Жыныс генетикасы

Сабақтың тақырыбы: Жыныс генетикасы
Мақсаты:
1. Оқушылардың жыныс генетикасы туралы білімдерін одан әрі дамытып, толық ақпарат беру.
2. Оқушылардың генетикалық есеп шығару дағдысын қалыптастырып дамыту, танымдық қызығушылығын арттыру.
3. Оқушыларды ұжымшылдыққа, ұқыптылыққа, бірін - бірі тыңдай білуге өз ойларын айта білуге үйрету.
Күтілетін нәтиже:
1. Оқушылар өздеріне керекті білімді алу жолында әрекет етеді.
2. Ұжымдық ынтымақтастық қатынас орнайды.
3. Интерактивті тақтаның барлық мүмкіндігін пайдалануды үйренеді.
4. Оқушылардың білімге деген қызығушылығы артады.
Сабақтың көрнекілігі: «Жыныс генетикасы» тақырыбында электрондық оқулық, «Томас Морганның зертханасы» электронды оқулық, Генетикалық есептер жинағы
Сабақтың типі: Білім және дағдыны қолдану.
Сабақтың түрі: Ізденіс сабағы.
Сабақтың әдісі: С Т О, салыстыру, талдау, ой қорыту.

Сабақ барысы
І. Ұйымдастыру бөлімі
А) Оқушылар геометриялық фигуралар арқылы топқа бөлінеді.
Б) Жоқ оқушылар белгіленеді.

ІІ Үй тапсырмасын тексеру.
Блиц сұрақтары:
1. Гендердің әрекеттесуінің неше түрі бар?
2. Аллельді емес гендердің өзара әрекеттесуінің неше типі бар?
3. Аллельді емес доминантты гендердің бірін - бірі толықтырып, жаңа белгіні жарыққа шығаруын не дейміз?
4. Бір геннің екінші генді басып, оның белгісін жойып жіберетін генді не дейміз?
5. Белгінің қалыптасуына бірігіп әсер ететін гендер қандай?
6. Бірнеше геннен тұратын аллельдерді не дейміз?

ІІІ Жаңа тақырыпты түсіндіру
1. Қызығушылықты ояту
Барлық тірі ағзалар көбеюіне байланысты нешеге бөлінеді?
Жынысты дегенді қалай түсінесін?
Ал, «генетика» ұғымына байланысты не айтуға болады?

2. Мағынаны тану.
Бүгінгі тақырыпты ашып, зерттеу үшін, 3 - топтың оқушыларына нақты тапсырмалар беріледі.
І топ. Жынысты хромосомаға сипаттама
ІІ топ. Томас Морганның зерттеген тәжірибелері
ІІІ топ. Жыныспен тіркесіп тұқым қуалайтын аурулар.
Оқушыларға уақыт беріледі. Осы уақыт ішінде олар іздене, өз бетімен жұмыс істейді, ой бөліседі.
Әр топ берілген тапсырма бойынша талдап, қорғайды. Интерактивті тақтаны пайдаланады.
ІІ топ «Томас Морганның зертханасы» электронды оқулығын пайдаланады.
Мұғалім «Жыныс генетикасы» тақырыбында электрондық оқулықты пайдаланып, қосымша материалдармен толықтырады.

3 Толғаныс.
Генетикалық есептер шығару
І топқа Шешесі сау ХН ХН гомозиготалы, әкесі гемофилиямен ауыратын Хh У от басының ұрпақтары қандай болмақ. Гемофилияны бақылайтын ген рецессивті Х хромосомада орналасқан.
ІІ топ Егер шешесі гемофилия гені бойынша гетерозиготалы ХН Хh, ал әкесі ауру болған жағдайда Хh У отбасының ұрпақтары қандай болмақ?
ІІІ топ. Әкесі сау ХНУ шешесі гемофилия гені бойынша гетерозиготалы ХНХh болса, отбасының ұрпақтары қандай болмақ?

ІҮ Қорытынды.
Барлық топ мүшелеріне тапсырма беріледі.
Ойланып, жауап беріңдер
Жыныспен тіркескен гендердің тұқым қуалауын білудің қандай практикалық маңызы бар?
Әр топ өз ойларын ортаға салады.

Ү Бағалау.
Әр топтың топ басшысына сөз беріледі. Олар бағалау парағы бойынша топ мүшелерінің білім деңгейіне тоқталады.
Мұғалім бағалау парағына сүйене отырып, оқушылардың білімін бағалайды.
ҮІ Үйге тапсырма беру.
§45 Сұрақтар, деңгейлік тапсырмалар
«Тұқым қуалайтын аурулар» тақырыбына қосымша мәлімет әкелу.