Қайталау. Қосу мен азайтудың жазбаша тәсілдері

Сабақтың тақырыбы: Қайталау. Қосу мен азайтудың жазбаша тәсілдері
Сабақтың мақсаты: үш таңбалы сандар құру, оларды қосу және азайту тәсілдері туралы білімдерін қорытындылау және алған білімдерін таныс жағдайда қолдана білу.
1. Ұйымдастыру кезеңі. Сабақтың мақсатымен таныстыру.
Бүгін сабақта сендер қосу мен азайту амалдарын орындау туралы білімдеріңді қайталайсыңдар. Жетістікке қол жеткізем десең сабақта берілетін барлық тапсырмаларды орындауға тырыс. Сабақ соңында әрқайсың өз білім деңгейлеріңді тексеріңдер.
2. Тірек білім, білік, дағдыларын белсендіру.

1. Төменде берілген сандар қатарын қалай тәртіпке келтіруге болады? «Артық» сандар қайсысы және олар неге «артық»?
10, 20, 30, 40, 55, 60. (55 - дөңгелек сан емес)
1, 7, 14, 21, 27. (1 саны 7 - ге бөлінбейді)
12, 23, 341, 48, 55, 67, 76. (341 - үш таңбалы)
24, 11, 13, 15, 17, 19, 12. (24 - екі ондық)

2. «Компьютер» дидактикалық ойыны түрінде ауызша есептеу,
Ойының мақсаты: оқушылардың есептеу дағдыларын жетілдіру.
Мұғалім ойынның екі нұсқасын ұсынады: а) тақтада мысалдар
тізбегі берілген, балалар соңғы нәтижені табады және карточкалардың көмегімен жауаптарды көрсетеді; ә) мұғалім мысалдар тізбегін оқиды, балалар ауызша есептеп, жауабын көрсетеді немесе бірнеше бала ауызша жауап береді, сонан кейін тексеру жүргізіледі.
а) 450 - 50 + 2 + 18 - 40 + 500
ә) 799 +1 - 300 - 5 - 90+10
6) 900 - 800 + 1 + 99 - 40 + 5
Таза жазу минутын ұйымдастыру үшін 3, 4, 5 цифрларынан сандардың барлық мүмкін нүсқаларын құрастыруды тапсыру (345, 354, 435, 453, 534, 543).
- Ең кіші санды ата.
- Ең үлкен санды ата.
- 3 жүздік және т. б. болатын сандарды ата.
№1, №7 тапсырмаларды топпен немесе жүннен орындауға болады.

3. Өткен материалдармен жұмыс.
№2 тапсырманы орындамас бұрын сұрақ - жауап жұмысын жүргізу керек:
- Қосу (азайту) кезінде сандар қалай аталады?
- Қосу (азайту) нәтижесі қалай аталады? Дайындығы төмен балаларға тірек сызба ұсыну керек: Қосылғыш + қосылғыш = қосындының мәні. Азайғыш - азайтқыш = айырманың мәні.

№2 тапсырманы балалар оқулықта берілген үлгі бойынша
орындайды, оны тақтада түсіндіре отырып жасауға болады.
№3 және №4 тапсырмалар қосу және азайтуды тексеру амалдары туралы білімдерін қайталауға бағытталған. №3 тапсырма ауызша орындалады. №4 жаттығуды уақыт бойынша шығаруға болады.

№5 (а) тапсырманы оқушылар өз беттерінше орындайды, соңынан тексеріледі. №5 (ә) тапсырманы есеп шарттарын жан - жақты талдаудан бастаған жөн.
- Тапсырма не туралы? Қандай оқулықтар туралы? Қазақ тілі, математика оқулықтары туралы не білеміз? Дүниетану оқулығы нешеу болды? Шартын жазуды сызба немесе қысқаша жазба түрінде орындауға болады.
Ана тілі - 89 о.
Математика - 112 о.
Дүниетану -? о.
Тапсырмаларды түрлі тәсілдермен орындаған жөн.

№7 тапсырмада кесте бойынша түрлі өрнектер құруға болады.
Мысалы:
(700+ 30)+ 60
(700 + 30) + (600 - 20)
(700 + 30) + (360 - 80)
(700 + 30) + 150
Сыныпта осы кестелерді пайдалана отырып, бірнеше тапсырма
орындауға болады, ал қалған өрнектерді балалар үйде құрастырып, шешуі керек.
№8 логикалық тапсырма ауызша орындалады.

4. Үй тапсырмасы. №7 кесте бойынша түрлі өрнектер құрып, балалар №8 тапсырмаға ұқсас тапсырма құруы тиіс.
5. Сабақты қорытындылау.
- Сабақтың мақсаты қандай болды? Сабақтың мақсатына жеттіңдер ме? Сабақта не қиындық келтірді? Не жеңіл болды? Өткен тақырыпты дұрыс қайталау үшін өз достарыңа қандай тапсырманы ұсынасыңдар? Жұмыстарыңды өз беттеріңше бағалаңдар.