Джанни Родари «Ғажайып жаңбыр»«Шоколадтан салынған жол»

Ана тілі 4 - сынып
Сабақтың тақырыбы: Джанни Родари «Ғажайып жаңбыр»«Шоколадтан салынған жол»
Дерек көзі: Оқулық, слайд.
Жалпы мақсат Топтық әрекетте диалогтық тәсілді пайдалана отырып, мәтіннің мазмұнын ашу. Ой өрістерін, сөйлеу дағдыларын дамыту. Өз беттерімен мәтін мазмұнын түсініп, сұрақтар қоя білу дағдыларын, өз көзқарастарын айту, қорғау дағдыларын жетілдіру
Оқыту нәтижесі: •1 Мәтін мазмұнына сай сұрақтар қоюға, ойланып жауап беруге дағдыланады.
2 Өз пікірін қорғайды, көзқарасын білдіреді.
3 Өз өзін бағалауға үйренеді.
Негізгі идеялар: Ойлау, сөйлеу қабілеттерін дамыту.
Тапсырмалар: 1. Ассоциация құру.
2. Топтық тапсырмалар.
3. Шығармашылық тапсырмалар.
Кейінгі тапсырма: Оқулықпен жұмыс.

Мұғалімнің жазбасы:
Әдіс тәсілдер: СТО, топтық жұмыс, ойын, диалог, сұрақ - жауап, шығармашылық жұмыс, АКТ өзін - өзі бағалау.

I. Ұйымдастыру.
1. Күлімдеп күн бүгін,
Қарады маған да.
Күлімдеп күн бүгін,
Қарады саған да.
Күлімдеп күн бүгін,
Қарады баршаға.
2. Түстер бойынша 3 топқа бөлу.

II. Үй тапсырмасы:
Мазмұнын айту.
«Жұлдызды сәт» ойыны. /тақырып бойынша сұрақтар қою/

Сұрақтары:
Бір апта өткен соң қайда келіп жетті?/Италияға/
Қай теңізде шомылды?/Жерорта/
Не үшін балықтың аузына еркімен кіруге тырысты?/айырдай тісіне ілікпеу үшін/
Ол өзін қандаймын деп санады?/ ақылдымын/
Балық іші қандай екен?/тастай қараңғы/
Балықтың ішінде не істеді?/қыдырды/
Бұл жүріс балыққа қалай әсер етті?/ұнамады/
Бұл жағдай болған соң, ол не істеді?/аттай тулап, есектей мөңкіді/
Балық не істеді?/ойбай салып, астаудай басын судан шығарды/
Бұл жағдайды кімдер көрді?/Италия кемесінің адамдары/
Матростар не істеді?/балықты атып алып кемеге шығарды/
Балықтың ішінде ол қалай отырды?/зәресі ұшып/
Не деп ойлады?/балықпен бірге бөліп тастамас па екен?/
Балтамен бөліп жатқанда ол не деді?/Италиянша «рахмет» деп айтып жатты/
Матростар адам дауысын естігенде не істеді?/состиып тұрып қалды/
Ол балықтан шыққан соң, не істеді?/ ілтипатпен иіліп сәлем берді/
Бұл оқиға кімнің басынан өткен?/Мюнхаузеннің/

III. Жаңа сабаққа дайындық./Қызығушылықтарын ояту/
1) Сөзжұмбақ сұрақтары:/автордың аты жөнін шығару./
Аттың жартысы қай жерде жайылып жүр?/көгалда/
«Балама хат» өлеңін жазған кім?/Жамбыл/
«Жарты ат», «Балық құрсағында» деп аталатынәзілкеш оқиғаларды кім жазған?/Энрих Распе/
Ол қай халықтың жазушысы?/неміс/
«Үш жігіт туралы хикая» атты шығарманы жазған жазушы./Назым Хикмет/
«Атадан қалған тұяқ» әңгімесіндегі Әлеубектің шешесінің аты кім?/Жиһангүл/
«Жарты ат» ертегісіндегі соғыс кімдермен болды?/түріктермен/
«Акула» әңгімесін жазған жазушы кім?/Л. Толстой/
«Ісініп» деген сөзді басқаша қалай айтуға болады?/домбығып/
Артиллерист, зеңбірек, қайық деген сөздер қай мәтінде кездеседі?/Акула/
Кемені суда ұстап тұратын тетік./зәкір/
«Шығыс шынары» кімге арналған мәтін?/Әлия/

2) Джанни Родари туралы қысқаша мәлімет беру. /Слайд арқылы/
3) Италия және оның қалалары туралы мәлімет беру. /Слайд арқылы/

IY. Ой қозғау.
Топ бойынша тапсырма беру.
1 – топ: Ғажайып жаңбыр қандай болады?
Ғажайып жаңбыр жауса не істер едің?
2 – топ: Жол неден салынады?
Шоколадтан салынса не істер едің?
3 - топ: Ойланып көр. Жол шоколадтан басқа тағы неден салынуы мүмкін?

V. Топпен жұмыс істеу./ассоциация құру./
1 - топ: «Жаңбыр» сөзіне ассоциация құрады.
2 - топ: «Жол» сөзіне ассоциация құрады.
3 - топ «Шығармашылық топ» «Жаңбыр» сөзіне 5 жолды өлең құру.
Топ ішінен бір оқушы шығып қорғайды.

YI. Мағынаны тану.
1) «Оқы, оқығанды көңілге тоқы! Мәтінді оқушылар өз бетімен оқып, бір - біріне түсіндіреді.
1 - топ: «Ғажайып жаңбыр» мәтінін оқып, бір - біріне түсіндіреді.
2 - топ: « Шоколадтан салынған жол»
3 - топ: Жаңбыр, жол туралы мақал - мәтел жазады. (Немесе «Жол» тақырыбына 5 жолды өлең құрайды.
2) Әр топтан бір қорғаушы мәтін мазмұнын қысқаша әңгімелейді.
3) Мәтінді талдау. Мұғалім сұрақ қояды.
Д. Родаридің шығармалары қандай шығарма түріне жатады?
Осы мәтіндердің негізгі ойы қандай?

YII. Сергіту сәті: Ұзын мұртты құмырсқа...
VIII. Сабақты қорытындылау.
Бүгінгі сабақта көңіл күйіміз қалай болды? /смайликтермен белгілеу: көңілді, көңілсіз, ойлануда/
Неге жақсы өтті?
Неге жақсы өтпеді?

IX. Үйге: 1. Ертегіні оқу, мазмұны
2. Мәтін соңындағы шығармашылық тапсырма.
X. БББ – Білемін Білдім Білгім келеді /парағын уақыт қалса толтыру/
XI. Бағалау
Бағалау парағы бойынша өз - өздерін бағалайды. /Критерий бойынша/ Топ басшысы біз былайша бағаладық деп қысқаша сараптама жасайды/