Қос жұлдызды майдангер

Алматы облысы, Райымбек ауданы, Саты ауылы
Айтжан Түркебаев атындағы орта мектеп мұғалімі

Қос жұлдызды майдангер
Сұраншиева Мейзамхан
Биыл 2015 жылы Ұлы Отан соғысының 75 жылдығы. Бұл тек айтуға ғана оңай екенін барлығымызға аян.. Қазақстанның жастары осы Ұлы Жеңістің 70 жылдығы қарсаңында қарт жауынгерлер туралы естеліктерді оқып, таныдық. Жастарды отаншылдыққа тәрбиелеуіміз қажет, осы мақсатты біршама іс - шаралар Айтжан Түркебаев атындағы орта мектепте де басталып кеткеніне біршама уақыт өтті. Әр сынып өздеріне берілген ардагерлердің өткен өмір жолдарын қастерлеп, дәріптеумен қатар әр түрлі кинолардан үзінділер көріп отырды. Қазақстанның мыңдаған жауынгерлер Ұлы Отан соғысына қатысып, Отан алдындағы борыштарын өтеді. Біздің мектебіміздің төрінде тұрған бұл тақтадағы Ұлы Отан соғысының ардагерлері үшін арнайы бұрыш ұйымдастырылған.

Баршаға мәлім, Ұлы Отан соғысы Ұлы Жеңіспен аяқталып, соғыстан соң елге аман сау, кейбірі мүгедек болып та оралды. Соғыстан оралған жауынгерлер өз елін - жерін, ата - мекендеріне қуанышпен қайтып келді. Аман – сау оралған майдангерлер ауыл шаруашылық жұмыстарына белсене араласып кетті. Біздің ауыл көрікті құт мекен Жетісудың төрінде орын алған « Көлсай» мағындағы Саты ауылынан да Ұлы Отан соғысына көптеген азаматтар аттанып елге Жеңіспен оралғандарының арасында Қос «Қызыл жұлдыз» иегері Назаров Рысбай атамыз туралы сыр шертуді өзіміздің борышымыз деп білеміз. Назаров Рысбай Саты ауылында 1910 жылы дүниеге келген.
Рысбай атамыз жастайынан еңбекқор, ақкөңілдігінің арқасында жұмысқа ерте араласады. Колхоздың әртүрлі жұмыстарына араласады. 1941 жылы не бары 21 жасында өз борышын өтеу үшін соғысқа аттанады. Беларусия, Украина жерлерінде барлау ротасында қызмет етеді. Чехославакия, Югаславия тағы көптеген социалистік жолдағы мемлекеттерді жау қолынан азат етуге қатысады. Жау тылынан көптеген тілдер әкеліп, құпия ақпараттар алғызып, көптеген алғыс хаттар алды. Сонымен қатар соғыста көрсеткен ерліктері үшін бірнеше ордендер мен марапатталған.
1. Отан Соғысы Қызыл жұлдыз орденімен екі рет марапатталған.
2. Екінші дәрежелі даңқ орденінің иегері.
3. Отан Соғысы жеңісінің 10, 20, 30, 40 жылдық мерекелік медальдармен марапатталған.
1946 жылы Ұлы Отан Соғысынан ауылға жеңіспен оралады. Соғыстан кейінгі өмірінде жатпай – тұрмай колхоздың шаруашылық жұмыстарына белсене араласады. Колхоз председательі қызметін атқарады. 1950 - 60 жылдарда бригадир, завсклад, председательге көмекші жұмыстарын атқарады. Ауыл – шаруашылық, астық өнімдерін өндіруде қырманда басшылық қызметін абыроймен атқарады. Сол қызметтерінің арқасында облыс, аудан тарапынан ордень – медальдармен марапатталады.

Рысбай Назаров 1990 жылы 80 - нен асқан шағында, май айында дүниеден өтеді. Атамыздың артында қалған ұрпақтары осы ауылда өсіп өнуде. Бабаларымыздың зор еңбектерімен, ерліктері болашақ ұрпаққа үлгі өнеге болып, оқушылардың есінде мәңгі қалады. Қазақстан халқы өз тәуелсіздігімізді, егемендігімізді алғаннан кейін жас ұрпақты сапалы білім мен саналы тәрбие беру мақсатында жұмыс жасап жүрген ұстаздарда қаншама.