Бізбен байланыс
kum2017@yandex.ru
WhatsApp: +7 705 241 87 47


Аквариумдағы балықтар

05 наурыз 2017, Жексенбі
Категориясы: Бала-бақша
Аквариумдағы балықтар
Білім беру саласы: Таным
Бөлімі: Жаратылыстану
Мақсаты:
Білімділік: Балаларға теңіз балықтары мен аквариумдағы балықтардың тіршіліктерін таныстыру. Балық туралы білімдерін жүйелеп тереңдету.
Дамытушылық: Шығармашылық, ойлау, есте сақтау қабілеттерін дамыту, саусақ қимыл қозғалыстарының ептілігін қалыптастыра дамыту.
Тәрбиелілік: Тірі табиғатқа деген қызығушылықтарын, сүйіспеншіліктерін арттырып, оның әсемдігін сезіне білуге, оларға қамқор болуға тәрбиелеу.
Әдіс - тәсілдер: Әңгімелеу, көрсету, түсіндіру, салыстыру, сергіту сәті, сұрақ - жауап.
Оқу қызметінің түрі: Аралас
Сөздік жұмыс: Желбезек, жүзбе қанаттары, қабыршақ, шортан, сазан, гурами.
Көрнекіліктер: Интерактивті тақта, балықтардың суреттері, сары түсті поедка, желім, сүлгі, кескіш, бастырма, тұзды қамыр.
Үлестірмелі құрал - жабдықтар: Сары түсті поедка, дәнді дақыл (жүгері), диск, сары түсті қағаз.
Пәнаралық байланыс: Сауат ашу, жапсыру, құрастыру
Қолданылатын технология: Монтессори
Таңғажайып сәт: Аквариумдағы балықтар
Танымды - оятушылық:

I Ұйымдастыру кезеңі:
Шаттық шеңбері:
Достар бірге жүреміз
Бірге ойнаймыз, күлеміз
Бірге балық аулаймыз.
Міне, біздер қандаймыз!
Орман, көлге, шыңға біз
Саяхатқа шығамыз.
Бөлінбейді іргеміз
Әрқашанда біргеміз!
Әрқашан тілектес
Досыңа көмектес!

II Өткен тақырыпты қайталау:
- Балалар, сендер балабақшаға келе жатқанда нені көресіңдер?
- Аспан, бұлт, машина, жер, қар.
- Балалар, күн, су, ауа бізге керек пе?
- Ия.
- Осының барлығын бір сөзбен айтқанда не дейді?
- Табиғат дейді.
- Балалар, сусыз өмір сүре аламыз ба?
- Жоқ.
- Табиғат нешеге бөлінеді?
- Екіге (тірі және өлі табиғат).
- Жақсы, балалар. Өткен тақырыпты жақсы меңгерген екенсіңдер.

III Жаңа тақырып:
Кіріспе: Жұмбақ жасыру (интерактивті тақта)
Жүріп кетсе соңында,
Қалып жатқан ізі жоқ (балық).
- Балалар, шешуін дұрыс таптыңдар.
- Балалар, бүгін біз балық туралы білетін боламыз.
- Балалар, балық деген не? Балық – омыртқалы жануар. Балықтар негізінен, судағы тіршілікке бейімделген жануар. Жүзу жағынан олар өзге жануарлардан асып түседі. Балықтар өкпе арқылы емес, желбезек арқылы тыныс алады. Балықтар үнсіз, суда қанаттары және құйрығы арқылы жүзеді. Балықтар мұхиттарда, өзен - көлдер мен су қоймаларында тіршілік етеді.
- Балалар, біз қандай балықтардың аттарын білеміз? Есімізге түсіріп көрейікші.
- Сазан, шортан, алабұға.
- Олар немен қоректенеді?
- Олар құрттар мен жасыл шөптермен қоректенеді.
- Балықтар суда тіршілік етіп көбейеді.
- Балалар, балықтың бейнесіне назар аударайықшы. Оның денесі, басы, көзі, аузы, желбезегі, жүзбе қанаттары, қабыршағы, құйрығы бар.
Сөздік жұмыс: Желбезек, жүзбе қанаттары, қабыршақ, шортан, сазан.
- Балалар, көздеріңді бір сәт жұмайықшы.
Ғажайып сәт (аквариумдағы балықтар)
- Енді, теңіз балықтары мен аквариумда тіршілік ететін балықтарды салыстырайық.
- Балалар, алдымызда не тұр?
- Аквариум.
- Аквариум қандай ыдыстан жасалған?
- Шыныдан.
- Ішінде нелер бар екен?
- Балықтар, тастар, шөптер.
- Ендеше, балықтар аквариумда да тіршілік етеді екен. Аквариумдағы балықтарды әдемілікке ұстайды.
- Балалар, балықтар адам ағзасына да өте пайдалы екен. Аквариумдағы балықтарды жеуге болады ма?
- Болмайды.
- Қандай балықтарды жеуге болады?
- Сазан, шортан және т. б. Бұларды жеуге болады екен.
- Аквариумдағы балықтарды жұмасына бір рет ауыстырып тұрамыз.
- Балалар, балықтар сусыз өмір сүре ала ма?
- Жоқ.

Топтық жұмыс:
- Балалар, енді біз үш топқа бөлініп отырайық.
1. Алтын балық (жапсыру, құрастыру).
Балықтың бейнесін поедкамен құрастыра, жапсыру.
2. Алтын балық (тұзды қамырға жүгерімен әшекейлеп жапсыру).
Балықтың бейнесін дәнді - дақыл (жүгеріден) жапсыру.
3. Алтын балық (диск және түрлі - түсті қағаздан балықты құрастыру).
Мақсаты: Берілген композицияны (балықты) поедкамен, дәнді - дақылдармен өрнектеуге, таза, ұқыпты жұмыс істеуге дағдыландыру. Берілген композицияны безендіру.

Сергіту сәті:
Күндей болып күлеміз
Гүлдей болып өсеміз.
Құстар болып ұшамыз
Балық болып жүземіз.
Бақа болып секіреміз
Көбелектей қонамыз
Орнымызға отырамыз.

Дидактикалық ойын: “Балықты аулау”
Мақсаты. Балықты аулау ойыны берілген сурет арқылы орындалады.
Шарты: Балықтағы суреттерді атау. Жазылған сөздерді оқып, тақтаға жаза білу.

IV Тақырыпты бекіту: Карточкамен жұмыс
“Не артық” ойыны
Мақсаты: Балалардың қабылдауын анықтау, артық суретті айта білуге үйрету.
Шарты: 4 сурет берілген картокадағы артық суретті табу.

Рефлексифті түзету:
V Оқу қызметін қорытындылау:
- Балалар, біз нелермен таныстық?
- Қандай балықтарды білеміз?

VI Балалардың білімін бағалау, мақтау – мадақтау:
- Балалар, бүгінгі оқу қызметіне барлықтарың да жақсы қатыстыңдар. Сендерге көп рахмет! Жұлдызша, төртбұрыш, үшбұрышпен білімдерін бағалау. Даралап мақтап – мадақтау.
VII Үйге тапсырма беру: Жасаған жұмыстарымызды

ШҚО, Аягөз қаласы
№2 бөбекжай балабақша тәрбиешісі
Мустафина Қаламқас Сатыбалдиновна
27 469
0
  • 0
0 дауыс


Жаңалықтар
Аквариумдағы балықтар
Аквариумдағы балықтар
Балықты қалай қоректендіру керектігін түсіндіру және көрсету арқылы есте сақтау қабілеттерін дамыту. Өлең жаттату, жұмбақтар шешу. Табиғатқа деген сүйіспеншілігін арттыру, адамгершілікке тәрбиелеу.
Су өмірдің нәрі. Аквариумдағы балықтар
Су өмірдің нәрі. Аквариумдағы балықтар
Табиғат байлығына қамқор бола білу дағдыларын жетілдіру. Аквариумда жүзіп жүрген балықтар суретін салу, дәстүрден тыс сурет салу дағдысын қалыптастыру, ұқыптылыққа үйрету.
Аквариумдағы балықтар
Аквариумдағы балықтар
Балабақша тәрбиешісі: Орынбасарова Мейрамгүл Асқарқызы
Каспийдің тірі алтыны
Каспийдің тірі алтыны
Ақтөбе облысы, Ақтөбе қаласы, №32 мектеп - гимназиясының бастауыш класс мұғалімі Матаева Жанар Махамбетиярқызы
Балықты күту және баптау
Балықты күту және баптау
Шалқар қаласы, № 6 орта мектебі Өткізген: Ешнияз Д. А
Аквариумдағы балықтар
Аквариумдағы балықтар
Қызылорда облысы, Қазалы ауданы, Әйтеке би кенті №7 «Балдырған» балабақшасының тәрбиешісі: Әбдіхалық Жанат Алтынбекқызы
Пікірлер (0)
Ақпарат
Қонақтар,тобындағы қолданушылар пікірін білдіре алмайды.
×