А дыбысы мен әрпі

Бөлімі: Сауат ашу
Тақырыбы: А дыбысы мен әрпі
Мақсаты: - балаларды А әрпімен таныстырып, айтылу ерекшелігіне назар аударта отырып, «алма» сөзіне дыбыстық талдау жасайды.
- жаттығу жасау арқылы саусақ бұлшық еттерін жетілдіреді.
- сөздік қорын молайту, ауызша сөйлеуге үйренеді.
- Табиғатты қорғауға үйренеді. Күз мезгілінің ерекшелігін түсінеді.
Қажетті құрал - жабдықтар, көрнекіліктер: Сөйлейтін әліппе, кеспе әріптер, қызыл, көк шатырлы үй суреттері, «Әліппе серігі», алма, алманың суреті, ноутбук.

Іс - әрекет кезеңдері
Мұғалімнің іс - әрекеті
Мотивациялық - қозғаушылық
- Ұйымдастыру кезеңі:
Достарымның барлығын,
Сыйлап жақсы көремін.
Алақаным арқылы,
Жылуымды беремін.
Қайталау
Дыбыстық талдауға арналған алманың суретін көрсетеді.
- Алма туралы не білеміз?
- Алма қандай?
«Алма» сөзін буынға бөлейік.
Неше буын, неше дыбыс бар?
Дыбыстық талдауға
- «Алма» деген сөз қандай дыбыстан басталып тұр.
А дыбысы қандай дыбыс? Оны қандай дөңгелекпен белгілейміз? Неше А дыбысы бар екенін айтқызады.

Ұйымдастыру - іздестіру Жаңа тақырыпқа кіріспе
Дыбыстық талдау жасаған дөңгелектерді көрсетіп, А дыбысын қандай шатырлы үйге кіретінін
айтқызады.
Ал, көк шатырлы үйге ше?
Дыбыстарды нешеге бөлеміз?
Жаңа тақырып
Бұл қайсы әріп?
Мен үшін жақсы адам,
Артық көрем басқадан.
Ата, апа сөздерін,
Қайсы әріптен бастаған?
(А )
Сөйлейтін әліппені пайдаланып, А дыбысын айтамыз.
А - жер өлшейтін саржан,
Белін буып алған.

А әрпімен танысамыз
- А дыбысы біздің шақырғанымызға сондай қуанып тұр. Сол себепті сендерді өзінің таңбасымен, яғни, әрпімен таныстырамын дейді. Кеспе әріптерден( А) әрпінің үлкен, кішісін(а) көрсетеді.
- А әрпін ауаға жаздырады. Таяқша арқылы құрастырады.
- А деп естісек дыбыс, әріпті
көреміз, жазамыз.
Жаңылтпаш
Піскен алма топ - топ түсті,
Топ - топ түсіп, көптеп түсті.
Оқулықпен жұмыс
Сурет бойынша сөйлемдер құрастырады.
А әрпінен басталған сөздер айтып, сөйлем құрастырады.
Сергіту сәті
Біз арамыз, арамыз,
Гүлге ұшып барамыз.
Аю мұнда келмесін,
Балымызды жемесін.
Жаңа сабақты пысықтау
Алатаудың алмасы
Алатаудың аясында,
Алма терді Алмагүл.
Алуан бала арасында
Артта қалмай, алда жүр.
Апорт деген алмасынан,
Ал, тәттісін таңда бір.
- А әрпінен басталған сөздерді айтқызады.
«Әріптерді сыйлаймыз» дидактикалық
ойыны.
Мақсаты: А дыбысынан басталатын сөздерді табуға жаттықтыру.
Балаларға А әрпін сыйлайды.
Дәптермен жұмыс
А әрпінің жазбашасын бастырып жазады.
Партаға дұрыс отыруын, қатесіз жазуларын қадағалайды.
Саусақ жаттығуы
Ну тоғайда, орманда,
Аю жүрер қорбаңдап.
Тікірейтіп тікенін,
Кірпі жүрер жорғалап.

Рефлексивті - түзетушілік
Қорыту
- Бүгін қандай әріппен таныстық?
- Алманың дәмі, түсі қандай болады?
- Өзіңе ұнайтын алманың суретін салып, сөйлем құрастыр.
Балаларды мадақтап, сабақты аяқтайды.