Табиғатқа саяхат 1, 3 сынып

Бастауыш сынып мұғалімі Гульжайнат Абдильдинова

Сабақтың тақырыбы: «Табиғатқа саяхат» 1, 3 сынып
Сабақтың мақсаттары: Дүниетану пәнінен алған білімдерін тексеру, анықтау, қосымша білім беру;
Ойлау қабілеттерін, тілін дамыту, пәнге деген қызығушылығын арттыру, шығармашылық тапсырмалар арқылы ақыл – ойын дамыту;
Табиғатты аялай білуге үйрету.
Сабақтың көрнекілігі: слайд, суреттер, тірек - сызбалар

Сабақтың барысы:
І Ұйымдастыру кезеңі
Мақсатымыз білім алу.
Міндетіміз еңбектену.
«5-ке» қолды жеткізу
Сабағымызды саяхат түрінде өткіземіз.
- Табиғатқа не жатады? (оқушылардың жауабы) Ия осылардың барлығы табиғатты құрайды. Ал, табиғаттың тірі денелеріне не жатады? (Адам, жануарлар, өсімдіктер). Дұрыс.
Біз бүгін аспан әлеміне, жануарлар әлеміне, орман ағаштар әлеміне, балықтар әлеміне, жәндіктер әлеміне саяхат жасаймыз. Әр түрлі тапсырмалар орындап, сұрақтарға жауап беріп, ойындар ойнаймыз.
● Бірінші аспан әлеміне саяхат жасаймыз
1 - сынып сұрақтарға жауап беріңдерші
- Табиғат құбылыстарын атаңдар.
- Күннің маңызы қандай?
- Ауаның температурасын қандай құралмен өлшейді?
- Қар жылдың қай мезгілінде жауады?
- Жеміс жидек қашан піседі?
- Көктем айларын ата.
- Жаз айларын ата.
- Айналадағы дүниеде неше тұс бар?
- Жылдың 4 мезгілін ата
- Табиғат заттарына ұқсайтын адам жасаған қандай заттарды білесің?
● Берілген ауа райы белгілерін сөзбен айтып түсіндіріңдер
● Ауаның, судың қасиеттерін жазыңдар
Ауа, су
- Табиғаттағы су неше күйде болады?
- Жауын – шашын түрлерін атаңдар.
- Көлдер қандай болады?
- Жел дегеніміз не? (жер бетіндегі ауаның бір жерден екінші жерге ауысуын жел дейміз)
- Жауын-шашынның түрлері
- Қысым, бұлттылық, температура, жауын – шашын нені қалыптастырады? Ауа райын, жауынды, желді
- Желдің күші мен бағытын анықтайтын құрал. Термометр, тұсбағар, желбағар
- Бұлттың түрлерін ата. (шарбы, будақ, қабат)
● Өсімдіктер әлемі
1 – сынып
- Өсімдіктердің 3 тобын ата
- Өсімдік тіршілігіне қажетті жағдайлар?
- Өсімдік мүшелерін атаңдар.
- Шикілей жеуге болатын көкөністерді ата.
- Өсімдіктер не арқылы көбейеді? (тұқым, түйнек, тамырсабақ)
● Өсімдік мүшелерінің суретін сал: ағаштың, гүлдің
Өсімдіктердің адам өміріндегі маңызы

- Ғалымдардың есептеуі бойынша біздің елімізде қанша өсімдік түрі өседі? 6 мыңнан астам
- Ылғал сүйгіш және су өсімдіктері ( шалғын беде, бақбақ, қоңырбас; сусарғалдақ, тұңғиық)
- Құрғақшылыққа төзімді өсімдіктер (жантақ, сүттіген, жүзгін, сексеуіл)
- Суыққа төзімді өсімдіктер (бидай, сұлы, арпа, сарымсақ, сәбіз, пияз)
- Адамның қатынасысыз өсе алмайтын өсімдіктер... (мәдени өсімдіктер)
● Жануарлар әлемі
1 - сынып
● Кестені толтыр
Жануарлар - Төлдері
Аю
Елік
Арқар
Түлкі
Қоян
Мысық
Барыс
Қасқыр

● «Кім жылдам?» ойыны
● Жұмбақты шешу
1. Қайда болсын баратын,
Мінсең – ұшқыр қанатың
2. Өзі үлкен жануар,
Үстінде үлкен тауы бар.
3. Көзін жұмады,
Көзін ашады.
Сыбысын білдірмей,
Ақырын басады.
4. Адамға серік,
Күзетке берік.
5. Ит сияқты пішіні,
Ұнатпайды кісіні
6. Басына өскен тарбиып,
Жапырақсыз бұтағы.
Алады одан қан құйып,
Емге шипа бұл дағы.
7. Жазда сұрғылт,
Қыста аппақ
8. Орманда жоғары,
Ағашқа қонады
Тұмсығын балға етіп,
Тоқ – тоқ соғады
9. Қиналмай көтеріп,
Өзінен ауырды.
Жорғалар кетеді
Жүкшідей кәдімгі
3 – сынып
- Қорғауға алынған өсімдіктер, жануарлар қайда енгізілді?
- «Қызыл кітапқа» енгізілген жануарларды ата
- Ғалымдардың есептеуі бойынша жер бетінде қанша жануарлардың түрі бар? 2 миллиондай
- Жануарлар қандай топтарға бөлінеді?
- Суда тіршілік ететін сүтқоректілер? Итбалық, морж
• Кестені толтыр
Құстар ------ Жәндіктер ---- Балықтар --------- Баурмен жорғалаушылар -------- Сүтқоректілер

● Құстар әлеміне саяхат
1 - сынып
1. Жабайы құстарды атаңдар
2. Үй құстарын атаңдар
3. Су бетін сызып,
Ақ құман жүр жүзіп.
4. Ең суыққа төзімді құс? Қаз
● Әріптен сөз құрастыру
Қ А Қ У
Р А Н Ы Қ
Ұ Л Б Л Ұ Б
Қ Л О Ы Д А Т Қ

● Хат
Бұл пайдалы қазбадан қарапайым қара қарындаш жасайды. Қарындаштың ұшын графиктен жасайды, бірақ ол өте жұмсақ, пайдалы қазбаны графитке қосқанда қарындаштың қаттылығы артады. Сызуға арналған қарындаш – қатты, сурет салуға арналған қарындаш – жұмсақ. Пластилин жасағанда майды және осы пайдалы қазбаны пайдаланады. Бұл қандай пайдалы қазба? Саз
● Хат
Бұл пайдалы қазбаны зейін салып қарасақ, бетінен өсімдік бөлшектерінің суретін көреміз. Ол өте жақсы отқа жанады. Оны халық тыңайтқыш ретінде пайдаланады. Бұл қандай пайдалы қазба? Шымтезек
● Үй жануарлар әлемі
- Адамдар оларды не үшін қолға үйретті?

● Төлдерін ата
Үй жануарлары ---------- Төлдері
Жылқы
Сиыр
Түйе
Қой
Ешкі

● Қорытынды
● Табиғат – тіршілік тынысы, өмір өзегі. Адамның бар тіршілігі табиғатпен біте қайнасып жатады. Адам өзіне қажеттің бәрін табиғаттан алады. Сондықтан табиғатты сүйіп, аялай білу керекпіз.
● Бағалау

Толық нұсқасын жүктеу