Есімдіктен өткенді қайталау

Сынып: 6
Сабақтың тақырыбы: Есімдіктен өткенді қайталау
Сабақтың мақсаты:
1. Білімділік: Оқушылардың есімдіктен алған білімдерін саралау, тексеру, тиянақтау, пысықтау, теориялық білімін практикамен ұштастыру, қорытындылау;
2. Дамытушылық: Әр түрлі жаттығу жұмыстары арқылы ойлау қабілетін, өз бетінше ізденуге, табу, қиялдау, ой қорыту, өз ойларын дәлелдей білу дағдыларын шыңдау, сауатты жазуға дағдыландыру;
3. Тәрбиелік: Оқушыларды сыйластыққа, бір – бірінің пікірін тыңдауға, адамгершілік асыл қасиеттерге, еліне деген сүйіспеншілікке тәрбиелеу;
Көрнекілігі: Қанатты сөздер, мақал – мәтелдер, тірек сигналдары, графопроектор, диктофон.
Сабақ түрі: қайталау
Сабақ типі: білімді бекіту
Әдісі: Сұрақ – жауап, талдау, жаттығу, тест
Пәнаралық байланыс: әдебиет, музыка;

Сабақтың барысы:
І. Ұйымдастыру
1. Оқушылармен амандасу;
2. Кезекші мәліметі;
3. Оқушылардың зейінін сабаққа аудару;

ІІ. Үй тапсырмасын тексеру
Үйге берілген жаттығу жұмыстарын қарап шығу

ІІІ. Мақсат қою кезеңі
ІҮ. Сабақты қайталау, бекіту: «Жұмыла көтерген жүк жеңіл» - мақалдың мәнін ашу, бүгінгі сабақты барлығымыз бірлесе, жұмыла отырып өткізуге ат салысайық.
1. «Жауап бер»: өткен сабақтардан алған білімдерін сұрақ – жауап
арқылы тексеремін:
а) Қазақ тілінде қанша сөз табы бар?
ә) Қандай сөз таптарымен таныстық?
б) Есімдік дегеніміз не?
в) Есімдіктер құрамына қарай нешеге бөлінеді?
г) Есімдіктің қандай мағыналық түрлерін білесің?
д) Есімдіктердің емлесі туралы айт.

2. Деңгейлік тапсырмалар беріледі:
І деңгей: «Талдап көрсет»: Төмендегі сөйлемдерге синтаксистік талдау жаса, асты сызылған сөзге фонологиялық талдау жаса, есімдіктің құрамына, мағынасына талда:
Мысалы: Мен жазбаймын өлеңді ермек үшін (Абай).
Бұл ұрыста Төлеген ерекше ерлік көрсетті.
Әр оқушы өз міндетін жақсы атқарып жүр.
ІІ деңгей: Оқулықпен жұмыс: жаттығу жұмыстарын орындау: 211 – жаттығу – ауызша; 212 – жаттығу – жазбаша, есімдікті мағынасына ажырату; 213 – жаттығу – есімдіктің мағынасын анықтау, түбірін табу;
ІІІ деңгей: «Кім көп біледі?» - мақал – мәтел, жұмбақ, жаңылтпаш, өлең шумағынан үзінді айтудан жарыс, есімдіктерді табу;
ІV деңгей: Есімдіктердің түрленуіне мысалдар келтіру
V деңгей: Сөздік диктант алу(оқылған сөздерден тек есімдіктердің астын сызу, қателерін графопроектор арқылы тексерту, өздеріне бағалату)
Мен, сен, орындық, ұста, кілем, сендер, бұл, осы, мына, әрбір, кімді, не, әлдекім, құлын, кезекші, кейбір, бастық, әрқалай, мөп – мөлдір, әрқашан, жиырма бес, өз, жеті, міне, ол, қандай.
VІ деңгей: 1. Диктофоннан мәтін тыңдату, есімдіктерді теріп жазып отыру:
Ауыл жанында өзен бар. Оны қашан көрсең де мөлдіреп жатады. Түбінде малта тастары бар, лай болмайды. Ауыл балалары сол өзеннің басында. Оның жағасында тұрған ауыл балалары суға жүзгіш келеді. Олар өзеннен балық та аулайды. Өзенде қанша уақыт болса да қызығына бір тоймайды.

V. Сабақты қорытындылау: Тест тапсырмаларымен жұмыс(10 сұрақ):
1. Сілтеу есімдігі қайсысы?
а) сол
в) мен
с) кім
д) ешкім
2. Өзіндік есімдік қайсысы?
а) үзеңгі
в) өзіміз
с) жақсылар
д) артынан
3. Өзіндік есімдігі бар тіркес қайсысы?
а) менің елім
в) өз елім
с) ел мен жер
д) ел іші
4. Сұрау есімдігін көрсет
а) ақыл
в) үміт
с) қайда
д) оқыт
5. Сілтеу есімдігін көрсет:
а) сонау
в) кейбіреу
с) ешкім
д) мен
6. Болымсыздық есімдікті тап:
а) Ешқайсысы
в) Әсемпаз
с) Әлдеқайда
д) Кім
7. Екі түбірден бірігіп жасалатын есімдікті көрсет:
а) белгісіздік
в) жалпылау
с) жіктеу
д) сілтеу
8. Жіктеу есімдігін тап:
а) кімдер
в) әрбір
с) біз
д) өзіміз
9. Жалпылау есімдігін тап:
а) өзім
в) бүкіл
с) нешінші
д) ешбір
10. Белгісіздік есімдігі бар тіркесті көрсет:
а) кейбір жігіт
в) ешбір дыбыс
с) бүкіл әлем
д) қанша адам

VІ. Үйге тапсырма: а) «Әрқашан күн сөнбесін» өлеңіне қара сөзбен шағын шығарма жазу;
ә) Есімдіктен өткенді қайталау;
VІІ. Оқушылардың білімін бағалау (Берілген тапсырмалар оқушылардың еркін сөйлеуіне, есімдіктерді жылдам табуға, мағыналық түрлеріне ажыратуға үлесі зор болды. Бүкіл сынып болып еңбек етті, бірі білмегенді екіншісі толықтырды.)