Алтын ұрпақ (интеллектуалды ойын)

Ұйымдастыру кезеңі:
- Сәлеметсіздер, ұстаздар, оқушылар және қонақтар!
Тәуелсіз еліміздің тірегі – білімді ұрпақ. Өркениет өзегі – білім мен ғылым, тәрбие дейтін болсақ, осының барлығының бастауы – бастауыш сыныптарынан басталатыны бәрімізге аян.
Көрнекті психолог Л. С. Выготский. Ол алғаш рет бала дамуының төмендегідей екі аймағы болатындығы жайлы теория ұсынды.

1. Бала дамуының жақын аймағы – баланың тек үлкендердің көмегі арқылы атқара алатын
істері.
2. Бала дамуының қол жеткен аймағы – баланың үлкендердің көмегінсіз істей алатын
істері. Баланың дамуы бірінші аймақты меңгеру арқылы жүзеге асады. Дамудың қол жеткен аймағы жақын аймақпен өзара қызметтесе отырып, оны игерген кезде дамуға өріс ашылады. Міне, осы теорияны негізге ала отырып, «Алтын ұрпақ!» деп аталатын 1сыныптар арасында ұйымдастырылып отырған интеллектуалды ойынымызға қош келіпсіздер!

- Ал, келіңдер, келіңдер!
Біріңе – бірің еріңдер.
Біліміңді тексеріп,
Ойынға қатысып көріңдер.

- Ал, құрметті оқушылар, осы уақытқа дейінгі алған білімімізді топ болып, жан аямай ортаға салайық. Ортаға үш топтың топ басшылары келіп, көздерін жұма отырып, мына түсті қағаздарды таңдайды. Топ басшыларға қай түс қағазы бұйырса, топ мүшелері де сол топ болып, орындарына жайғасады.
Топтар:
1. Қызылдар
2. Сарылар
3. Көктер

- Бұл түстерді неліктен таңдап алды деп ойлайсыңдар?
- Ненің көздеріне ұқсайды?
- Қане, сол бағдаршам көздерінің ретімен тұрайықшы:
- Осы бағдаршам көздерінің қызметін кім бізге айтып береді?
Қызыл көзін ашқанда,
Сынық сүйем баспа алға.
Сары көзін ашқанда,
Қарап қалма аспанға.
Жасыл көзін ашқанда,
Өте бергін жасқанба.
- Жарайсыңдар, балалар! Қане, барлығымыз өз тобымызға жайғасайық.
Бәйгеге түспей жарыспай, Жүйріктің бағы жанар ма?
Білім мен өнер жарысып, Тәлім, тәрбие табар ма? Бұл бәйге – ойдың, шапшаңдықтың бәйгесі.
«Кім жүйрік ойға, сол алда...» дегендей, ойын жарыс түрінде өтеді.
Әділқазылар алқасын сайлау:

Ойынның шартымен таныс болыңыздар:
1. «Бәйге» ана тілі және пәнінен ауызша сұрақтар.
2. «Ең, алғыр топ!» ана тілі пәнінен тапсырмалар.\ жұптық жұмыс\
3. «Жорға» математика пәнінен ауызша есептер.
4. «Кім жылдам?» \Өрнектер, теңдеулер, салыстыру - тапсырмаларын орындау.\
5. «Сиқырлы қалам.» дүниетану пәнінен еліміздің табиғатын бейнелеу.

Мұғалім:
Ұшқыр ойға серік болсын шеберлік,
Сөз кезегін «Бәйгеге» біз берейік.
Арамызда тапқыш достар көп екен,
Солардың енді жауаптарын көрейік. \Әр топқа 5 сұрақтан беріледі, әрбір жауапқа 1ұпай\

1. «Бәйге»
- Дыбыстар нешеге бөлінеді? \ата\
- Қарлығаш сөзінде неше буын бар?
- Сөз неден құралады?
- «Шұбат» қалай және неден жасалады?
- Тоқтар Әубәкіров кім?
- Сөйлем аяқталғанда не қойылады?
- Дауысты дыбыстар нешеге бөлінеді? \ата\
- О дыбысы жуан ба, жіңішке ме?
- Б. Момышұлы кім?
- Қандай сөздер бас әріппен жазылады?
- Заттың атын білдіретін сөздерге қандай сұрақ қойылады?
- Жоғары сөзінің қарама - қарсы сөзін айт.
- Ә. Қастеев кім?
- Орман емшісі» деп қандай құсты айтады?
- Әділқазылар топтардың ұпайларын беріп отырады.

2. «Ең, алғыр топ!»
\әр топқа 3 - 3тен тапсырма беріледі, бұл кезеңде топтың ішінен жұптық жұмыс орындалады.\
а\1. Мәтін
а\ай, апа, дәптер, жол.
2. Сөз
ә\Ақан мен Асан тау басына шықты.
3. Сөйлем
б\Әлемде алуан түрлі құстар бар. Олардың біразын су құстары дейді. Себебі олар көбінесе суда мекендейді.
ә\Сұрақтың жауаптарын сызықпен қосу.
Кім? Кімдер? Не? Нелер? – сұрағына тиісті сөздерін табу.

б\ Әр малды өз төлімен сызық арқылы қосу.

Шабыт тасып, шалқысып,
Есеппен ән салысып.
Жұмбақ шерді шашайық,
Ат салысып аянбай, бар өнерге басайық. Келесі кезең:
3.«Жорға» Математика пәнінен ауызша есептер.
- Ондықпен 100 - ге дейін тура сана.
- 50 мен 20 сандарының қосындысын тап.
- Азайғыш 90, ал азайтқыш 70. Айырманың мәнін тап. - Әкесі 50 жаста, ал баласы одан 30 жас кіші. Баласы неше жаста?
- Айгүлде 100 тг. болды, ол 40 тг. дәптер сатып алды. Айгүлде неше теңге қалды?
- Ондықпен кері сана.
- 40 пен 30-дың қосындысын тап.
- Азайғыш 80, ал азайтқыш 10. Айырманың мәнін тап.
- Жарысқа бір мектептен 30 бала, ал екінші мектептен одан 10 бала артық қатысты. Екінші мектептен неше бала қатысты?
- Дүкенге 10 қорап алма, 20 қорап жүзім әкелді. Барлығы неше қорап жеміс әкелді.
- 9-дан кейінгі сан....
- 30 бен 50 қосындысын тап.
- Азайғыш 60, ал азайтқыш 20. Айырманың мәнін тап.
- Жібек апа 5кг шоколад, одан 4 кг артық қатты кәмпит сатып алды. Жібек апа барлығы неше кг кәмпит алды.
- Автотұрақта 50 машина тұр еді, тағыда 10 машина келді. Автотұрақта барлығы неше машина болды.

4.«Кім жылдам?» Өрнектер, теңдеулер - тапсырмаларын орындау.
5.«Сиқырлы қалам»
Дүниетану пәнінен еліміздің табиғатын бейнелеу.
Қорытынды: Көп біріксе ел болар, көп түкірсе көл болар - демекші құрметті оқушылар бүгінгі интеллектуалды ойынға ат - салысып, топ болып қатысқандарыңызға көп - көп рахмет.
- Әділ қазыларға сөз беру. Оқушыларды марапаттау.