Сауысқанның ұясы (ағылшын ертегісі)

Сабақтың тақырыбы: Сауысқанның ұясы (ағылшын ертегісі)
Сабақтың мақсаты:
1. Білімділік: Әдеби - көркем шығарманы сүйіп оқуға, өз бетімен ізденуге, мәтін мазмұнын түсініп оқуға, талдай білуге үйрету
2. Дамытушылық: Оқушылардың көркем сөзді, көркем ойды, өз сөздік қорларына пайдалана алу, соның нәтижесінде ауызша сөйлеу дағдылары мен жазба тілдерін жетілдіру, шығармашылық ізденіске баулу
3. Тәрбиелік: Оқушыларды ұйымшылдыққа, ізденімпаздыққа, жақсыдан үйреніп, жаманнан жиренуге тәрбиелеу
Сабақтың түрі: аралас сабақ
Сабақтың әдісі: түсіндіру, әңгімелеу, талдау, ойландыру, жұптастыру, сұрақ қою, ой толғау.

Сабақтың барысы: 1. Ұйымдастыру кезеңі
Оқушыларды жұмбақтарды шешу арқылы 4 топқа бөлу
Көлдің көркі сәні екен.
Ұшқанда сазды ән екен,
Ақындар оны мақтаған,
Адамдар қорғап сақтаған.
Бұл қандай құс? (Аққу)

Орманда жоғары,
Ағашқа қонады.
Тұмсығын балға қып,
Тоқ – тоқ соғады.
Жауабы: (Тоқылдақ)

Түсі қара мақпалдай,
Төсі ақ сыр жаққандай.
Ұшса оқтай зулайды,
Көктен жұлдыз аққандай.
Жауабы: (Қарлығаш(

Бейбітшілік құсы менмін көгершін,
Жер жүзінде бейбіт еңбек көгерсін.
Аспан тұнық, шат көңілді болайық.
Ақ ниетті абзал жандар көбейсін.
(Көгершін)

Мақалдарға назар аударту.
«Жұмыла көтерген жүк жеңіл»
«Жалғыз жүріп жол тапқанша,
Көппен жүріп адас»
Мақалдар арқылы халық топтық іс - әрекеттің жемісті болуы бірлікке байланысты екенін ертеден - ақ дәлелдеген. Осы мақалдардың бүгінгі сабаққа да қатысы бар.

2. Жаңа сабақ. Ой қозғау
Жұмбақ шешіп көрейік.
Өзі сақ, өзі ұсақ,
Шықылықтап тұрмайды.
Құйрығы ұзын, өзі ала,
Бұл қандай құс?

1 слайд Сауысқан жайында мағлұмат береді.
Сауысқан – сақ құс. Сауысқанды хабаршы құс деп те атайды. Ұсақ құстарға төнген қауіпті сезіп, оларға шықылықтап дыбыс береді. Ертеде үй маңына сауысқан келіп шықылықтаса, қонақ келеді деп болжаған. Сауысқан жылтыр заттарға өте құмар. Оның ұясынан алтын, моншақ, басқа да бағалы заттарды көруге болады. Құс жұмыртқаларын ұрлап жейді.
Мәтінді бөліктерге бөліп, оқушыларға тарату.
1. Әр топ мәтінді оқып, түсінбеген сөздерді түртіп алады.
2. Мәтінді талдап, бөлікке ат қояды.
4. Бір оқушы мәтін мазмұнын баяндап береді.

Сөздік жұмысы
1 топ Білгір сауысқан
Шала -
Білгір –
2 топ Сауысқанға көмек
ЖаҺанға -
Қолқа салады -
3 топ Сауысқанның менмендігі
Қайқаңдатады -
4 топ. Сиықсыз ұя
Мезі -
Сиықсыз -
Сонымен ертегі кейіпкері сауысқан қандай екен?
Әр топ өз жазғандарын апарып іледі.
Өзін асқан білгір санаған
құстардан көмек сұрайды
әрі - бері секеңдеумен болады
әлі күнге ұя салуды білмейді

Сергіту сәті.
Ассоциация әдісі
Топтық тапсырма.
1 топ.
Сауысқанның әрекетіне, қылығына баға беріп, өз ойларын жазу (эссе)
2 топ
Ертегіден қандай ой түйдің? (жақсы, жаман жақтарын жазу)
3 топ
Сауысқанның менмендігі, өзімшілдігі қандай сөздер арқылы көрініп тұр? (Сауысқан ұясын суретпен бейнеле)
4 топ
Ертегідегі басқа құстарды ата, олар туралы не білесің?
Ситуациялық сұрақтар
- Сен сауысқанның орнында болсаң не істер едің?
- Сиықсыз, қисық ұяда тұрар ма едің?

Қорытынды:
Не үйреніп не білдік?
- Балалар, бүгінгі тақырыпқа сүйене отырып, қандай мақалдар айтуға болады деп ойлайсыңдар?
Олай болса, топтық сайыс, «Қай топ шапшаң?» мақал айту сайысы.

Балалар қолдарына екі қағаз алады. Біріне сауысқанның бойындағы жағымсыз қылықтарды жазады.
Екіншісіне сауысқан бойындағы жағымды жақтарын жазады.
Жағымсыз қылықтан аулақ болу үшін бұл қағазды тастаймыз.
Ал жағымды жақтарын өзімізге алып қаламыз.
Бағалау: Алдымен топ басшылары топты бағалайды. Соңынан мұғалімнің бағасы тыңдалады.
Үйге тапсырма:
● Балалар, сабақ ұнады ма?
● Несімен ұнады?
● Саған жаңалық болған не?
● Болашақ өмірде қолдануға пайдалы білім алдың ба?
Сабақ соңы.