Алгебралық өрнектерді қайталау

Алматы облысы, Ақсу ауданы,
Қызылағаш ауылы, І. Жансүгіров атындағы орта мектебінің
математика пәнінің мұғалімі Жауынбаева Назира Тоқтасыновна

Сабақтың тақырыбы: Алгебралық өрнектерді қайталау (слайд)
Сабақтың мақсаты:
Білімділігі: Оқушылардың алгебралық өрнектер және оларды түрлендіруде қосындының көбейтуге қатысты терімділік қасиеттері мен ортақ көбейткішті жақша сыртына шығару тепе - теңдіктерін тиімді пайдалануға машықтандыру;
Дамытушылығы: Осы тақырып бойынша білімдерін өмірде, әртүрлі жағдайларда қолдана білуге дағдыландыру, логикалық ойлау қабілеттерін дамыту;
Тәрбиелігі: Оқушыларды ұйымшылдыққа, сыйластыққа тәрбиелеу.
Сабақтың типі: қайталау
Сабақта қолданылатын әдіс - тәсілдер: топпен және жеке, ойын арқылы оқыту.
Сабақтың көрнекілігі: Интерактивті тақта, слайдтар, банктердің белгілері, 1000, 5000, 10000 ақшалар бейнесі, фишкалар.

Сабақтың барысы:
І. Ұйымдастыру кезеңі. Оқушыларды түгендеу, сынып тазалығын тексеру, қағаз қиындылары арқылы екі топқа бөлу, оқушылардың көңіл - күйлерін анықтау (олар өздерінің көңіл - күйлерін қағазға түсіреді, бір - біріне көрсетеді).
Оқушылар: Біз бір - бірімізге қуаныш сыйлаймыз.
Біз қонақтарға қуаныш сыйлаймыз,
Біз сізге қуаныш сыйлаймыз.

ІІ. Үй тапсырмасын тексеру (ауызша)
Мұғалім бір оқушының жұмысын тексеріп, қателерін түзетеді. Дәптері тексерілген оқушы дұрыс жауабын дауыстап оқиды, ал қалған оқушылар өз жұмыстарын тексереді.

ІІІ. Теориялық білімдерін тексеру
а) «Қарлы кесек» ойыны (мұғалім оқушыға допты лақтырып сұрақ қояды, оқушы оны қағып алып жауап береді, сосын допты мұғалімге қайтарады, осылайша іс - әрекет қайталана береді)
1. Таңбалары әртүрлі сандарды қалай қосамыз?
2. Теріс сандарды қалай қосамыз?
3. Ұқсас қосылғыштар дегеніміз не?
4. Қосындының көбейтуге қатысты үлестірімділік қасиетін тұжырымдап бер.
5. Ұқсас қосылғыштарды қалай біріктіреміз?
ә) «Кәне жылдам ойлаңдар, сөздерден сөйлем құрандар» (оқушылар сөздерден сөйлем құрастырады)
1 - топ. Жақшаның алдында «+» таңбасы болса, жақшаны ашқанда жақша ішіндегі қосылғыштардың өз таңбалары сақталады.
2 - топ. Жақшаның алдында «-» таңбасы болса, жақшаны ашқанда жақша ішіндегі қосылғыштардың таңбалары қарама - қарсы таңбамен алмастырылады.

ІV. Ауызша тапсырмалар.
а) Тез шығарып есепті, зерек болып өсейік
1 - топ.
1) - 4+7, 1; 2) - 4+0, 5; 3) - 4+7, 25; 4)- 4+9; 5)- 4+2, 5; 6)- 4+72, 1
2 - топ.
2) - 9+15; 2) - 9+10, 25; 3) - 9+0, 2; 4)- 9+11; 5)- 9+3, 5; 6)- 9+7, 2
ә) Тепе - теңдікті сақтайық, жақшаны тез ашайық
1) - 3(а - 2b);
2) - 4(7 - 2b)

V. Практикалық білімдерін тексеру.
а) Ұқсас мүшелердің астын сызып, біріктіріңдер
2аb+3a - 5ab
7c - 3cd - 5dc
ә) Қандай өрнек тығылды? Қане тауып көрейік.
6x - …- 13x=- 7x - 9
6x -…- 13x+1 - 4x=…- 8

VІ. Банк ойынын пайдаланып есептер шығару. Банк - қаржы мекемесі онда барлық халық, барлық мекемелер, кәсіпорындар қаражаттарын жинайды және несие береді. Оқушыларды екі топқа бөлеміз. Әр топқа банк атауы беріледі. 1 - топ. Халық банк, 2 - топ БТА банкі. 2 топтың президентін сайлаймыз. Қалған оқушылар салымшылар. Әр банктің тапсырмалары 1 мыңдық, 5 мыңдық, 10 мыңдық бейнеленген ақшалы карточкаларға жазылады.
1 мыңдық бейнеленген ақшада оқушының міндетті деңгейіне байланысты, яғни жеңіл тапсырмалар беріледі.
5 мыңдық бейнесінде сәл күрделі тапсырмалар.
10 мыңдық бейнесінде қиындығы жоғары тапсырмалар беріледі.
2 топтағы әр оқушылар өз деңгейіне байланысты өзі шығарған есеп теңгелерді өз банкісіне салып отырады. Қай банк қаржысының өсімі көп болса, сол банк жеңіске жетеді.
1 мыңдық №801; 5 мыңдық №809; 10 мыңдық №818

VІІ. Математикалық диктант
1) - 4с*3d; 2)- 0, 2a*(- 3b); 3).

VІІI. «Мұны біліп жүрейік, зейнімізге түйейік!»
(Бұл тапсырма өмірге байланысты болады) Бұл тапсырманы оқушылар топпен біріге отырып орындайды.
Мысал. Көп қабатты үйдің бір қабырғасы кескінделген. Үйдің берілген қабырғасының ұзындығы n м, биіктігі m м. Қабырғада биіктігі х м ені у м бір есік және қабырғасы а м он алты квадрат терезелері берілген. Суретті салып, қабырғаның боялған бөлігінің ауданын табыңдар.

ІХ. Қорытындылау.
Балалар бүгінгі сабақта нені үйрендіңдер?
Алгебралық өрнектердің өмірде пайдалануға болады ма? Мысал келтіріңдер.
Х. Оқушылар білімін бағалау. Сабақтағы әрбір дұрыс орындалған тапсырмалары үшін фишкалар беріліп отырады және әр топтың алдында бағалау қағаздары бойынша оқушылар өздерін бағалайды.
ХІ. Үйге тапсырма беру.