Білім мазмұнын модернизациялау жағдайында мемлекеттік тілді дамыту

«Білім мазмұнын модернизациялау жағдайында мемлекеттік тілді дамытудың маңызы»

Білім саласындағы туындаған жаһандық өзгерістер жағымсыз бағыттарға қарсы тұру, жасампаз дамушы өзгерістерді қолдану мақсатын қояды. Білім өзінің басым бағыттарын тек өзекті мәселелерге ғана қатысты емес, адамзаттың және қоғамның ұзақ мерзімді сұраныстарына сай айқындауда. Осы жағдайда жаңа білім беру тұлғаның қалыптасуы, дамуы және қоғамның рухани-адамгершілік құндылықтарын қалыптастыруымен байланысты мәселелердің ортасынан табылып отыр. Қазақстанның білімі болашақта ашық әлеуметтік жүйе ретінде саяси, экономикалық және мәдени өзгерістермен сипатталады.
Сондықтанда білім мазмұнын модернизациялауға түрткі болған факторлар ретінде төмендегілерді атан өтуге болады:
1. Қазақстанның әлемнің экологиялық ең қауіпсіз, экономикалық тұрақты қарқынды даму сатысына көтерілуі (ҚР-2030 Даму стратегиясы);
2. Нарықтық экономикаға негізделген экономикалық өсуі;
3. Қазақстанның үдемелі индустриалық-инновациялық дамуы;
4. Қазақстанның дамыған 50 елдің қатарынан көрінуге бет құрудағы мәуелі мақсаты;
5. Білім беру жүйесіндегі жаңа сапаны қалыптастыру;
6. Білім беру жүйесінің инфорымқұрылымдарының кеңеюі;
Білім беру мазмұнын модернизациялаудағы басты мақсат:
Білім беру мазмұнының әлеуметтік бағытталуын күшейту және оның сапасын тексеру тетіктерін жетілдіру;
Оқушылардың өзін-өзі ұйымдастыру инновациялық іс-әрекетке, ынтымақтастық қызметке бейімдік қабілеттері мен өзіндік қасиеттерін дамыту.

Білім беру мазмұнын модернизациялау міндеттері:
1. Барлық білім беру деңгейлері мен сатыларының үйлесімділігі мен практикалық бағытталуын қамтитын мемлекеттік жалпыға міндетті білім стандарты мен тұжырымдамаларды жаңғырту;
2. Қоғам мен мемлекеттің, білім беру жүйесінің қажеттіліктері мен болашағына сай білім берудің бейінді бағдарларын анықтау;
3. Білім беру жүйесінің өзекті мәселелерін шешуге бағытталған білім бағдарламаларын жасау;
4. Оқу-әдістемелік кешендерді, электронды оқулықтар мен оқу әдістемелік құралдарын дайындау, байқауын өткізу;
5. Оқу үрдістерін ұйымдастырудың жаңа технологияларды өндіру;
6. Ақпараттық-коммуникациялық технологиялар мүмкіндіктерін толық пайдалануға дағдыландыру;
7. Білім алушының сапасы мен құзырының табысты әлеуметтенуіне ықпал ету;
8. Білім алушылар, педагог, ата-ана, қоғам, мемлекет арасындағы байланысты нығайту.

Қазіргі кезде Қазақстан сияқты көп ұлтты мемлекет алдында, біріншіден, жоғарыда айтылғандай біртұтас білім кеңістігін қалыптастыру міндеті тұрса, екіншіден, ең негізгісі - ұлттық этнопедагогика мен этнопсихологияның озық дәстүрлеріне сүйене отырып, жеткіншектер сапасына туған қалқының дүние танымына құрмет пен мақтаныш сезімін ұялатып, ұлттық рухты сіңіру, сондай-ақ ұлттық салт-дәстүрін меңгерту, тілі мен әдебиетін, тарихы мен өнерін қастерлеу тарихи қажеттілік болып отыр.


Толық нұсқасын жүктеу