Қазақстан – Менің Отаным

Сабақтың тақырыбы: Қазақстан – Менің Отаным
Сабақтың мақсаты: Қазақстан туралы толық түсінік беру.
Сабақтың міндеттері:
Білімділік: Қазақстан мемлекеті туралы алған білімдерін жинақтау.
Дамытушылық: жаңа сөздер мен мақал - мәтелдер арқылы оқушылардың сөздік қорын байытып, ауызекі сөйлеу тілін дамыту.
Тәрбиелік: Отанын, туған жерін, халқын сүюге тәрбиелеу, отанын қорғай білуге баулу.
Сабақтың түрі: жаңа сабақ.
Сабақтың пән аралық байланысы: қазақ әдебиеті, география.
Сабақтың әдісі: әңгімелеу, сұрақ – жауап, сұхбат, іздену, жаттығу орындау.
Оқыту формасы:. жеке – дара, жұптық, топпен жұмыс.
Сабақтың көрнекілігі: Қазақстан картасы, мемлекеттік рәміздер, туған жер, Отан туралы қанатты сөздер, аударма сөздіктер, интерактивті тақта.

Сабақтың барысы:
I. Ұйымдастыру кезеңі:
а) Оқушылармен сәлемдесу, түгендеу, ән ұранды орындау.
ә) Оқушыларды сабаққа бейімдеу.
б) Сабақтың тақырыбын, мақсатын, міндетін түсіндіру.

ІІ. Үй тапсырмасын тексеру.
үй тапсырмасын қорытып, өткен сабақты қайталау.

IIІ. Жаңа сабақ.
Мұғалім:- Бүгінгі сабағымызды қазақ ақыны М, Мақатаевтың өлеңімен бастайық. Мұқият тыңдаңдар.
Мен оның түнін сүйем, күнін сүйем.
Ағынды өзен, асқар тау, гүлін сүйем.
Мен оның қасиетті тілін сүйем,
Мен оның қасиетті үнін сүйем...

Мұғалім:- Бұл өлең не туралы?
Оқушы:- Туған жер, отан туралы.
Мұғалім:- Отан деген не?
Оқушы:- Отан деген адамдардың туып - өскен жері.
Мұғалім:- Сендер қай жерде, Қай мемлекетте туып өстіңдер?
Оқушы:- Қазақстанда.
Мұғалім: Олай болса, бүгінгі сабағымыздың тақырыбы:”Қазақстан – Менің Отаным”
- Дәптерлеріңді ашып, бүгінгі ай, күнін және сабақтың тақырыбын жазыңдар.
1. Сөздік жұмысы. Тыңдалым. Айтылым.
а) Жаңа сөздерді бірнеше рет оқыту, аудармасымен таныстыру.
ә) Жаңа сөздерді қатыстырып, сөз тіркестерін және сөйлемдер құрастыру.

2. Мәтінмен жұмыс. Оқылым.
а) Мәтінді оқып, орыс тіліне аудару арқылы мазмұнын түсіндіру.
ә) Мәтін соңында берілген сұрақтарға жауап беру.

3. Сөйлесім. 2 - жаттығуды орындау.
а) Қазақ тілінің төл дыбыстарын дұрыс айтуын және интонацияны дұрыс сақтай алуын қадағалай отырып, оқулықтағы 2 - жаттығу арқылы жұптық жұмыс жүргізу.
4. Оқылым. Жазылым. 4 - жаттығуды орындау.
а) Берілген мақалдардан өзге де мақалдар ұсынып, баламасын табу.
ә) Оқушыларға дұрыс құрастырылған сөйлемдерді дәптерге жазғызу. Мысалы:
Туған жер – алтын бесік.
Отан оттан да ыстық.
Туған жердей жер болмас.
Отансыз адам – ормансыз бұлбұл.
Отанды сүю отбасынан басталады..

5. Сабақты қорытындылау.
1. Тірек - сызбамен жұмыс.
Отаным
↓
Тәуелсіз
Қазақстан
Менің
Туған жерім
Мемлекет
Елім
2. Берілген сөздерді жуан, жіңішкеге бөліп жазу.
Жуан:----------
Жіңішке: --------
Отан, жер, қазақ, ел, ата - ана, кіші, үй, аула, көше, мектеп, достар, көрші, тау, өзен, табиғат, орман, жануар

Сөзжұмбақтарды шешу:
Ақ---------------1. Белый
Алма------------2. Яблоко
Заман-----------3. Эпоха
Қарындаш-----4. Карандаш
Қала------------5. Город
Ас---------------6. Пища
Тіл---------------7. Язык
Нан--------------8. Хлеб
Ана--------------9. Мама

6. Оқушыларды бағалау.
7. Үйге тапсырма:
а) жаңа сөздермен мақал – мәтелдерді жаттау.
ә) «Менің Отаным»тақырыбына шағын шығарма жазу.