Ұстаз – елдің жүрегі

Маңғыстау облысы, Түпқараған ауданы,
Баутин ауылы, «Ақбота» балабақшасының хореографы
Жағалбаева Нұрсулу Саматқызы

Жүргізуші: Ұлылықтың ұйытқысынан жаралған,
Өнегеңнен барлық шәкірт нәр алған.
Шапағатты шуақ сепкен ұстаздар,
Өнеріңнен бастау алар бар адам.
Ұрпақпенен өмір жолы жалғанады,
Көңілді күндер тусын алдан әлі.
Ән - шашу, әсем әуен, түрлі өнер,
Бүгінгі күн сіздерге арналады.

Ұстаз.... Қандай қасиетті сөз. Әр адамның жүрегіне ерекше бейнесімен өзектес ұғым. Адам баласының жүрегіндегі қадір тұтып, құрметтейтін екі ұғым болса, оның бірі – Ұстаз. Олай болса қадірлі ұстаздар, сіздерді төл мерекелеріңізбен шын жүректен құттықтаймыз. Бүгінгі «Ұстаз – елдің жүрегі» атты мерекелік шарамызды ашу үшін балабақша директоры Бердібаева Сания Ретханқызына сөз береміз.

Жүргізуші: Мұғалім, ғазиз мұғалім,
Сарқылмас мәңгі бұлағым.
Ұланың бүгін тойыңда,
Арнайды саған бұл әнін.

Ән: «Бала тілегі» Дүйсеғали Амина

Ұстаз – ұлағатты есім. Шәкірттерін білім нәрімен сусындатып, тәлім - тәрбие беріп, жақсы қасиеттерді бойына дарытып, адамгершілік рухта бағыт беруде еңбегі зор.
Сағыныш сазы толқытқан,
Арнамақ сөздің мәйегін.
Шәкірттерің оқытқан
Келіп тұр жолдап сәлемін. – деп балаларымызды ортаға шақырамыз.

Мерейлім: Мұғалім ғазиз мұғалім,
Төгілген арай шуағым.
Арманым қонса қолыма,
Арқаң деп сенің ұғамын.

Мейіржан: Өлеңді де үйреткен,
Биді де әсем билеткен.
Мейірімді ұстазым,
Бас иемін құрметпен.

Жарас: Ән салғызып, билеткен,
Ылғи бізбен жүреді.
Тақпақты да үйретіп,
Ойнатады, күледі.