"Көңілді тапқырлар" сайысы

"Көңілді тапқырлар" сайысы (презентациясымен)

1. “Бәйге” ( сұрақ - жауап)
2. “Көкпар”
3.”Қай ғалым?”
4.”Ойымды жалғастыр” (мақал - мәтелдердің жалғасын табу)
5.”Физикалық жұмбақтар”

Шарттары:
1. “Бәйге” ( сұрақ - жауап)
2. “Көкпар”
3.”Қай ғалым?”
4.”Ойымды жалғастыр” (мақал - мәтелдердің жалғасын табу)
5.”Физикалық жұмбақтар”
1. “Бәйге” (сұрақ - жауап) сайысы
“Молекула” тобына арналған сұрақтар
1. Молекулалардың ретсіз қозғалысы (Жылулық қозғалыс )
2. Бір зат молекулаларының басқа бір зат молекулаларының аралығына ену құбылысы
(Диффузия)
3. Дененің температурасын өлшейтін құрал (Термометр )
4. Табиғаттағы ең төменгі шектік температура (- 273, 15°С )
5. Сұйықтың немесе газдың ағысы арқылы энергияның тасымалдануы барысында жылу алмасу процесі (Конвекция )
6. Жылу мөлшерінің өлшем бірлігі (Джоуль(Дж) )
7. Отын толық жанғанда бөлінетін жылу мөлшерін есептеу үшін қолданылатын формула (Q=qm )
8. Заттың агрегаттық күйлері (Қатты, сұйық, газ )
9. Сұйықтың буға айналу құбылысы (Булану )
10. Сұйықтың бетінде жүретін булану (Кебу )

“Атом” тобына арналған сұрақтар
1. Механиканың қозғалыстарды сипаттайтын шамалар арасындағы байланысты қарастыратын бөлімі (Кинематика)
2. Материяның негізгі қасиеттерінің бірі (Қозғалыс )
3. Өзінің сандық мәнімен қоса кеңістіктегі бағытымен де сипатталатын шамалар (Векторлық шамалар )
4. Кеңістікте белгілі бір бағыты болмайтын, тек сандық мәнімен ғана сипатталатын шамалар (Скалярлық шамалар )
5. Жылдамдықтың өзгеру шапшаңдығын сипаттайтын шама (Үдеу )
6. Еркін түсу үдеуі нешеге тең? (g=9. 8м/с2 )
7. Периодқа кері шама (Жиілік )
8. Нүктенің шеңбер бойымен бір айналым жасауға кеткен уақыты (Айналу периоды )
9. Денелердің Жерге тартылу күші (Ауырлық күші )
10. Күшті өлшейтін физикалық прибор (Динамометр )

2."Көкпар" сайысы
Физика....

3. Бұл қай ғалым?
1. Француз физигі. Электромагниттік құбылыстар арасындағы байланыстар туралы теорияны жасады
(Ампер Андре Мари (1775 - 1836))
2. А) ғылыми еңбектері механикаға, оптикаға, астрономияға, математикаға арналған
Б) механиканың 3 заңын ашқан
С) бүкіл әлемдік тартылыс заңын ашқан (Ньютон)
3. Итальян физигі Электр кернеуін тапқан химиялық реакциялар арқылы электр тогын алған. (Алессандро Джузеппе Антонио Анастасио Вольта)
4. А) дәлелденген формуласы бар
Б) математик, астроном
С) өзінің табысына шаттанып қуанғанда “Таптым! Таптым!” деп айқайлаған (Архимед )
5. А) ІV - ғасырда өмір сүрген
Б) Александр Македонскийдің шәкірті
С) философия, астрономия, механика, оптика, ғылымына еңбегі сіңген (Аристотель )
6. Неміс физигі. Барлық тұрақты ток электротехникасының негізгі заңдарын ашқан
(Георг Симон Ом (1787 - 1854))

4.“Ойымды жалғастыр” мақал - мәтелдердің жалғасын табу

1. Білекті бірді жығар....
Білімді мыңды жығар
2. Бір елі ауызға...
Екі елі қақпақ
3. Жүз сомың болғанша...
Жүз досың болсын
4. Отыз тістен шыққан сөз....
Отыз рулы елге тарайды
5. Бір кісі қазған құдықтан...
Мың кісі су ішеді
6. Жеті жұрттың тілін біл...
Жеті түрлі білім іл
7. Екі жақсы қас болмас...
Екі жаман дос болмас
8. Білгенің бір тоғыз...
Білмегенің тоқсан тоғыз

5. Физикалық жұмбақтар
1. Өзі затты құрайды,
Теңесуге таразыны сұрайды (Масса )
2. Тіршіліктің қамы үшін,
Жоқшылықты түзейді,
Егер іскер жан үшін,
Жоқшылықты тежейді (Жұмыс)
3. Жоғалмайды ешқашан,
Түрлендірсең егерде,
Басқа күйге ауысса,
Жұмыс істейді, әрқашан (Энергия)
4. Қозғалысқа келтіріп,
Жылдамдығын береді,
Өлшемдерін қарасаң,
Ньютонға ол келеді. (Күш)
5. Пайдаланады мені жұрт,
Отын және жарыққа,
Қызмет етем әрқашан,
Түсіне білген халыққа (Ток көзі)
6. Бойындағы зарядты,
Ұзақ уақыт сақтайды
Реленің күшінен
Бүлдірместен баптайды. (Аккумулятор)
7. Жоғалмайды ешқашан,
Түрлендірсең егер де.
Басқа күйге ауысса,
Жұмыс істейді әрқашан (Энергия )
8. Аса қажет өмірге халық үшін,
Пайдаланады күн сайын жарық үшін (Шам )

Зейін қойып тыңдағандарыңызға рахмет!