Татулық - бірлік бастауы

Тақырыбы: Татулық - бірлік бастауы
Құндылық: сүйіспеншілік
Қасиеттер: қанағатшылдық, адамгершілік, жақсы көре білу, түсінісе білу, кішіпейілділік, әдептілік.
Сынып: 9
Сабақтың мақсаты:
Оқушылардың татулық, бірлік, ынтымақ туралы түсініктерін кеңейту..
Міндеттері:
• - татулық, бірліктің адами қарым - қатынастағы мәнін ашу;
• - адамдармен сыйластықты, жарасты қарым - қатынас жасау іскерліктерін дамыту;,
• - бірлікке, ынтымаққа тәрбиелеу
Ресурстар: нақыл сөздер, бейне фильм, үнтаспа

Сабақтың барысы:
1. Ұйымдастыру кезеңі
Тыныштық сәті. Нұрға бөлену. Сабақ барысын талдау:
2. Үй тапсырмасын тексеру
♦ Адамдармен тіл табысудың қандай жолдарын білесіз?
♦ Адамдармен ренжіскен кезде қандай күйде боласыз?
♦ Адамдар арасындағы жарастықты, сыйластықты, тыныштықты сақтауға не ықпал етеді?
♦ Кез келген мәселені сабырмен шеше аласыз ба?
♦ «Татулық - достық кілті» дегенді қалай түсінесіз?

3. Дәйексөз.
Дәйексөз
«Алтау ала болса
Ауыздағы кетеді
Төртеу түгел болса
Төбедегі келеді»- деген халық мақалын қалай түсінесіздер

4. Әңгімелеу «Құстар торға қалай түседі»
Аңыздан қандай ой түйдіңіз?
Адамдар неліктен бір - бірімен ренжіседі?
Сұхбаттасқан адамның жан дүниесін тануға деген құлшыныс, оның ой сезіміне деген құлықтылық, әсіресе сырласының жүрек түкпіріндегі мұң - сырға ортақтасуға бейім тұру - әрбір қазақтың қарапайым қарым - қатынасынан бастап барша болмысына дейін айқын көрініс тауып отырады.
Сонымен бірге, тек өзімдікі дұрыс деп өндіршектейтін бірмойын да емес, өзгенің талғам - танымы көңілге қонбай жатса да, түсіністікпен қарауға бейім. Өзгенің дүниетанымы, құндылықтарды тануын сергек сезімталдықпен түсіну қазақ болмысының ең бір аяулы қасиеті. Мұның өзі, қазіргідей қарқынды өмір ахуалына бейімделе білудің қажеттілігі туындап отырған заманда айрықша мәнді.