Сазды сырлы аспаптар

Балабақша. Тәрбие сағат: Сазды сырлы аспаптар
Білім беру саласы: «Шығармашылық»
Білім беру бөлімі: «Музыка»
Тақырыбы: «Сазды сырлы аспаптар»
Мақсаты: Балаларды қазақтың ұлттық аспаптарымен таныстыру және олардың дауысын ажырата білуге дағдыландыру. Балаларға аспап әуенін тыңдата отырып есте сақтау, есту қабілеттерін дамыту. Құрал - жабдықтар: домбыра, қобыз, жетіген аспаптары, үн таспа, аспап суреттері. Сөздік жұмыс: Ішек - струны, тиек - защелка, қобыз - кобыз, ысқыш - смечок т. б. Әдіс тәсіл: Сұрақ - жауап, қимыл дауыс жаттығуы, ой қозғау стратегиясы. Көңілді әуенмен балалар ішке кіреді, үш қатарға тұрады. 
Сә - ле - мет - сің - дер - ме!(жетекші шапалақ ұрады)
Сә - ле - мет - сіз - бе!(балалар шапалақ ұрады) Жетекші шаттық шеңберін құрғызып, «Марш» (Е. Андосов) әуеніне ілесіп аяқты нық басып, тізбектеліп шеңбер бойымен жеңіл жаттығулар жасатады. Орындарына отырғызады. Жетекші: Балалар бүгінгі ашық сабағымыздың тақырыбы «Сазды сырлы аспаптар». Ал енді біз аспаптар туралы әңгімелесейік. 
Айтыңдаршы аспап дегеніміз не? 
1 - бала. Ол домбыра 
2 - бала. Асатаяқ 
3 - бала. Шаңқобыз 
Жетекші: Өте дұрыс. Аспап дегеніміз - ол зат. Ол затты біз тартамыз, бірге өлең айтамыз. Қазір мен сендерге жұмбақ жасырайын. Дауысы бар үні жоқ Шертсең күйі әні көп Құлағын аз бұра. Бұл не? Балалар: Домбыра Жетекші: Ия жарайсыңдар «Нағыз қазақ қазақ емес, нағыз қазақ – домбыра»дейміз. Аспапқа келсек бұрынғы заманда ата - бабаларымыз тастан, ағаштан, өсімдіктен, малдың терісінен, ішегінен, сүйегінен, қылдан т. б. алуан түрлі заттардан дыбыс шығаруға болатынын аңғарып аспаптар жасаған. 
Қане қандай аспаптарды білеміз? 
1 - бала: Домбыра 
2 - бала: Қобыз 
3 - бала: Жетіген 
4 - бала: Сыбызғы 
Жетекші: Жарайсыңдар өткен сабақтардан біраз аспаптарды біледі екенбіз. Енді суреттен кім біледі екен? (Аспап суреттерін көрсетеді) 
1 - бала: Асатаяқ 
2 - бала: Дауылпаз 
3 - бала: Домбыра 
4 - бала: Жетіген 
Жетекші: Жарайсыңдар ал енді сол аспаптың дауысын ажыратыңдаршы. Жетекші үнтаспадан домбыра, қобыз аспаптарының дауысын қояды. Балалар барлығы тауып бірге жауап береді. Ән тыңдау: «Қос алқа»(Дәулеткерейдің күйі) Әуенді қойып балалардың көзін жұмып тыңдауды ұсынады. Жетекші: Көздеріңе не елестеді? 
1 - бала: Домбыра тарттым. 
2 - бала: Ат шабысын 
Жетекші: Негізі бұл күйдің аты «Қос алқа» Дәулеткерей деген атамыз (суретін көрсетіп) Ақбала деген қызды суреттеген,- деп күй туралы мағлұмат береді. Жетекші: Балалар аспаптар ұрмалы(дауылпаз), үрмелі (сазсырнай), ыспалы(қобыз) болып бөлінеді екен. Соның ішіндегі қобыз ыспалы аспапқа жататын себебі оны ысқышпен ысып ойнайды. Мен сендерге қобыз аспабында «Қараторғай»деген шығарманы тартып берейін. 
Жетекші: Ал балалар сендерге ұнады ма? Балалар: Ия! Дауыс жаттығуы:(Сергіту сәті) Дағы - дағы - дың - дың Домбырада ойнаймыз Ішектерді қағамыз Пернелерді табамыз Домбыраны қолға алып Күйшілерше шертейік Бишілерше бұралып Дөңгелене билейік Ойын: «Аспапта ойнаймын».
Шарты: Әр баланың қолында бір - бір аспаптың суреттері болады, сол аспапты қимылмен ойнап балаларға көрсетеді. Бұл жерде «Ой қозғау» стратегиясын пайдаланады. Жетекші: Бүгін біз түрлі аспаптарды білдік. Сол аспаптардың барлығын жинап ойнасақ қалай атаймыз? Балалар: ОРКЕСТР! Қимыл - дауыс жаттығуы: Ән «Оркестр» Балалар әуенге ілесе әр түрлі аспаптардың ойнау тәсілін көрсетіп, ән айтады. Қорытындылау: - Ал балалар бүгін не туралы сабақ өттік? - Аспаптар. – 
Жарайсыңдар, қандай аспаптар? - Домбыра, қобыз, жетіген. - Өте керемет, ал бүгінгі сабақ ұнады ма? - Ия! Жетекші жеке - жеке мадақтап ер балаларға ойларың жүйрік болсын деп асық таратады. Ал қыздарға жүзіктей әдемі болсын деп жүзік таратады. - Жарайсыңдар! Сендер барлықтарың өте жақсы қатыстыңдар. Рахмет балалар! Қош сау болыңдар. Балалар көңілді әуенмен қоштасып шығып кетеді.

Түркістан облысы, Төлеби ауданы,
адами әлеуетті дамыту бөлімінің Бәйтерек бөбекжайы МКҚК
Ән жетекшісі: Абжанова Жанар Бахтыбаевна