Ертегілер оның түрлері (күнделікті сабақ жоспары топтамасы)

Күнделікті сабақ жоспары, әдебиет 5 сынып.
Тақырыптар:
6. Ертегілер оның түрлері
7. «Ер Төстік» ертегісі оның тақырыбы
8. «Аяз би» ертегісі, мазмұны
9. «Керқұла атты Кендебай» ертегісі
10. «Сырттандар» ертегісі

№2 Сабақ үлгісі:
1. Пән аты: Әдебиет
2. Сыныбы: 5
3. Күні, айы, жылы: 20 қыркүйек
4. Тоқсан: І
5. Мұғалім: Р. Қалматаева
Сабақтың тақырыбы: Ертегілер оның түрлері
Сабақтың мақсаты:
1. Білімділік: оқушыларға ертегілер туралы мәлімет беру.
2. Тәрбиелік: оқушыларды адамгершілікке, елжандылыққа тәрбиелеу.
3. Дамытушылық: оқушылардың әдеби дүниетанымдарын кеңейту.
Сабақтың типі: аралас сабағы.
Сабақтың түрі: дәстүрлі сабақ.
Сабақтың әдіс - тәсілі: баяндау, сұрақ - жауап, әңгімелеу
Сабақтың көрнекілігі: «Қазақ әдебиеті» энциклопедиясы
Пәнаралық байланыс: тіл, тарих.

Сабақтың барысы:
І. Ұйымдастыру кезеңі: 1. Оқушылармен сәлемдесу.
2. Оқушылардың сабаққа қатысын тексеру.
3. Оқушылардың зейіндерін сабаққа аудару

ІІ. Үй тапсырмасын тексеру:
1. Жұмбақ туралы түсінік
2. 23 - 24 – беттегі жұмбақтарды жаттау.
ІІІ. Білім тексеру:
1. Жұмбақ дегеніміз не?
2. Жұмбақтар қалай пайда болған?
3. Жұмбақ болатын заттар нелер?
4. Жұмбақтардың тақырыбы қандай болады?
5. Жұмбақтарды қалай құрастыруға болады?

ІV Жаңа сабаққа дайындық
1. Сабақ тақырыбын тақтаға жазу
2. Сабақ мақсатын түсіндіру

V. Жаңа тақырыпты түсіндіру:
Ертегілер ауыз әдебиетінің ең көне жанрына жатады, бұларда көбінесе өмірде сирек кездесетін немесе мүлде кездеспейтін, ойдан шығарылған оқиғалар баяндалады. Ол ауызша айтылып, ел есінде ғасырлар бойы сақталып, ұрпақтан – ұрпаққа ауысып біздің дәуірімізге жеткен. Әр кезеңде ертегі айтушылар өз жандарынан ертегі мазмұнына жаңа оқиғалар қосқан. Сөйтіп ол үнемі жаңарып, толықтырылып, жетілдіріліп отырған.
Халық ерте кезде - ақ әрқашан зұлымдықты әділеттік жеңеді, адам табиғаттың асау сырларын біліп, қолдана алатын болады деп сенген. Жақсы өмірді аңсаған қашықтарға тез жетуді, ғажап күшті болуды, көкке ұшуды, жер асатына түсіп, асыл қазынасын алып, пайдалануды армандаған. Соның бәрі ертегілерге арқау болған. Сондықтан да ертегілерде халық қиялы, арманы, даналығы ғасырлар бойы жинақталған өмір тәжірибесі бар. Ертегілердің үш түрі бар. Олар:
1. Хайуанаттар туралы ертегілер
2. Қиял – ғажайып ертегілер
3. Шыншыл ертегілер
Хайуанаттар туралы ертегідегі негізгі кейіпкерлер аң, құс, үй жануарлары болады. Алайда олар адамға тән қасиеттер иесі болып суреттеледі де, сол арқылы сұм, қиянатшыл, дөрекі, қу мінез құлықтар әшкереленеді, еңбексүйгіштікті, батылдықты, адалдықты сүйсіне әңгімелейді.
Ал қиял – ғажайып ертегілерде ер жүрек, батыр адамдардың басынан кешкен сан алуан ерлік оқиғалар баяндалады. Олар жеті басты дәумен, жалмауызбен, небір құбыжықтармен күрес үстінде бар асыл қасиеттерімен көрінеді. Олар көкке ұшады, жер астына түседі, теңіздерден өтеді, азабы мол ғажайып оқиғаларды ақыл, айла – тәсілін асырып, жеңіп отырады. Осы жолда оларға Желаяқ, Таусоғар, Саққұлақ, Самұрық құс, Қарлығаш сияқты ізгі ниетті жандар болысады, ақылды ат, алып құстар жәрдемдеседі.

VІ. Түсінік тексеру:
1. Ертегілерде нелер баяндалады?
2. Ертегілер бізге қалай жеткен?
3. Ертегілердің қанша түрі бар?
4. Хайуанаттар туралы ертегілер деген не?
5. Қиял – ғажайып ертегілер деген не?

VІІ. Жаңа сабақты бекіту:
1. Топпен жұмыс.
І топ
• Хайуанаттар туралы ертегілерден үзінді айту.
ІІ топ
• Қиял – ғажайып ертегілерден үзінді айту
ІІІ топ
• Шыншыл ертегілерден үзінді айту.

VІІІ. Сабақты қорыту:
1. Бағалау
2. Үй тапсырмасын беру.
1. Ертегілер туралы түсінік.
2. Қалаған ертегі оқып келу



Толық нұсқасын қарау