Боран

Сабақтың тақырыбы: Боран.
Сабақтың мақсаты: Қазақтың ұлы жазушысы Мұхтар Әуезов туралы мағлұмат беріп, шығармаларымен таныстыру.
Білімділігі: Оқушыларға қыс мезгілі жайлы түсінік бере отырып, сабақтың тақырыбын ашу, талдау жұмыстарын жүргізу, мазмұнын игеру, біліктілігін арттыра түсуге көмек беру.
Дамытушылығы: Оқушылардың сабаққа деген қызығушылығын арттырып, ойын толық жеткізіп сөйлеу дағдылары мен жазбаша тілдерін жетілдіру, ой өрісін дамыту.
Тәрбиелігі: Табиғаттың әсемдігін бақылай білуге үйрету, табиғатты қорғауға тәрбиелеу.
Көрнектілігі: М. Әуезов суреті, шығармалары, теледидар, үнтаспа, қыс бейнесін толық көрсететін ағаш, қар түрлері, суреттер. Пәнаралық байланыс: дүниетану, музыка, еңбекке баулу, бейнелеу өнері.
Әдіс - тәсілі: іздену, сұрақ жауап, түсіндіру, әңгімелеу.
Түрі: аралас сабақ.

Сабақтың барысы: Ұйымдастыру:
а) Оқушылармен амандасу.
ә) Оқушыларды түгендеу.
б) Оқушылардың зейінін, назарын жаттығулар орындау арқылы сабаққа аудару.
- Күнге қолдарыңды созыңдар. Күннің жомарт сәулелері ананың нәзік алақанындай аялайды, сипалайды, жылытады. Сиқырлы күн барлық өкпе мен мұңды ерітіп жібереді. Жүрегімізді жылу мен махаббатқа толтырады.
Барлығы:
Күн жарығын алақанға саламын,
Жүрегіме басып ұстай аламын.
Ізгі әрі нәзік, жарық, мейірімді
Болып кетер сонда дереу жан - жағым.
- Міне, жүрегіміздегі осындай жылумен сабағымызды бастаймыз.

ІІ. Үйге берілген тапсырманы сұрау.
Абай Құнанбаев атамыздың «Қыс» атты өлеңі
Қыс суретін салып келу тапсырылған. Оқушылардан өлеңді жатқа сұрап, салған суреттерін жариялауын тамашалау.