Эволюцияның дәлелдемелері

Шалқар қаласы,
№ 8 жалпы орта білім беретін мектеп
Биология және химия пәні мұғалімі
Сактапова Жайнагул Данбаевна

Биология 9 сынып
Тақырыбы: Эволюцияның дәлелдемелері.
Мақсаты: Оқушыларға эволюция туралы, тірі ағзалардың дамуын, будандастыру түрлері, әдістері, дәлелдемелері туралы мағлұмат беру және білімдерін қалыптастыру;
1) оқушылардың бойында эволюция оның әдістері, дәлелдемелері туралы түсінік қалыптастыру;
2) эволюцияның заңдылықтарын, дәлелдемелерін түсіндіру арқылы оқушылардың сыни тұрғыдан ойлау қабілетін дамыту, оқушылардың ғылымға деген қызығушылығын ояту арқылы ауызбіршілікке, білімді және дені сау ұрпақ болып өсуге тәрбиелеу.
3) Топ болып жұмыс жүргізу машықтарын жетілдіру, қосымша ақпаратты өз бетінше қабылдап сараптай білуге дағдыландыру;
Күтілетін нәтиже: - Оқушылар жаңа тақырыпты меңгере отырып, топта жұмыс жасайды, эволюцияның маңызын, эволюциялық дәлелдемелер туралы біледі.
- Белсенділігі төмен оқушылардың ынтасы артады, сыни тұрғыдан ойлау қабілеттері артады.
- Топ болып жұмыс жүргізу машықтарын жетілдіреді, тақырыпты өз бетінше меңгереді, сараптай білуге дағдыланады.

Кіріспе бөлімі 10 минут
1) Амандасу (оқушыларды жылы жүзбен қарсы алу, « Алақан жылуы» тренингі)
2) Топқа бөлу; Биология ғылымы туралы топқа бөлемін. Әр топтың аты жазылған.
1 топ: генетика 2 топ: ботаника
3топ: эволюция 3 топ: өзгергіштік
3) Үй тапсырмасын тексеру
«Миға шабуыл» әдісі бойынша оқушыларға сұрақтар қоямын. Дұрыс болса шапалақтау, бұрыс болса қолды шиыру;
1. Шванн, Шлейден өсімдік және жануар жасушаларын ашты. ия
2. Дарвин жер қыртысының түрлі шөгінді қабаттардан тұратынын дәлелденді. Жоқ. Лайель
3. Тірі табиғаттың тарихи даму жолдарын Ч. Дарвин құрастырды. Ия
4. Эволюция бірлігі - тіршілік үшін күрес. Жоқ. Түр
5. Эволюцияның элементарлық бірлігі - популяция - Ия
6. Дарвин 1864 ж Новель сыйлығына ие болды. Жоқ. Коплеев алтын медаль

4) Актуалдау: Әрбір тірі организмнің тарихи даму кезеңі болады. Міне, осыны зерттейтін ғылымды Эволюция ғылымы және оның дәлелдемелері
Сабақтың мақсатын оқушылар айқындайды. SMART

Жаңа сабақтың таныстырылымы 20 минут
4) Мағынаны ажырату.
Жаңа тақырыпты меңгерту.
«Ойлан - жұптас - бөліс» әдісі арқылы жаңа тақырыпты меңгерту.( кітап мәтіні және ұялы телефонды пайдаланып интернет ресурстарын қолдану арқылы тақырыпты ашу, постер құру.)
I топ тапсырмасы.
Морфологиялық дәлелдеме
( Салыстырмалы кесте)
II топ тапсырмасы.
Эмбриологиялық дәлелдеме (тірек сызба)
III топ тапсырмасы: Палеонтологиялық дәлелдеме (семантикалық кесте) Қазіргі, ертедегі жануарларды салыстыру;
IY топ: Биогеографиялық дәлелдеме ( ментальді карта)
Критериалды бағалау бойынша бір - бірін бағалайды.

Толық нұсқасын жүктеу