Көрсеткіштік теңдеулер және олардың жүйелері (есеп шығарту)

Сабақтың тақырыбы: Көрсеткіштік теңдеулер және олардың жүйелері (есеп шығарту)
Сабақтың мақсаты: Білімділігі: Оқушыларға көрсеткіштік теңдеу, теңдеулер жүйесіне берілген есептерді шығартып үйрету.
Дамытушылығы: Оқушылардың тез ойлау қабілеттерін арттыру,теориялық білімін практикада қолдана білу дағдысын, есеп шығаруда өзін - өзі бақылау дағдысын қалыптастыру.
Тәрбиелігі: Пәнге қызығушылығын, шапшаңдыққа, бірлесіп жұмыс істеуге, сыйластыққа, жауапкершілікке, ұйымшылдыққа тәрбиелеу.
Сабақтың типі: Практикалық сабақ.
Сабақтың көрнекілігі: Интерактивті тақта, тест тапсырмалары, деңгейлік
тапсырмалар, карточкалар, оқулық, «Сиқырлы сурет», компьютер

I. Ұйымдастыру бөлімі.
А) Бүгін бізде ерекше сабақ, бүгін сабақта көрсеткіштік теңдеулер мен олардың жүйелерін шешуге есептер шығарамыз, ол үшін 3 топ бойынша жұмыс істейміз. Топ мүшелерін топ басшысы бағалап отырады.

II. Үй тапсырмасын тексеру.
- Үйге қандай тапсырма берілді?
-№198, §13 - оқу, тапсырып жүрген тестте кездескен көрсеткіштік теңдеулердің есептерін тауып, шығарып келу.
- 198 есепті слайд бойынша жауабын көрсетіп, екі бала бірінің есебін бірі тексеріп, баға қояды.
- Енді теория жайында әр топ бір - бірімізге сұрақтар қоямыз. Қай топ дұрыс сұрақ қойды, қай топ дұрыс жауап берді бәрі бағаланады. Сол бойынша топты бағалаймыз.
1. Көрсеткіштік функция дегеніміз не?
2. Көрсеткіштік функцияның анықталу облысы
3. Көрсеткіштік функцияның мәндерінің облысы
4. Көрсеткіштік функция графигінің орналасуы.
5. Көрсеткіштік теңдеу дегеніміз не?
6. Көрсеткіштік теңдеулерді шешу тәсілдері.
7. Шешу тәсілдерінің алгоритмі

Белгісіз шама дәреженің көрсеткішінде болып келетін теңдеулерді көрсеткіштік теңдеулер деп атайды. ax=b ( a>0, a≠1)
Егер b>0 болса, теңдеудің жалғыз ғана түбірі бар болады.
Егер b≤0 болса, теңдеудің түбірі жоқ болады.

- Шешу тәсілдері (3 оқушыдан сұраймын)
- 3 оқушыны карточкамен тақтаға шығарамын.
1 - карточка
Бірдей негізге келтіріп есепті шеш:
32х+1=92х
2 - карточка
Жаңа айнымалы енгізу тәсілімен шеш
2*22х - 3*2х - 2=0
3 - карточка
Графиктік тәсілмен шеш:
2x=6 - x
Бірдей негізге келтіру
Жаңа айнымалы енгізу
Графиктік

ІІІ. Қорытындылау.
Сонымен көрсеткіштік теңдеулерді қалай шығарамыз?

IV. Есеп шығарту
1) «Сәйкестікті тап» ойыны (өткен сыныпта өткен білімдерін еске түсіру, нашар оқушылар орындайды)