Спорт – сенің серігің жарыс

Тақырыбы: Спорт – сенің серігің жарыс.
Мақсаты: «Денсаулық» ұғымының адамгершілік құндылығы ретінде мәнін ашу. Денсаулықты сақтау, нығайту қажеттілігі туралы түсініктерін кеңейту. Денсаулығын нығайтуға қызығушылықтарын арттыру. Денсаулығын күтуге, бағалауға тәрбиелеу.
Көрнекі құралдар: слайд, спортқа байланысты нақыл сөздер, шарлар, доптар, қасық, қап, картоп, жұмыртқа, кеглилер, ысқырық, т. б.
Ашылуы: «Спорттық би»

Сайыс барысы:
Жүргізуші:
«Көркемай» балабақшасының құрметті қонақтары мен бүлдіршіндері. бүгінгі ортаңғы топ тәрбиеленушілерінің арасында өтетін «Спорт - сенің серігің» атты топтар сайысына қош келдіңіздер.
«Спорт - сенің серігің» атты топтық сайысы балаларға тәрбиелік маңызы зор ойын - сауықты спорттық іс - шара. Бүгінде осындай
іс - шара біздің балабақшамыздың ортаңғы топтары арасында өткізгелі отыр.
Екі топ қатысады.
Толағай:
– Оу - у, мына жерде балалар жиналып қалыпты ғой. Сәлеметсіңдер ме, балалар,
ата - аналар, қонақтар! Менсіз қалай «Спорт - сенің серігің» атты топтық сайысын өткізгелі жатырсыздар?
Жүргізуші:
Сәлеметсіз бе, Толағай? Кел онда, сайысты бірге жүргізейік.

Толағай:
Ал, қанекей, қонақтар,
Ортаға назар салайық.
Ойыншылар келеді,
Қол соғып қарсы алайық.

Жүргізуші:
Әр таңды бақытпенен аттырамыз
Өнерді ой көгінде бақылаңыз,
Сайысқа қатысуға енді ортаға,
«Бүркіт» тобын шақырамыз.

Ұстанған салауатты өмір салтын
Жасқанып ешқашанда мойымайтын
Болашақ спортшылар келді ортаға
Қол соғып қарсы алайық «Барыс» тобын

Ақ түсті киімде «Бүркіт» тобы,
жасыл түсті киімде «Барыс» тобы,
Жүргізуші:
Ал, құрметті халайық!
Жарысты енді көріңдер
Әділ қазы алқасы
Әділ баға беріңдер!

Толағай:
Сайыс болған соң, спорт заңы бойынша жүзден жүйрік, мыңнан тұлпарын тағайындайтын, әділ баға беретін құрметті әділ - қазылар алқасымен таныстырып өтейік.

№33«Көркемай» балабақшасының меңгерушісі: Конаева Г. К
№33«Көркемай» балабақшасының әдіскері: Гилажева А. М
№33«Көркемай» балабақшасының психологы: Жумашева А. Б
Әр сайыс кезеңі «5», «4», «3», ұпайлармен бағаланады.

Жүргізуші:
Тәлімді тәрбие отбасынан бастау алса, дені сау ұрпақ – ұлт болашағы болмақ.
Құрметті жарысқа түскелі тұрған бүлдіршіндер, әділқазы алқалары және сайысымыздың қонақтары! Сайысымыздың әр бөлімімен таныстыруға рұқсат етіңіздер.

Сайысымыз 8 кезеңнен тұрады:
1 кезең «Таныстыру»
2 кезең: «Құлатпай алып өт» сайысы
3 кезең: «Мергендер» сайысы
4 кезең: «Кім жүйрік» сайысы
5 кезең «Жұмыртқаны түсірме» сайысы
6 кезең «Картоп егіп кел де, жинап ал» сайысы
7 кезең «Ептілік» сайысы
8 кезең «Допты түсірме» сайысы
Әр сайыстан кейін әділ - қазылар алқасы әділ бағасын беріп отырады.
Құрметті сайыскерлер! Сіздерге сәт сапар!
Толағай, ендеше Сайысымызды бастайық.

Толағай:
Қалма жұрттың соңында,
Қажет болса мың атта
Аздық етер оның да,
Жету үшін мұратқа.

Жүргізуші: Сайысымыздың 1кезеңі: «Таныстыру»
1 кезең: «Таныстыру» сайысы (үй тапсырмасы)
шарты: (топтың аты, ұраны, мүшелерін таныстыру 3 - 5 минут)
Жүргізуші:
Өнер қуып отбасы өтер дейміз
Бір басына өнері жетер дейміз
Сайысқа келген топтар кезектесіп,
Таныстырып өздерін өтсе дейміз.
(Әр топ өздерін ұрандарымен таныстырады)

«Бүркіт» тобы: «Айгөлек»ортаңғы тобы
Ұраны:
Ұшақтан да ұшқырмыз
Жедел озған жүйрікпіз.
Келіп тұрған жарысқа
«Бүркіт» тобы боламыз.

«Барыс» тобы: «Жұлдыз»ортаңғы тобы
Ұраны:
Арыстандай айбатты
Жолбарыстай қайратты.
«Барыс» тобы боламыз
Жарысамыз ой қатты!

(Құрметті әділқазылар сайыстың 1 кезең бойынша бағаларыңызды
беруіңізді сұраймыз)

Толағай:
Шынықсаң шымыр боласың,
Сауығып айдай толасың.
Спортты серік ете біл,
Жақсы азамат боласың –
деп келесі 2 кезеңге көшеміз.

Атырау қаласы, Бірлік ауылы,
№33 «Көркемай» балабақшасының
дене тәрбиесінің нұсқаушысы
Амантаева Лунара Утегеновна
Спорт – сенің серігің жарыс жүктеу