Бізбен байланыс
kum2017@yandex.ru
WhatsApp: +7 705 241 87 47


«Кел, Жаңа жыл!» мерекелік ертеңгілік

03 желтоқсан 2018, Дүйсенбі
Категориясы: Бала-бақша
«Кел, Жаңа жыл!» мерекелік ертеңгілік.
Кәмпит: (ортаға билеп шығады)
- Сәлеметсіңдер ме, балалар!
Жаңа - жыл келді о, міне,
Далама, қалама, жеріме.
Шаттыққа бөлеп әр үйді,
Шыға ғой менің төріме.
Балалар, мен Аяз - атаның сендерге әкеле жатқан сыйлықтар салынған қабынан түсіп қалдым. Ал аяз – ата сендерге әлі келген жоқ па?
Кәмпит: Балалар, жылда жаңа жыл мерекесінде қонаққа кімдер келеді?
Балалар: Аяз - ата, Ақшақар.
Кәмпит: Дұрыс айтасыңдар, балалар, ендеше алдымен жаңа - жыл мерекесіне келетін Ақшақарды бәріміз шақырайық.
Балалар: Ақшақар (3 рет қайталап айтады).
Кәмпит: Амансың ба, Ақшақар!
Ақшақар: Шыршаларың керемет қой, өзі сондай әдемі екен, бірақ шамдары сөніп тұр ғой. Кәне, бәріміз шыршаға үрлейік. Қаттырақ.
Жүргізуші: Аяз - Атасыз біз ештеңе істей алмаймыз, кәне, телефон соғып аяз атаны шақырайық, атамыз кәрі, мүмкін, ұмытып кеткен шығар. –
- Алло, ата «Балдырған» мен «Бүлдіршін» тобының балалары шыршаның қасында сізді тосып жүр, неге кешігіп жатырсыз? Ұмытып кеттіңіз бе?
Аяз - Ата: Ойбай, кәрілік қой, ұмытып кетіппін, қазір жетемін.
Жүргізуші: - Балалар, Аяз - Ата келгенше, біз бір өлең айтайық.
«Шырша» әні.
Жүргізуші: - Балалар, Аяз – Ата өзі қандай?
Балалар: Аппақ сақалы, мұрты бар, қызыл шапаны бар, ақ таяқпен жүреді.
Жүргізуші: Өте дұрыс, балалар, олай болса барлығымыз қатты дауыстап Аяз - Атаны шақырайық. Бір, екі, үш: Аяз - Ата (3 рет қайталайды).
Жүргізуші: Аяз - Ата, армысыз, жылдағыдай бармысыз!
Аяз - Ата: шырша неге жанбай тұр. Кәне, шамдарын жағайық.
Қоян кіріп келеді. Жылайды.
Ақшақар: Қоян, сен неге көңілсізсің? Не болып қалды, біз саған көмектесеміз.
Қоян: Орман ішінде өзіме үй салып, тұрып жатқанмын. Қу түлкі қонаққа келіп, мені үйімнен қуып шықты. Мен далада қалдым.
Жүргізуші: Не деген сұм түлкі, қоян, жылама, біз түлкіні қуып шығып, үйіңді алып береміз.
Қоян: Мен түлкіден қорқамын. Оның тістері қандай, көздері қандай! Мінезі жаман!
Жүргізуші: Сен қорықпа, біз сенің бауырларыңды көмекке шақырайық. Олар сылдырмақпен билейді, оны түлкі естіп, қорқып, қашып кетеді.
- Кәне, қуыршақтар, шығыңдар!
Сылдырмақтарды ойнатыңдар!
Биді бастаңдар, түлкі қорқып қашсын.
«Сылдырмақтар» биі.
Түлкі: Мен ешкімнен қорықпаймын.
Жүргізуші: Аяз - Ата, мына, түлкіге не істеуге болады?
Аяз - Ата: Қазір мен ормандағы барлық аңдарды көмекке шақырамын, түлкі олардан қорқып қашып кетер.
Жүргізуші: Ал, аңдар, келіңдер, көмектесіңдер.
«Аңдар» биі.
Түлкі: Мен үйден шықпаймын,
Мен ешкімнен қорықпаймын.
Жүргізуші: Онда қарақшыларды шақырып, түлкіні байлап тастайық.
«Қарақшылар» биі.
Түлкі: Мен үйден шықпаймын,
Мен ешкімнен қорықпаймын.

Аяз - Ата: Қазір мен саған көрсетейін!
Кәне, борандар соғыңдар!
Шыршалар төмен бүгілсін,
Ормандағы бар нәрсе,
Ақ қарменен жабылсын!
Қазір мен қар жауғызып, түлкіні үсітемін.

«Ұлпақарлар» биі.
Аяз - Ата түлкі үйіне үрлейді, қармен бірге.
Түлкі: Ойбай, Аяз - Ата, тұмсығымды үсіттің ғой, аясаңшы мені. Енді не болдым?
Аяз - Ата: Ал сен қоянды аядың ба, қу түлкі? Балалар, түлкіні кешірейік пе?
Балалар: Ия, бір жолға кешірейік.
Аяз - Ата: Олай болса, қоян, бар сен өз үйіңе барып, тұра бер.
Қоян: рахмет.
Аяз - Ата: Балалар, мен сендердің дауыстарыңды сағындым, кәне, маған бір жақсы ән айтып беріңдерші.
«Бала тілегі» әні.
Аяз - Ата: Ой, қандай керемет ән! Бір түрлі қобалжып кеттім.
Жүргізуші: Аяз - Ата, біздің бүлдіршіндеріміз әнмен қоса тақпақты да жақсы айтады. Кәне, тыңдаңызшы. Ал, сіз кәрісіз, шыршаның түбіне отырып тыңдаңыз.
Аяз - Ата: Ой, қандай өнері балалар, келіңдер, сендерге кәмпит берейін.
Жүргізуші: Аяз - Ата, біздің Сырым баламыз да сізді асыға күтіп жүр.
Аяз - Ата: қандай өнерлі балалар, мен бүгін біраз жасарып қалдым. Сендермен кездескеніме өте қуаныштымын.
Кел, Жаңа жыл! мерекелік ертеңгілік жүктеу
2 022
0
  • 0
0 дауыс


Жаңалықтар
Жаңа жылдық сценарий: Қош келдің, жаңа жыл
Жаңа жылдық сценарий: Қош келдің, жаңа жыл
Жаңа жылға арналған мерекелік ертеңгілік өткізілетін, әсем безендірілген залға көңілді әуенмен тәрбиеші кіреді.
«Кел, Жаңа жыл!» мерекелік ертеңгілік
«Кел, Жаңа жыл!» мерекелік ертеңгілік
Жаңа - жыл келді о, міне, Далама, қалама, жеріме. Шаттыққа бөлеп әр үйді, Шыға ғой менің төріме.
Қош келдің, Жаңа жыл!
Қош келдің, Жаңа жыл!
Жаңа жылдың таңы неткен арайлы Ақ мамыққа бөлеп алды маңайды Жаңа жылмен құттықтаймын бәріңді Бақыт, шаттық, молшылық әкелсін
Ертеңгілік «Жаңа Жыл»
Ертеңгілік «Жаңа Жыл»
Жаңа жыл, жаңа жыр Жаңа жылда жаңа жыр Жасыл шырша жанында Жадырап барлық бала жүр.
Қош келдің, Жаңа жыл!
Қош келдің, Жаңа жыл!
Жүргізуші - сайқымазақ, аққала, Ақшақар, Аяз Ата, Қаршақыз, Жалмауыз кемпір, көжектер.
Жаңа - жыл кешінде
Жаңа - жыл кешінде
Түпқараған ауданы,Баутин ауылы. "Ақбота"балабақшасының тәрбиешісі Жолдыбаева Анар
Пікірлер (0)
Ақпарат
Қонақтар,тобындағы қолданушылар пікірін білдіре алмайды.
×