Аяулы күз, алтын күз

«Аяулы күз, алтын күз»
/кішкентай ханзада мен кішкентай ханшайым/ сайысы

Фанфар ойналады
/Ортада «Балауса» балабақшасының биші қыздары «Көбелек» биін билейді/
Автор:
- Ерте ерте ертеде, ешкі жүні бөртеде бір патша өмір сүріпті. ол патша тастай қатты мейірімсіз, қатал, қатыгез, қара халыққа қайырымсыз болыпты. Әрі сараң, әрі өзімшіл қомағай құрдым патша қол астындағы жұртынан ұнамды, жақсы нәрсе көрсе тартып алып, бұқараға күн көрсетпепті.
Бір күні патша қатты ұйқыға кетіпті. Түсінде шиқ - шиқ етіп бір құс ұшып келіп
- Кімнің басы ақылсыз?
- Патшаның басы ақылсыз.
- Кімнің жаны рақымсыз?
- Патшаның жаны рақымсыз.
Тағы айтарым бар.
- Кімнің басы ақылсыз? – деп тағы айтып жатқанда
- Тоқтат торғай - деп патша айқайлап, ұйқысынан шошып оянады.
- Қатты қорыққан патша дереу арада уәзірлерін шақырады.
- Мен бір түс көрдім түсімде бір іс көрдім. Торғай маған ақылсызсың деп айқай салды. Менің осы түсімді жақсы жорып берсе сол адамға ат басындай алтын беремін - деді патша.
- Осы кезде бір уәзір Ұлы мәртебелі патшам мен жоримын сіздің түсіңізді деп ортаға шығады.
- Ұлы мәртебелі патшам сіз қара халыққа қатал, мейірімсіз болмаңыз осы халықтың көңілін көтеру үшін осы сарайда көңілді ойын - сауық ұйымдастыруыңыз қажет. Халықтың осылай көңілінен шығатын болсаңыз сонда ғана сіз арман мұратыңызға жете аласыз. Ұлы мәртебелі патшам біздер сіздің бұйрығыңызды күтіп тұрмыз.
- Ендеше нені күтіп тұрсыңдар жақсы бір ойын - сауық кешті бастамаймыз ба?
- деп бар дауысымен бұйырды.
(Осы кезде музыкамен сахнаның екі жағынан екі жүргізуші шығады.)
1 - жүргізуші:
- Армысыздар, ата - аналар, шақырылған қонақтар және бүлдіршіндер!
2 - жүргізуші:
- Қайырлы күн, құрметті қонақтар, жас достар. Берекелі де, мерекелі «Аяулы күз, алтын күз» атты кішкентай ханзада мен кішкентай ханшайым байқауына қош келдіңіздер!
1 - жүргізуші:
- Күз айы - мерекелі ай. Қырман толып, халқымыздың ырысы артатын берекелі ай. Келесі күзге дейін жүрегімізде есте қалатындай арман сезімін себелейтін, үнемі асқақ мұраттарға жетелеп отыратын қасиетті ай. Ендеше, халайық, келіп отырған Алтын күз мерекесі әрбір жанға құт пен береке, ырыс пен табыс әкелсін демекпіз.
2 - жүргізуші:
Құрметті халайық, бүгінгі өткізгелі отырған байқауымыздың негізгі мақсаты жаңа ғасырдың ұлы көшінде егемендігі еңселене түскен Тәуелсіз Қазақстанда тұрып тәрбиеленіп жатқан жастарымыздың рухын көтеріп, эстетикалық талғамын арттыру арқылы өнерге, сезімталдыққа, сыпайылыққа, мейірбандылыққа, адалдыққа, еңбекқорлыққа тәрбиелеу болып табылады.
1 - жүргізуші:
Күздің желі гуілдейді бір сарын,
ұшсын желмен жүрегімен тұнса мұң.
Қоштасады шыр айналып жапырақ,
Қоштаспасын тек жаздағы жыр - сағым.
2 - жүргізуші:
Әр мезгілдің бар ерекше асылы,
Күзге бірақ, көңілім сәл жасыды.
Қалғытпа тек қысы - жазы жырымды,
Жаз - ғұмырдың жүректегі жасына.

1 - жүргізуші:
- Олай болса бүгінгі «Аяулы күз, Алтын күз» тақырыбындағы Кішкентай ханзада мен кішкентай ханшайым атты сайысымызға қатысатын үміткерлерді қошеметпен ортамызға шақырайық.

2 - жүргізуші:
- Қарсы алыңыздар кешіміздің үміткер ханзадалары мен ханшалары!