Дымбілмес бізде қонақта

Дымбілмес бізде қонақта
Мақсаты: Балалардың жыл бойы алған білімдерін пысықтап қорыту, байланыстырып сөйлеу дағдыларын бекіту. Логикалық ойлау қабілеттерін жетілдіру. Дыбыстарды, сөзді анық, дұрыс айтуды меңгерту. Дыбыстарды, сөзді анық, дұрыс айтуды меңгерту. Тапсырмаларды түсініп өз беттерінше орындай білуге тәрбиелеу.
Шаттық шеңбері: Біз қазақтың баласы,
Сәлем сөздің анасы.
Алдымыздан кезіккен,
Көп танысты көреміз.
Бәріне де ізетпен,
Иіліп сәлем береміз.
Есіктен Дымбілмес келеді.
Дымбілмес: Менің мектепке барғым келеді, бірақ мектепке дайын емеспін.
Балалар маған көмектесесіздер ме?
Тәрбиеші: Балалар Дымбілмеске көмектесеміз бе?
Балалар: Ия, көмектесеміз.
Тәрбиеші: Ендеше мына сиқырлы кітапшада тапсырмалар бар. Тапсырманы Дымбілмеспен бірге орындайық.
Д/О: «Бұл қай ертегі?» Ертегілерден суретті үзінділер слайд арқылы экраннан көрсетеді. Балалар қай ертегі екенін тауып айтады. ( Қарлығаштың құйрығы неге айыр?. Түлкі мен тырна. Жеті лақ. Мақта қызбен мысық. Үйшік.
Тәрбиеші: Дымбілмес мектепке бару үшін жаңылтпаш, тақпақтар білу керек, сен қандай жаңылтпаш білесің?
Дымбылмес басын қасып, қипақтап жауап бере алмайды.
Д/О: «Кім қандай жаңылтпаш біледі?»
Балалар дыбыстарға байланысты жаңылтпаштар айтады.
Айша қанша арша алса,
Ғайша сонша арша алды.
Аршаламаған аралар,
Алас ұрып жалады.
2. Топ - топырымен
Топтасқан тоқылдақ,
Тоқтамай томарда,
Тоқтамай тоқылдат.
3. Уықтардың барлығын,
Уық қапқа сал күнім.
Уыз қапқа салған соң,
Уыздан жеп ал күнім. Т. б
Д/О: «Ретімен орналастыр»
І. Жансүгіровтың «Малта» әңгімесін сурет бойынша ретімен тақтаға әңгімені айта отырып орналастырады.
Д/О: «Мына суреттегі заттар қандай әріптерге ұқсайды?»
Слайд арқылы көрсету.
Саусақ жаттығуы: «Күн мен гүл»
Көтерілсе күнім,
Ашылады гүлім.
Кешкісін күн батады,
Гүл ұйқыға жатады.
Д/О: «Төртіншісі артық»
Д/О: «Сөздік ойын»
Тәрбиеші: Мен қазір бір сөз айтамын сендер сол сөздің аяғындағы дыбысқа байланысты сөз айтасыңдар.
Д/О: «Мен бастаймын сендер аяқтаңдар»
Буынға буын қосып сөз құрайды. Мысалы: АЛ - МА. ӨР - ІК. ҚАР - БЫЗ т. б
Сергіту сәті:
Тәрбиеші: Қане, балалар орнымыздан тұрып күлімсірейік
Жоғары - жоғары көтеріліп,
Иықтарды тік ұстап,
Бір көтеріліп бір түсір.
Оңға бұрыл, солға бұрыл,
Қолды тізеге түсір.
Бір отырып, бір тұрып,
Біз тынығып алайық.
Үлестірмелі материалдармен жұмыс. Тапсырмаға қарап есеп шығарады.
Д/О: «Пішіндерден бейне құрастыр» Балалар әртүрлі пішіндерден әр түрлі заттар құрастырады.
Тәрбиеші: Дымбілмес саған балалармен бірге ойын ұнады ма?
Дымбілмес: Ия, маған оқыған ұнады. Мен балалардан көп үйрендім, енді мен де оқимын.
Тәрбиеші: Балалар, Дымбілмес мен сендерге сыйлыққа кітап беремін.
Кітапты оқып үйреніңдер. Кітаппен дос болсаңдар жақсы оқушы боласыңдар, көп нәрсені оқып үйренесіңдер.