтып, ой - өрісін, тілін, қиялын дамыту. Әдемілікті сезіне білуге, көркемдік талғамдарының жетілуіне ықпал ету.
Табиғатты қорғауға, адамгершілікке, ұқыптылыққа, бастаған ісін аяқтай білуге тәрбиелеу.

Әдіс - тәсілдері: түсіндіру, көрсету, сұрақ - жауап, сергіту, мадақтау, жеке баламен жұмыс.
Пәнаралық байланыс: тіл дамыту, айналамен таныстыру, ән сабағы.
Сөздік жұмыс: жауқазын, гүлдің сабағы.
Көрнекілігі: гүлдер, жапырақтар, құмыра, тал, табиғат бұрышы
Су сылдырап, құстар сайрап, бақтың ішінен Гүл ашылады.

Гүл бейнесіндегі тәрбиеші:
- Саламатсыңдар ма, балалар. Сендер бүгін әдемі болып кетіпсіңдер, осы топта мереке сияқты. Ал мен кішкентай Мағжанның туған күні деп естідім. Мен Көктем - Ана жіберген алғашқы гүлмін.
- Сонымен қазір жылдың қай мезгілі?
- Көктем мезгілі.
- Балалар, көктем мезгілінде болатын қандай өзгерістерді білесіңдер?
- Күн жылынады, ағаштар бүршік жарады, жер көгереді, шөптер шығады.
- Балалар, мен сендердің қолдарыңнан әлі бүрі ашылмаған гүлдерді көріп тұрмын. Енді сендер гүлдеріңді, менің қолымдағы керемет құмыраға салып, Мағжанға деген жылы тілектеріңді айтсаңдар, бұл гүлдер құлпырып кетеді. Өйткені бұл сиқырлы құмыра. Сендер жақсы тілек білесіңдер ме?
- Ия, білеміз.
- Қане тілектеріңді айтып, гүлді құмыраға сала қойыңдар.
Ақжол: Апай, менің қолымда гүл жоқ, мен мына өсіп тұрған гүлді жұлып алайын ба?
Тәрбиеші:- Ақжол, гүлді жұлуға болмайды ғой, гүл деген әдемі, оны күтіп - баптау керек, су құйып өсіру керек. Мен саған басқа гүл берейін.
Ақжол гүлді алып, тілегін айтып құмыраға гүлді салады.
Мамамыз аман болсын!
Сонан кейін, басқа балалар да тілектерін айтып, гүлді құмыраға салады.

Деніміз сау болсын!
Аспанымыз ашық болсын!
Әрқашан күн сөнбесін!
Ойыншығымыз көп болсын!
Көңілді бала болайық!
Бәріміз дос болайық!
Папамызды жақсы көреміз!
Апайдың айтқанын тыңдаймыз!
Тәртіпті бала болайық!
Бақытты баламыз!

Сиқырлы құмыра айналып, әсем гүлдер көрінеді.
Тәрбиеші: Балалар, көрдіңдер ме, қандай әдемі гүлдер. Мен бұл гүлдерді Мағжанның туған күніне сыйлағым келіп тұр. Сендер де сыйлық жасағыларың келе ме?
Балалар: Ия, жасағымыз келеді.
Тәрбиеші: Қандай сыйлық жасағыларың келеді?
Балалар: Апай, біз де гүл сыйлайықшы.
Тәрбиеші: Ендеше, ол гүлдерді өз қолдарыңмен жасаңдар. Орындарыңа отырып, маған қарай қойыңдар, мен гүлдің қалай жасалатынын көрсетейін.
Балалар өз орындарына отырады.
- Балалар, гүлдердің түсі, көлемі, әр түрлі болады. Қараңдаршы, мына гүлдің түсі қандай?
- Түсі сары.
- Ал мына гүлдің түсі қандай?
- Түсі ақ.
- Бұл гүлдердің жапырақтарының түсі қандай?
- Түсі жасыл.
- Осы гүлдердің көлемдері бірдей ме?
- Жоқ ақ түсті гүл үлкен, ал сары түсті гүл кішкентай
- Дұрыс айтасыңдар. Бүгін біздің Мағжанға сыйлайтын гүліміздің аты Жауқазын деп аталады. Қане қайталайықшы.
- Жауқазын гүлі
- Жауқазын гүлінің түсі қандай?
- Түсі қызыл.
- Балалар мынау гүлдің сабағы, қайталап айтайықшы.
Гүлдер сабағынан өсіп шығады екен. Алдымен қағаздың ортасынан, төменнен жоғарыға қарай гүлдің сабағын қоямыз. Гүлдің сабағы ұзын жіңішке болады. Содан кейін сабағынан жапырақ өсіп шығады. Енді жапырағын қоямыз. Жапырақтың пішіні сопақша болады. Сабағының жоғарғы жағынан гүл өсіп шығады. Міне біздің Жауқазын гүліміз дайын болды. Балалар, біз Мағжанға сыйлық жасайтын болғандықтан, біздің жұмыс жасайтын қағазымыз да әдемі. Гүлді қағаз бетіне қойып болған соң, екінші бетін жайлап қана үстіне жабамыз да, алақанымызбен сипап жібереміз.

Балалардың жұмысы.
Сергіту: Балалар, бір сәт біз де гүл болып жайқалып тербелейікші.
Гүлдер, гүлдер, көп гүлдер
Қызыл гүлдер, көк гүлдер.
Өсе берші нұрланып,
Өсе берші ырғалып

Тәрбиеші: Балалар, сендер гүлдерді өте жақсы жасадыңдар, түстерді де ажырата біледі екенсіңдер. Мағжан, сен гүліңді кімге сыйлағың келеді?
- Мағжан: ---------.
Мағжан өз достарына рахмет айтып, ризашылығын білдіреді.
Тәрбиеші: Енді туған күнімізді ән - бимен жалғастырайық.
Балалар шеңбер жасап тұрып «Туған күн» әнін айтады.
Тәрбиеші: Қонақтармен қоштасып, туған күнімізді ары қарай жалғастырайық.
Балалар: Сау болыңыздар, апайлар!

Назар аударыңыз! Жасырын мәтінді көру үшін сізге сайтқа тіркелу қажет.
Материал рейтингісі:
  • 0
барлық дауыс бергендер: 0
Басқа жаңалықтарды оқу:
Ақпарат
Қонақтар,тобындағы қолданушылар пікірін білдіре алмайды.
Үздік жаңалықтар
Бәйге бөлімі
  • Having fun. Abilities.

    To learn and practise Can/can't. To develop the pupil's habits of reading, speaking and writing, to support an interest to the English lesson.
  • Әртүрлі саладағы модельдер

    модель түрлерімен ажырата білуге, модель түрлерін анықтауға, модельдеудің қажеттілігін, оның пайдасын түсіндіру; оқушының шығармашылығын, ойлау қабілетін арттыру; еркін пікір білдіру мен өзара ...
  • Жұлдызды аспан

    Жұлдызды аспан – шоқжұлдыздар мен жұлдыздар олардың атаулары мен белгіленулері туралы ақпарат беру, айырмашылығын көрсету.
  • Зат есімнің септелуі

    Зат есімнің септелуі туралы түсінік беру. Септік жалғауларымен таныстырып, олардың сұрақтарын меңгерту. Оқушылардың топпен жұмыс істеу, ойлау, есте сақтау, зерделеу қабілеттерін дамыту.
  • Жұмбақ математика

    1 - ден 5 - ке дейін тура және кері санау, геометриялық пішіндерді ажырату; жұмбақ құрастыру, логикалық тапсырмаларды орындау арқылы балалардың тілін, ой – өрісін, ойлау қабілетін дамыту. ...
  • «Наурыз» С. Сейфуллин

    С. Сейфуллиның «Наурыз» өлеңді мәнерлеп оқиды. Сыни ойлауға үйренеді. Өлеңді жан - жақты талдайды. Жеке тұлға ретінде шығармашылыққа, іздемпаздылыққа баулу.
  • Ш. Мұртаза «Эльза – кішкентай періште»

    Жазушының өмірі мен шығармашылығынан мәлімет беру, үзіндіні толық талдау арқылы оқырманның рухани жан дүниесін байытудағы көркем шығарманың күш - қуатын таныту, идеялық мәнін ашу.
  • Презентацияларды құру. Безендіру шаблондары

    Презентацияны құру технологиясы туралы білімдерін қалыптастыру. Презентацияны жасауда өз шаблондарын құру технологиясын үйрену және оны практикада қолдана білу.
Соңғы пікірлер
Өз пікіріңді білдір
5 күндік оқу кестесі дұрыс па?
Ия керемет
Бұрыннан күткем
Еш өзгеріс келтірмеді
Маған бәрібір
Жоқ бұрынғысы дұрыс еді
Сайтта кім бар
Барлығы: 378
Қолданушылар: 2
Қонақтар: 376
Роботтар: 2
Нурмаханова Жайнагул Кадировна dinara939393
Ілмек сөздер
Сайт статистикасы
Яндекс.Метрика