Бізбен байланыс
kum2017@yandex.ru
WhatsApp: +7 705 241 87 47


Компьютерде жұмыс істеу тәртібі мен қауіпсіздік ережелері

04 қаңтар 2024, Бейсенбі
Категориясы: Информатика
Сабақтың тақырыбы: Компьютерде жұмыс істеу тәртібі мен қауіпсіздік ережелері.
Мақсаты: 1. ЕТ - мен жұмыс істеу кезіндегі қауіпсіздік техникасының ережелерімен танысып, оны білу.
2. Компьютермен жұмыс істеу барысында қауіпсіздік ережесін үнемі естен шығармау дағдысын қалыптастыру.
3. Оқушы мәдениетіне, ұқыптылыққа тәрбиелеу

Сабақтың түрі: Жаңа сабақ
Сабақтың әдісі: Топпен жұмыс
Көрнекіліктер: MS POWER POINT ортасында жасалған слайдтар, таратпа материалдар, плакат « Қауіпсіздік ережесі»

Сабақтың барысы: І. Ұйымдастыру.
Балалармен сәлемдесу, жақсы көңіл – күй тілеу.

ІІ. Жаңа сабақтың кезеңдеріне дайындау.
Бүгін бізге сендермен достасуға қонаққа «Компьюша» келді. «Компьюшаның» өзімен әкелген кереметке толы қоржыны бар екен. Информатика сабағында қоржыннан алынған кереметтерді оқып, үйренсек, «Компьюшаның» айтқандарын бұлжытпай орындасақ
«Компьюша» сендермен жақсы дос болады және сыйлықтарын таратып береді.

1. Жаңа материалды түсіндіру.
«Компьюшаның» қоржынынан шыққан бірінші керемет:
Компьютерде жұмыс істеу кезіндегі арнайы ережелерді есімізде сақтауымыз керек екен.
Компьютер кабинетіндегі техникалық қауіпсіздік ережелер.
Техникалық қауіпсіздіктің жалпы талаптары:
1. Тәртіпті, аңғарымды болу.
2. Өндірістік оқыту шеберінің ғана тапсырған жұмысын орындау.
3. Орындау тәсілін білген жағдайда ғана жұмысқа кірісу. Күдікті жағдайда жұмыс берушімен кеңесу.
4. Жұмыс кезінде өзінің де, өзгенің де көңілін бөлмеу.
5. Жарық жоқ және оның нашар кезінде жұмыс істемеу.
6. Компьютерді рұқсатсыз қоспау және қосылған компьютерді иесіз қалдырмау.
7. Дымқыл немесе су қолмен жұмысқа отырмау.
8. Монитор экраның желі жалғағыштарды, сымдарды қолмен ұстамау.
9. Қондырғыларды рұқсатсыз орнынан қозғамау.
10. Жұмыс орнынан қажетсіз кетпеу.
11. Компьютерді қатты қозғамау.
12. Компьютерлердің үстіне бөгде заттарды қоймау.
13. Жұмыс орнында және бөлмеде тазалық сақтау.
Техникалық қауіпсіздіктің арнаулы талаптары.
Жұмыс алдында:
1. Жұмыс киімдерін тәртіпке келтіру.
2. Жұмыс орнындағы артық заттарды алып тастау.
3. Бөлмедегі жүретін жолдарды алып қою.
Жұмыс кезінде:
1. Компьютерді қосып, ақаулықтың жоқ екеніне көз жеткізу.
2. Ақаулықтар бар болса, компьютерді тоқтан айырып, өндірістік оқыту шеберіне хабарлау.
3. Техникалық үзілістер кезінде саусақтарға арналған жаттығулар орындап отыру.
4. Жүйелік блок қораптары ашық жағдайда жұмыс істеуге, өз бетімен компьютерді ашып қарауға, ақауларды жөндеуге тыйым салынады.
Жұмыс аяқталғанда:
1. Компьютерді дұрыс сөндіру.
2. Құжаттармен жеке заттарды жинастыру.
3. Жұмыс орнын тәртіпке келтіру.
Өрт кезінде:
1. Компьютерді тоқтан айыру.
2. Күш қорғауышын айыру.
3. Жағдайды әкімшілікке немесе өндірістік оқыту шеберіне хабарлау.
4. Көмірқышқылды өрт сөндіргішті жедел пайдалану.
5. 101 - ге хабарлап.

(MS POWER POINT ортасында жасалған слайдтар презентациясы)

2. Көзге арналған жаттығулар.
Компьюшаның әңгімесі:
Көбелек қанатын қалай қағады? Көзімізбен көрсетейікші.
( балалар көзін жиі – жиі ашып жұмады)
Көзімізбен көбелектің ұшу бағытын көрсетейік
( басымызды бұрмай оңға, солға, жоғары, төмен қараймыз) 3 - 4 рет қайталап көрсету

5. Түсініктерін алғашқы тексеру. Миға шабуыл стратегиясы.
Суретке қарай отырып компьютермен жұмыс істеу кезінде қандай іс - әрекетке тиым салынатыны туралы айтып беруді өтіну.

6. Түсініктерін бекіту.
«Компьюшаның» ертегісі.
Күз айы. Ауа райы қолайсыз, жел соғып, жаңбыр жауып тұрды. Асан асығып мектепке келсе бірінші сабақ информатика екен. Ол су болған сыртқы киімін шешпестен, информатика кабинетіне жүгіріп кірді. Мұғалімге назар аудармастан компьютерді қосты. Қоңырау дауысын ести салысымен асығыс сумкасынан кітап, қалам, дәптерлерін және мамасы салып берген тоқашын да бірге алып пернетақтаның үстіне қойды. Сабақ ортасында Асанның келесі математика сабағы екені және одан есеп шығармай келгені есіне түсті. Асан тыпыршып, қозғалақтап отыра алмады. Соның салдарынан электр тогына қосылған сымды аяғымен қозғап, компьютерді өшіріп алды.

Сұрақтарға жауап беру:
 Ø Асан қанша кате жіберді?
 Ø Неге сырт киіммен кіруге болмайды?
 Ø Неге мұғалімнің рұқсатынсыз информатика кабинетіне кіруге болмайды?
 Ø Неге пернетақтаның үстіне зат қоюға болмайды?
 Ø Неге жалғасып жатқан электр сымдарына жақындауға болмайды?

7. «Ой ашар» сергіту сәті.

Егер сендер шаршасаңдар,
Көбелек болып ұшайық,
Секірейік қоян болып,
Суда жүзіп балықтай,
Отырайық асықпай.

8. Дәптермен жұмыс. Түртіп алу стратегиясы

Төмендегі әрекеттердің орындауға болатындарын жасыл қарындашпен, ал орындауға болмайтындарын қызыл қарындашпен бояңдар да, сөйлемдердің мағынасына қарай «болады» немесе «болмайды» сөздерін қосып жазыңдар.

Мұғалімнің рұқсатынсыз
информатика кабинетіне кіруге...
Компьютер сыныбына
Сабырлықпен кіріп
өзінің жұмыс орнына
отыруға... Информатика кабинетіне сырт киіммен кіруге...
Компьютер сыныбына кірерде бір – біріңді есікте
итермелеуге...
Компьютердің көзге түсетін ақауларын көрсең мұғалімге хабарлауға... Байланыстырушы сымдардың ажыратылатын жеріне тиісуге...
Компьютерде жұмыс істеуді
тек мұғалімнің рұқсатымен
бастауға...
Электр тогымен жалғанған сымдарға тиісуге... Компьютерде су қолмен жұмыс істеуге...

9. Қорытындылау. Не білдік? Не үйрендік? Не білгіміз келеді?
Суретпен жұмыс

9. Бағалау « Компьюшаның» сыйлықтары
( Жауап берген балаларға баға жазылған «компьюшаның» суретін таратып беру )

10. Үй тапсырмасы.

Төмендегі әрекеттердің орындауға болатындарын жасыл қарындашпен, ал орындауға болмайтындарын қызыл қарындашпен бояңдар да, сөйлемдердің мағынасына қарай «болады» немесе «болмайды» сөздерін қосып жазыңдар.

Пернетақтаны тоқпақтамай, жай басуға...
Экранға және монитордың артқы қабырғасына
тиісуге... Басқа бағдарламаларды рұқсатсыз ашуға...
Көзден монитор экранының ара қашықтығы 70 см болуына...
Жұмысты аяқтағаннан кейін жұмыс орнын ретке келтіруге... Компьютерде жұмыс істеп отырып орныңнан тұруға...

Шығыс Қазақстан облысы, Үржар ауданы, Мақаншы ауылы,
«Сейфуллин атындағы орта мектеп - бақша» КММ
Жоғарғы санатты информатика пәні мұғалімі Бекишева Ғазиза Есенқызы
26 816
0
  • 0
0 дауыс


Жаңалықтар
№1 практикалық жұмыс «Қауіпсіздік техникасының ережелерімен және зертханалық құрал - жабдықтармен танысу»
№1 практикалық жұмыс «Қауіпсіздік техникасының ережелерімен және зертханалық құрал - жабдықтармен танысу»
Химиялық лабораторияда және кабинетте жұмыс жүргізу кезіндегі қауіпсіздік техникасының ережелерін білу және түсіну Химиялық лабораторияда және кабинетте жұмыс жүргізу кезіндегі қауіпсіздік техникасының ережелерін білу және түсіну.
Компьютерде жұмыс істеу тәртібі мен қауіпсіздік ережелері
Компьютерде жұмыс істеу тәртібі мен қауіпсіздік ережелері
ЕТ - мен жұмыс істеу кезіндегі қауіпсіздік техникасының ережелерімен танысып, оны білу. Компьютермен жұмыс істеу барысында қауіпсіздік ережесін үнемі естен шығармау дағдысын қалыптастыру.
Информатикадан қысқы және орта мерзімді жоспар
Информатикадан қысқы және орта мерзімді жоспар
Астана қаласы, №48 мектеп - лицейдің информатика пәнінің мұғалімі Өмірзақов Нұржан Тұтқабайұлы
Информатика 11 сынып
Информатика 11 сынып
Техника қауіпсіздігі және жұмыс орнын ұйымдастыру. Есептеуіш техникамен жұмыс істеу кезіндегі қауіпсіздік техникасымен танысу. Алғашқы медициналық көмек көрсету әдістерін, көз талғанда жасалатын жаттығулармен танысады.
Есептеуіш техникасы кабинетіндегі жұмыс тәртібі мен қауіпсіздік техникасының ережелері
Есептеуіш техникасы кабинетіндегі жұмыс тәртібі мен қауіпсіздік техникасының ережелері
Батыс Қазақстан облысы, Жәнібек ауданы, Жәнібек ауылы, Жәнібек колледжінің информатика пәні мұғалімі Хаирлиев Нурлыбек Нурболатович
Пікірлер (0)
Ақпарат
Қонақтар,тобындағы қолданушылар пікірін білдіре алмайды.
×