Кәсіби «Мен» тұжырымдамасы – қарым - қатынас тренингі

Ашық тренинг – сабақ:
Кәсіби «Мен» тұжырымдамасы – қарым - қатынас тренингі
Мақсаты: қатысушыларды кәсіби «Мен» тұжырымдамасының проблемаларымен таныстыру, позитивті мен тұжырымдамасының дамуы, топтық бірігуді дамытуға арналған бірқатар тапсырмалар мен жаттығуларды жасау, өзінің өмірлік ұстанымын және кәсіби ресурстарының қандай дәрежеде екенін сезінуі, танып білуі.

Тренинг барысы:
І. Жүргізуші кіріспесі (психолог) – тренинг мақсатымен таныстыру - бүгінгі тренингте біз позитивті кәсіби «Мен» тұжырымдамасының дамуын қарастырып, сөз етеміз. Сіздерге өз өмірлік позицияларыңызды танып білу, топ болып бірігіп жұмыс істеуге дағдылану, дамытуға арналған бірнеше тапсырмалар мен жаттығулар беріледі және де өмірлік проблемаларды шеше білуге арналған сұрақ - жауаптар алынады.

Ал қазір сіздерді тренингке қатысу ережелерімен таныстырып өтейін:
Құпиялылық – тренингте айтылғанның барлығы осы жерде қалады.
Мен - айтушы, тек жеке сезімдерімді ғана айтамын(бүкпесіз)
Бағалау, пікір айту жоқ, өзгенің қатысуымен сіздің жеке өміріңізге баға бермейміз (менің өмірім тек қана менің өмірім, қателесуге құқым бар)
Қателесуге құқыңыз бар - тренингте «дұрыс», «дұрыс емес» деген жауап жоқ.
Біреу сөйлегенде екіншіміз тыңдаймыз, бір - біріміздің сөзімізді бөлмейміз.
Еркіндік – кейбір жаттығуларға қатысқыңыз келмесе, еркіңіз.

ІІ. Танысу
а) Тренинг бірнеше бөлімнен тұрады.
І – бөлімі - танысу:
Біз тапсырмалар мен жаттығуларды бірге жасау үшін жиналып отырғандықтан ең алдымен өзара түсінігімізді таныстықтан бастайық. (визиткалар таратылады)
ә) тренинг барысында өзіңізді қалай атағанын қалайсыз, солай жазыңыз (атыңызды немесе атыңызды әкеңіздің атымен қосып, апай т. б.) Енді өзіңізді таныстырыңыз, өзіңіз қалаған қалыпта (иіліп, т. б.)
б) рахмет, біз бір - бірімізге алғашқы қадамды жасадық.