Теңге

Қызылорда облысы, Жаңақорған ауданы,
Аққұм бекеті, Негізгі білім беретін №221 Аққұм мектебі
Мектепалды даярлық сыныбының мұғалімі: Маханова Динара Рысбекқызы

Білім беру саласы: «Таным»
Бөлімнің аты: Математика
Сабақтың тақырыбы: Теңге (слайдымен)
Сабақтың мақсаты:
Білімділік: Ұлттық ақшамыз теңге туралы түсінік беру. Ақша түрлері (қағаз, темір, ірі, ұсақ) туралы ұғымдарын тереңдету. "Теңге" ұғымын қалыптастыру.
Тәрбиелік: Балалардың қызығушылығын арттыру, тиянақтылыққа, бірін - бірі тыңдай білуге тәрбиелеу.
Дамытушылық: Балалардың зейіні мен логикалық ойлауын, есте сақтау қабілетін дамыту.
Сабақтың типі: Жаңа сабақ
Сабақтың түрі: Дәстүрлі сабақ
Сабақтың көрнекілігі: интерактивті тақта, суреттер, үлестірмелі материалдар
Сабақтың әдісі: әңгімелеу, түсіндіру, сұрақ - жауап.
Пәнаралық байланыс: Көркем әдебиет

Іс - әрекет кезеңдері
Мұғалімнің іс әрекеті
Мотивациялық қозғаушылық
Ұйымдастыру кезеңі
Оқушылардың оқу - құралдарын түгендеу.
Зейіндерін сабаққа аудару.
Өткен сабақты еске түсіру:
«Бәйге» ойыны
1 2 3
4 5 6
7 8 9
Сұрақтары:
1. 1қолыңда неше саусақ бар?
2. Қандай фигураларды білесің?
3. 5пен7 - нің арасында қандай сан бар?
4. 8 санының көршісін тап.
5. 5+1=? Есепті шығар
6. Сызықтар нешеге бөлінеді?
7. Алты алманың екеуін
Диас сұрап алды
Айтшы сонда нешеуі
Өз қолыңда қалды? (4)
8. 7 6 қайсысы үлкен, қайсысы кіші?
9. 8+2=? Есепті шығар

Ұйымдастыру - ізденушілік - Жаңа сабақ түсіндіру
Теңге - ұлттық ақшаның атауы.
Оның түрлері: ұсақ теңгелер темір күйінде болатыны, 1, 2, 3, 5, 10 және т. б. болып ірілене беретіндігі, олардың ірі болған сайын құны артатындығы, ұсақталған сайын құны кемитіндігі туралы мағлұмат беріледі.
Оқулық дәптердегі тапсырмаларды орындау.
1. Монеталардың суреті берілген. Оларды ата.
2. Әр әмиянда неше монетадан? Әр әмиянда неше теңгеден?
«Теңге терейік» ойыны
1. Ақша санауды үйренеміз. Сол жақтағы ақшаларды санап, оң жақтағы дөңгелектің ішіне цифрмен жаз.
2. Сенде ақша бар ма? Ол ақшаға сен не сатып алатыныңды таңда? Сатып алған затыңды монеталардың керекті санына қос. Сенде ақша қалды ма? Неше?
3. Берілген теңгелерден есеп құрастыр.
Сергіту сәті:
1, 2, 3 Бойға жинап күш,
4, 5, 6 Отыр, тұр, шалқы
7, 8, 9, 10 Орындығыңа қон

Кері байланыстылық -
түзетушілік
Қорытынды.
Ауызша есептер:
- Серіктің 5 теңгесі болды, анасы оған тағы 2 теңге берді. Серікте барлығы неше теңге болды -?
- Айымның 10 теңгесі бар еді, ол 5 теңгесіне балмұздақ алды. Айымда қанша теңге қалды -?
Сандарды тура және кері сана.
Осы сандардан қолданылатын монеталарды ата.
0, 1, 2, 3, 4, 5, 6, 7, 8, 9, 10.
10, 9, 8, 7, 6, 5, 4, 3, 2, 1, 0
Сұрақ - жауап:
- Теңге дегеніміз не?
- Ақшада не бейнеленген?
- Ақшаның қалай ұстауымыз керек?
- Ақша қалай келеді?
- Әр ұлт ақшасы қалай аталады?

Күтілетін нәтиже:
Нені біледі: Теңге жайлы мағлұмат алады
Қандай түсініктерді игерді: Ақшаны үнемдеп пайдалану керек.
Меңгерген дағдылары мен іскерліктері: Тапсырманы орындау