Білім сапасын арттырудағы құзіреттілік

Білім сапасын арттырудағы құзіреттілік

І. Кіріспе
Жаңаша білім мазмұнын құру – білім беру жүйесіндегі өзекті мәселе

ІІ. Негізгі бөлім
1. Қазіргі қоғам мұғалімі – рухани дамыған, толысқан шығармашыл тұлға
2. Ақпараттық құзіреттіліктің білім беру жүйесін арттырудағы маңызы

ІІІ. Қорытынды
Құзіретті мұғалім – ғылым мен ілімнің, ұлы көштің иесі.

ХХІ ғасырда әлем өркениеті жаңа даму кезінде қадам басты. Бұл кезең кез - келген мемлекеттің даму деңгейін табиғат ресурстарымен емес, интеллектуалдық, шығармашылық потенциалымен, ғылымда, жаңа технологияларды меңгеру, өндіру жетістіктерімен анықтайды.
Елбасы алға қойған парасатты экономикаға қызмет ететін адами капиталдың жаңа сипаты ХХІ ғасырдағы қоғам дамуынан туындап отырған сұраныстарға тікелей байланысты. Халықаралық деңгейде бәсекелесетін, өмірге белсенді көзқарас пен жоғары білікті және жеке тұлғаны тәрбиелеу, мектеп қабырғасынан бастап оқушыларды ғылыми зерттеу және тәжірибелік қызметке қатыстыру, қазақстандық және әлемдік білім жүйесінің таңдаулысына сәйкес жалпы орта білімнің инновациялық моделін құру заманауи білім берудегі обьективтік қажеттілік.
Жаңа заманға сай адам ресурстарды білім беру жүйесі даярлайтынын ескерсек, ол ең алдымен, төмендегі сұраныстарды қанағаттандыруы қажет:
- білімділікке негізделген қоғам барлық жас адамдардан білімнің жоғары стандарттарын меңгеруді талап етеді;
- олар проблемаларды шешуге қажетті ақпараттарды сұрыптай алуға және өзгелер пікірімен санаса отырып, қарым - қатынаста өзінің ой – пікірін еркін білдіре алуға қабілетті болуы тиіс;
- олардың бойында өз білімін үнемі жаңғыртып отыратын және жаңа дағдыларды меңгер алатын қабілет қалыптастырылуы керек.