Интеллектуалдық олимпиада

Интеллектуалдық олимпиада
Мақсаты: Оқушылардың білімдерін шыңдай түсу. Мұқағали Мақатаевтың өлеңдеріне қызығушылығын ояту.
Көрнекіліктері: сөздер, ұпайлар, суреттер, шарлар, гүлдер.

Сабақ барысы:
1. Ұйымдастыру: а/ойынға қатысушылармен танысу.
б/ойын ережесімен таныстыру.
2. Негізгі бөлім: Ережесі. Ойын төрт айналымнан тұрады. Әр айналымның өз тапсырмалары, өз ұпайлары болады.
1 - айналым. Екі топқа бірдей 12 сұрақ оқылады, ол сұрақтарға « иә», «жоқ» жауап береді. Әр дұрыс жауапқа 10 ұпайдан беріледі.
Сұрақтары: 1. «Мұқағали» журналының бас редакторы Батық Мәжитұлы екені рас па? Иә.
2. Мұқағали Мақатаевтың шығармашылық жолындағы ұстазы Сағат Әшімбаев екені рас па? Жоқ.
3. Мұқағали Мақатаевтың анасы Нағиман екені рас па? Иә.
4. «Аққулар ұйықтағанда» поэмасы 1975 жылы жарық көргені рас па? Жоқ 1974 жылы жарық көрді.
5. Мұқағали Мақатаев пір тұтқан ақын Абай Құнанбаев екені рас па? Жоқ. Төлеген Айбергенов.
6. Мұқағали Мақатаевпен дос болған ақын қыз Фариза Оңғарсынова екені рас па? Иә.
7. Мұқағали Мақатаевтың аяқталмай қалған поэмасы «Мавр» екені рас па? Жоқ. «Қашқын»
8. Қарасаздағы Мұқағали мұражайының алғашқы директоры Әбдіке Асанов екені рас па? Иә.
9. «Күпі киген қазақтың қара өлеңін,
Шекпен жауып өзіңе қайтарамын».- деген ақын Еркін Ібітанов екені рас па? Жоқ М. Мақатаев
10. Мұқағалидың 14 поэмасы бар екені рас па?
11. Мұқағали Мақатаевпен бірге өскен досы Еркін Ібітанов екені рас па? Иә.
12. Мұқағали Мақатаевқа алтын қалам силаған Сәбит Мұқанов екені рас па? Жоқ. Ғабит Мүсірепов.

2 - айналым. «Ұяшық таңдау».
1 - топ. Сұрақты таңдайды, 300 ұпай тігіледі. Сұраққа дұрыс жауап берсе 300 ұпай алады, егер дұрыс жауап бермесе, жауап беру келесі топқа көшеді. Ол топқа дұрыс жауап бермесе1 - ші көмек оқылып, 100ұпай шегеріледі. Ойын одан әрі жалғасады. Жауабын білген топ жауап береді.
1 - сұрақ. Мұқағали Мақатаевтың «Райымбек, Райымбек!» поэмасындағы. Райымбек батыр мүсінін сомдаған шебер?/Құрақбаев/
1 - көмек. Мүсін Сарыжаз өңірінде орналасқан.
2. Мұқағалиды да сомдаған мүсінші.
2 - сұрақ. Мұқағали жырлары хақында сериялы портреттер көрмесін ашқан суретші.
/Алмас Сырғабаев/
1 - көмек. Қазір Нарынқол ауылының бір мектебінде сурет - сызу пәнінің мұғалімі.
2 - көмек. «Ұлан» газетінде жұмыс істеген.
3 - сұрақ. Мұқағали үлгі тұтқан ақын./Абай/
1 - көмек. Семей өңірінде дүниеге келген.
2 - көмек. Ғ. Мұқанов аударма жасаған.
4 - сұрақ. Мұқағалиды Хантәңіріне балаған ақын./Еркін Ібітанов/
1 - көмек. Нарынқол тұрғыны.
2 - көмек. Қарасаз түлегі.

3 - айналым. Бұл айналымда пәндер бойынша жауап береді.
Қазақ әдебиеті.
30 -«Менің атым Қожа» повесінің авторы кім? /Б. Соқпақбаев/
40 -«Кәрі қыран» өлеңінің авторы. /Қ. Мырзалиев/
50 -«Мұхтар Әуезовке мемлекеттік сыйлық не үшін берілді?/Абай жолы эпопеясын жазғаны үшін./
Физика.
30 - Күштен екі есе ұтыс береді./Жылжымалы блок./
40 - Қазақ ең алғашқы ғарышкері./Т. Әубәкіров./
50 - Ауасыз кеңістік./вакуум./
Географиясы.
30 - Оңтүстік Америка материгін ашқан ғалым кім?/А. Веспучи/
40 - Температуралары бірдей жерлерді қосатын қисық сызық./изотерма/.
50 - Дүние жүзіндегі ең кең бұғаз./Дрейк/.
Мұқағали.
30 - Ақынның тұңғыш өлеңдері қай жылы қандай басылымда жарық көрді./Советтік Шекара газетінде/
40 - Мұқағали Мақатаев атындағы сыйлықтың лауреаттары кімдер./Ж. Ерманов, Е. Асқаров, Н. Айтұлы./
50 -«Халықаралық М. Мақатаев хоры», қай жылы құрылды, президенті кім?/Бақытгүл Айдарова Мұқағали келіні/
4 - айналым. Әр түрлі тапсырмалар беріледі. Екі топ ұпай тігіп жауабын параққа жазып көрсетеді.
Егер екі топ та дұрыс жауап берсе тіккен ұпайлары қосылады.
3. Қорытындылау. а/Әділқазыларға сөз береміз.