Балабақшада ойналатын балаларға арналған қимылды ойындар топтамасы

Балабақшада ойналатын балаларға арналған қимылды ойындар топтамасы

Өз үйіңді тап
Ойыншылар 3 - 4 кішкентай аласа ұзынша орындықтарда отырады. Барлық балаларда әдемі үлкен ойыншықтар: бірінші тұрған ұзынша орындықта қуыршақ, екіншісінде - ит, үшіншісінде - мысық, төртіншісінде - аю, қоян. Тәрбиешінің «Серуенге шығамыз» деген нұсқауымен барлық балалар орындарынан тұрып тәрбиешінің соңынан жүреді.
Серуен барысында балалар түрлі қозғалыс қимылын орындайды (секіреді, жүгіреді, жүреді). Тәрбиешінің «Жаңбыр жауа бастады» деген нұсқауымен балалар өз үйлеріне қарай жүгіреді. Ойынды қайталау барысында, тәрбиеші балаларға білдірмей ойыншықтардың орынын ауыстырып қояды. Балалар өз үйлерін тез, адаспай табуы керек.
Жүгіріп қағып ал.
Балалар ойын алаңында еркін тұрады. Тәрбиеші үлкен әдемі доппен балаларға қарама - қарсы тұрады.(қашықтығы1, 5 - 2м) Тәрбиеші « Бір лақтырамын, екі лақтырамын, үш лақтырамын, кім жүйрік қағып алсын!» - деп допты лақтырады да өзі қағып алып: «Қаға алмадыңдар қайта жүгіріңдер» дейді. Балалар өз орындарына қайта барып тұрады. Ойын жалғасады. Ойын кезінде балалардың қағып алуына мүмкіндік жасап, қойып жүреді. Қалған балалар соңына еріп жүреді.
Кұстың қауырсыны кімге барады.
Балалар ойын алаңында еркін тұрады. Тәрбиеші құстың қауырсынын алып, үрлейді. Барлық бала жан — жаққа қаша жүгіреді, ойын жалғасады.
Жалауға қарай жүгір
Балалар тәрбиешіге қарама - карсы тұрады. Тәрбиеші қолындағы жалауды жоғары көтереді. Балалар тәрбиешінің қасына жиналады. Жалауды қайта түсіргенде балалар жан - жаққа тарап кетеді. Ойын бірнеше рет қайталанған соң, бір бала жалауын көтеріп жүреді, басқа балалар соңынан еріп жүреді. Ойын басынан қайталана береді.
Шарды ұста
Тәрбиеші ортаға көп үрленген шарларды жайып тастайды. Ойын басталды деген кезде (тәрбиешінің көмегімен) балалар шарды ұстап тәрбиешіге береді. Кім көп шар жинаса сол бала жеңімпаз атанады, 10 - 15 сек. Ойын жалғасады.
Күн мен жаңбыр
Балалар ашық алаңда еркін ойнап жүреді, гүл тереді, көбелек қуады, секіреді, жүгіреді. т. б. Тәрбиеші «Жаңбыр жауды!» дегенде балалар пана іздеп, үйшіктерге тығылады. Тәрбиеші «Күн шықты!» дегенде балалар қайта алаңға шығып ойындарын жалғастыра береді.

Ұшақтар
Балаларды ойын алаңына еркін тұрғызып, тәрбиеші өзі ұшақ болып көрсетеді. Тәрбиеші «Ұшақтар ұшады!» деген кезде барлық бала ұшақ болып ұшады. «Ұшақтар қона бастады!» дегенде барлық бала өз орындарына келіп қона бастайды. Тәрбиешінің бастауымен ойын жалғасады.
Автобус
Балалар қатарға бір - бірден тұрады. Тәрбиеші автобус жүргізушісі. Қалғандары жолаушылар. Тәрбиеші дыбыс берген кезде автобус жылжи бастайды. Ең әуелі баяу кейін жылдам, жылдамырақ жүреді. Балалар жүрісті баяулатады. Жүргізуші автобусты тоқтатады. Ойын тағы жалғасады.

Бақылау Мысықты бақылау
Мақсаты: Балаларды тірі табиғат иесімен таныстыру, мысықтың түсімен, оның ерекшеліктерін таныстыру; Бақылау барысы: Жұмбақ:
Пеш үстінде біреу отыр,
Жаймен көзін қысып отыр
Тышқан етін жегісі кеп,
Тісі оның қышып отыр?
Балалар бұл жұмбақтың шешеуі қандай? Бұнда кім туралы айтылған?
Мысық
Дұрыс айтасыңдар, балалар, міне балабақша ауласында мысық жүр екен, біз қазір осы мысықты бақылаймыз. Бұл мысық нестеп жүр екен?
— Қыдырып жүр.
— Иә, ал балалар, мысықтың түсі қандай екен?
— Сары
— Иә, балалар бұл үлкен мысықпа, кіші мысықпа?
— Үлкен мысық.
— Балалар сендердің үйлерінде мысық барма?
— Иә
— Мысықты қалай тамақтандырасыңдар?
— Сүт береміз.
— Дұрыс айтасыңдар, балалар!
Қимыл – қозғалыс ойыны
«Мысық пен тышқан» Мақсаты: Балаларды ептілікке, шапшаңдыққа үйрету; Құралдар: Мысық пен тышқанның маскасы;
Ережесі: Балаларды шеңберге тұрғызып, араларынан мысық пен тышқанды белгілеп, мысық тышқанды қуады, ал тышқан мысықтан қашады, егер тышқан ұсталып қалса, балалар ауысып, ойын басынан бастап жалғасады.
Дидактикалық ойын
«Даусыңа қарай ажырат» Мақсаты: Балалардың үй жануарларының дауыстары жөнінде білімдерін тексеру және жетілдіру;- Балалар, мен сендерге әр түрлі дауыстарды саламын, ал сендер сол дауыс қай жануардың даусы екенін табасыңдар.
— Мияу – мияу?
— Мысық.
— Аф – аф – аф?
Күшік.
— Ку – ка – ре – ку?
— Тауық.
— Мәқ – мәқ?
— Қой.
— Мө - ө – ө – ө?
— Сиыр.
Еңбек: Ойын алаңын тазалау
Мақсаты: Балаларды білесіп жұмыс істеуге, тазалыққа үйрету; Құралдар: Сыпыртқы, күрек, қап;

Ережесі: Қыздар ойын алаңын сыпырады, ал үлдар қоқысты күрекпен қапқа салады. Тәрбиешінің басшылығымен қапты қоқысқа төгеді.
Жеке жұмыс Камиллаға қазақша қыс туралы тақпақты жаттату: Қандай қызық қыс деген,
Бәрін шебер істеген.
Бақша, бауды, тауды да
Бояған аппақ түспенен.
Еркін ойын
Мақсаты: Балаларды бірлесіп, ұқыпты ойнауға үйрету; Құралдар: Қуыршақ, ыдыс – аяқтар, доп, машиналар.

Картотека №1 «Киім дүкені»
Мақсаты: Ойын барысында рөлдерді ойнай білуге үйрету. Сатушы әртүрлі киімдер түрлері туралы әңгімелейді.

Картотека №2 «Балабақша»
Мақсаты: Тәрбиеші балаларды қабыл дап, таңертеңгілік жаттығуды өткізеді, ойнатады.
Балабақшада ойналатын балаларға арналған қимылды ойындар топтамасы. жүктеу