Қуыршақтар бізде қонақта

Балабақша тәрбиешісі: Света Атауова

Технологиялық карта
Білім беру саласы: «Таным»
Оқу іс әрекеті: Сенсорлық тәрбие
Тақырыбы: Қуыршақтар бізде қонақта.
Мақсаты: Қуыршақтың киімдерінің түстері туралы түсінік беру, түстер туралы білімдерін кеңейту, зейінділікті, қол моторикасы мен қимыл үйлесімділігін дамыту. Заттарды топтастыру және салыстыруға үйрету. Ұқыптылыққа тәрбиелеу.
Сөздік жұмыс: қызыл, сары, көк, жасыл.
Көрнекіліктер: қуыршақтар, кубиктер, қорапша, гүлдер.

Мотивациялық - қозғаушылық
Шаттық шеңбері
Сәлем деймін күнге мен!
Сәлем деймін саған мен!
Сәлем деймін апайға!
Қонақтарға баршаға!
Сәлем! Сәлем! Сәлем!

Ұйымдастырушылық - іздеушілік
- Балалар, қазір жылдың қай мезгілі?
- Бүгін аптаның қай күні?
Мен сендерге жұмбақ оқып берейін, сендер шешуін тауып беріңдер.
Қыста жердің бетін басады, Жазда сай - салаға қашады. Ол не?
Міне, балалар қараңдаршы бізге қуыршақтар қонаққа келіпті. Олар әдемі көйлектерін киіп келген екен.
Қуыршақтарға ат қойып алайық.
- Қуыршақтарымыздың көйлектерінің түсін қандай?

Балалар бізге Нұргүл есімді қуыршақ та, қонаққа келіпті, көйлегінің түсіне қараңдаршы, бұл әдемі жасыл түс.
Міне, бүгін жасыл түспен танысамыз.
Балалар, сендер білесіңдер ме, шөптің, жапырақтың түстері де жасыл болып келеді. Бірге қайталау.
- Балалар, тыңдаңдаршы есік қағады, кім екен?
- Балалар аюмен амандасайық.
- Аю;«Балалар мен орманнан келдім, сендер түстерді жақсы ажырата білесіңдер, маған түс айырып беруге көмектесесіңдер ме? Жолда келе жатып кубиктер тауып алдым, осы кубиктерді
бірдей түстес қорапшаларға бөліп бересіңдер ме?»
Балалар, аюдың кубиктерін қорапшаларға түстеріне сәйкестіріп салып береміз бе?
Әр түрлі қорапшаларға түстеріне сәйкес кубиктерді салу.,
Қорапшаларға жинақтау.
- Балалар, бойымызды сергітіп алайық.

Сергіту сәті:
«Ормандағы аюдың құлпынайы көп екен,
Теріп, теріп аламыз, қалтамызға саламыз».

Ревлексивтік – түзетушілік
- Жақсы орнымызға отырайық.
Аюмен қоштасу.
- Аю; «сау болыңдар балалар түсті ажыратуға көмектескендеріңе рахмет!»
Дидактикалық ойын;
«Қуыршақтарға гүл сыйлау»
Мақсаты; Ұқсас түстерді ажырата білуге үйрету.
Сары, қызыл, көк, жасыл түсті гүлдерді, қонаққа келген қуыршақтардың киіп келген көйлектерімен түстес гүлдерді сыйға тарту.

- Балалар, бүгінгі оқу іс – әрекеті ұнады ма?
Не үйрендіңдер?

Толық нұсқасын жүктеу