Қауын мен қарбыз

Шығыс Қазақстан облысы Зайсан ауданы
М. Әуезов атындағы орта мектептің бастауыш сынып мұғалімі
Байкадамова Айман Дубековна

Тақырыбы: Қауын мен қарбыз
Сабақтың мақсаты. Білімділік: Оқушылар ертегі мазмұнымен таныса отырып, өз ойларын, пікірлерін еркін айтуға үйренеді.
Тәрбиелік: Жер - ананың адамзатқа сый еткен байлықтарын бағалауға, достыққа, бірлікке тәрбиелеу.
Дамытушылық: Ертегіде кездесетін оралымды сөз мағынасын ұғу арқылы ойлау қабілеті, байқағыштығы жетіледі, сабаққа қызығушылығы артады.
Күтілетін нәтиже: Тыңдағандарға өз пікірін білдіре алатын болады, өзін - өзі реттейді.
Сабақтың типі: аралас
Сабақтың түрі: жаңа білімді игеру
Көрнекілігі: слайд, суреттер
Қажетті құралдар: оқулық, маркер,
Әдіс - тәсілдер: әңгімелеу, талдау, СТО, проблемалық сұрақтар, рефлексия

Сабақ барысы
І. Ұйымдастыру – оқушылар назарын сабаққа аудару
1. Психологиялық д. Жомарт күздің көкөнісі дәмді болсын
Көңіліміз жайнасын, әнге толсын.
Енді бір - бірімізге қарап жымиып, бір - бірімізге жақсы көңіл - күй сыйлайық.
2. Проблеманы айқындау (сабақ мақсатын анықтау)
Сабақтың өн бойында осындай жақсы көңіл - күймен жұмыс істеп, жақсы бағалар алайық. Бүгін біз сендермен топқа бөлініп жұмыс істейміз, сабақ барысында көптеген жұмыстар атқарамыз.
3. Топтарға бөлу: ребустар шешу арқылы балаларды бағбан, қауын қарбызға бөлу, топ басшыларын сайлау

ІІ. Үй тапсырмасын сұрау «Ормандағы оқиға»
1. Ертегі авторы кім?
2. Екі ағаштың бір - бірімен ренжісуіне не себеп болды?
3. Қайың мен Қараағаштың ашулануына тобылғының қандай сөздері әсер етті?
4. Қараағаштың қылығы көз алдыңа қандай адамды елестетті?
5. Ертегіде қандай мәтел кездесті?
6. Бұл ертегіден ойыңа не түйдің?
7. Үй т. Қорыту:

ІІІ. Операциялық орындаушылық кезең:
1. Қызығушылықты ояту
- Бүгін сендерді неге қауын, қарбыз, бағбан деген топтарға бөлді деп ойлайсыңдар?
Үш сөздің арасында қандай байланыс бар деп түсінесіңдер?
- Бүгінгі сабақтан не білгілерің келеді?
2) Не білгім келеді? Не білдім? Не үйрендім?
( кестені толтыру)
3) автор жайлы қысқаша 1оқушы түсінік береді

4) Сөздік жұмыс
Түйнек - Өсімдіктің өніп шыққан жеміс түйіні
Түз тағылары - далада тіршілік ететін жабайы аңдар
Пәлек - қауын

5) оқулықпен жұмыс -
мәтінді үш топ бөліп оқиды
1топ: Атайдың қауынды балаларға тіліп беруі
2 топ: Қарбыздың өкініші
3 топ. Балалардың қарбызды тауып алуы.
- Топтағы әр оқушы мәтін бөлігін өздері оқиды.
- Түсінгендерін айтады.
- Бір - бірін толықтырады.

ІV. Сергіту сәті Ойын «Жемістер, көкөністер»
Ағаштарда өсетін жемістерді атаса қол шапалақтау, жерде өсетін көкөністерді атаса айлану.

Поэззия минуты «Қауын», «Қарбыз»

V. Топтық жұмыс:
1топ - Қауынның қарбызға айтқан ұсынысын тауып оқыңдар
2топ - Қарбыздың өкінген тұсын тауып оқыңдар.
3 топ - Қауын мен қарбыз қалай өседі екен, олардың ерекшелігі айтылған жерлерді тауып оқыңдар.

Қауын
Қауынның отаны Египет деген тұжырым жасалған. Арабтар қауынды жерге түскен «Жұмақтың жемісі» ретінде таныған. Ол көбінесе итальяндықтардың сүйікті тағамы болған. Рим императоры Клавдий Альбин таңғы асқа 10 қауынды бірден жеген екен. Құрамында қант бар, дәрумендер өте көп.

Қарбыз
Қарбыздың отаны Оңтүстік Африка саналады. Қарбыздың Қытайдағы мәртебесі өте жоғары. Себебі, күні бүгінге дейін қытайлықтар қыркүйек айында «Қарбыз мерекесін» атап өтеді. Құрамында фруктоза бар, дәрумендер өте көп, азотты заттар бар.
Көкөністердің адамға пайдасы
Қауын - бүйрек, асқазан ауруларына ем. Беттегі безеулерді, секпілді кетіруге көмектеседі. Ет қайнап жатқанда қауынның қабығын салса ет жұмсақ болады.
Қарбыз - қан көбейтеді. Бүйрек, бауырдың жұмысын жақсартады. Дәнінен май алынады. Ішек құртын емдеп, қан тоқтатады.

Ойын «Мен саған, сен маған»
Топтар бір - біріне сұрақтар қояды.
«Бес жолды өлең»
1. Не? 1сөз
2. Қандай? 2сөз
3. Не істейді? 3сөз
4. Сөйлем құра
5. Синоним сөз тап, басқаша қалай атауға болады

V. Қорытынды
Кестелерін толтыру
не үйрендім? Не білдім? не білмей қалдым?
Рефлексия
Бүгінгі сабақ соңында қандай сезімде болдым?
Оқушылар стикерлер арқылы бағдаршамға іледі.
Жақсы, бәрін ұғып алдым - жасыл
Жартылай ұқтым - сары
Ұққан жоқпын - қызыл

VІ. Үй тапсырмасын беру
Үш топ та мазмұндауға дайындалу.
1-топ. «Егер мен қарбыз болсам....» әңгіме жазу
2-топ. Ертегі бойынша сурет салу
3-топ. Ертегіні сахналау
VІІ Бағалау