Қош бол, ұстаз, алтын ұя мектебім

Тақырыбы: «Қош бол, ұстаз, алтын ұя мектебім»

Еліміздің бүгіні, ертеңі – болашақ жас ұрпақтың қолында, ал жас ұрпақтың тағдыры – ұстаздардың қолында (Н. Ә. Назарбаев)
Өтетін орны: Мектептің алаңы
Шақырылған қонақтар:
1. Қырбалтабай селолық округінің әкімі – А. С. Темешев
2. Ардагер ұстаздар
3. Қырбалтабай ауылының кәсіпкерлері
Безендіруі: Жалаушалар, шарлар, лозунгтар, гүлдер

Жүргізушілер: Директордың тәрбие ісі жөніндегі орынбасары: С. Ускенбаева және ағылшын тілі пәнінің мұғалімі Г. Қапалбаева

1 - Жүргізуші
Армысыздар құрметті қонақтар! Ұлағатты ұстаздар, ардақты ата - аналар және мектеп бітіруші түлектер! Бүгінгі «Қош бол, ұстаз, алтын ұя мектебім» атты аттестат алу кешіне қош келдіңіздер!

2 - Жүргізуші
2015 - 2016 оқу жылында 18 шәкіртіміз білім нәрімен сусындап алтын ұя мектебімен қоштасқалы тұр.

1 - Жүргізуші
Бүгінгі күн - мектеп тарихында, мектеп бітіруші түлектердің есінде мәңгі өшпейтін күн. Биылғы оқу жылының қорытындысы бойынша Ұлттық бірыңғай тестілеуден оқушыларымыз үмітімізді ақтап 75, 5 орташа балмен мектеп, ұстаз, және ата - ана мерейін үстем қылды.

2 - Жүргізуші
Бүгін қандай шаттық толы кеш еді,
Көңіл шіркін, тасып - толып өседі.
Ұл кешегі жігіт болып қалыпты ау,
Бойжетіпті бантиктегі қыз кешегі.
Жүздеріңнен көрем шаттық арайын,
Болсын солай әрбір күнің, әр айың.
Тойларыңыз құтты болсын ата - ана,
Тойларыңыз құтты болсын ағайын.

1 - Жүргізуші
Ұшқалы тұр ұядан қанат жайып,
Дүрсілдеген жүректері әр сәт сайын.
18 арман қуған балапаның,
Қабыл алғай өмір бізді құшақ жайып.
Алғашқы ұстазымен қол ұстасып,
Жетекшімен қимай - қимай қоштасып,
Келеді бітіруші түлектерің,
Ақ бантигі өздеріне жарасып.- дей келе ортаға мектеп бітіруші түлектерді шақырамыз.

2 - Жүргізуші:
Сынып жетекшісі Кистауова Зауре Алиевна
(мектеп бітіруші түлектер салтанатты түрде сынып жетекшілермен музыка әуенімен ортаға шығады, қойылған орындықтарға барып отырады)

Спортты жаны сүйеді
Салауатты өмір сүреді
Бар қоғамдық жұмыстың
Ортасында жүреді
Сайлау сыныптың жүрегі.

Ойы ұшқыр Серікболсын
Математиканы сүйеді
Қиын есеп болса да
Лезде шешіп береді.

Сабырлы, жайсаң мінезі
Адалдықты сүйеді
Бәрі де бәрі сыйлайды
Сыныптас құрбы Камиланы

Ер жүректі Тимур бар,
Жүйрігіміз ол болар.
Компьютердің тілін біліп,
Бар жағынан танылған

Шежірелі тарихтың
Сырларына үңіліп
Оқиды мүлде бас алмай
Ақылды ұл Ниязбек

Бойында үлкен намыс бар
Әрқашан алға ұмтылған
Сегіз қырлы, бір сырлы
Намысшыл жігіт Еламан

Біздің сынып басшысы
Жазира болар қараңыз
Өткір де ер мінезіне
Бағынамыз бәріміз.

Кез - келген жерді картадан
Мүдірмей тауып береді
Өлкенің жер - су аттарын
Ербосын жақсы біледі.

Өзі сондай ұқыпты
Сыныпта ең көрікті
Қошеметтеп шақырайық
Мағжандай жігітті.

Қандай да болсын игі іс
Онсыз сірә бітпейді
Гүл жайнаған Арайды
Жауқазын гүлге теңейміз.

Биология пәніне
Қызығушылықпен қараған
Тіршіліктің парағын
Ай мен күнге балаған
Нәзік жан ғой бұл Шыңғыс

Биікке самғау мақсаты
Алғыр, зерек, талапты
Көркем шығарма оқудан
Алдына жан салмайтын
Қошеметтеп қанекей
Қарсы алайық Адиді

Тіл табысқан бәрімен
Ақжарқын жан өмірде
Жақсылықтың жаршысы
Ақкөңіл ғой Бауыржан.

Ортамыздың ажары
Айымдай ерке қыз
Әр қылығын көтеріп
Еркелете береміз.

Көпшіл, алғыр, әдепті
Ән айтуды еркін меңгерді
Қошемет көрсет халайық
Азамат жігіт келеді.

Биязы мінезіменен
Өзі осындай салмақты
Күлімдеген Ақеркені
Барлық досы қолдайды.

Жібектейін мінезі
Мектептің жарық жұлдызы
Олжас сондай дарынды
Нұрландырған ортаны

1 - Жүргізуші
- Қараңыздаршы, кешегi осы мектеп қабырғасын тарыдай ғана боп аттаған кiшкене бүлдiршiндер, мiне бүгiн бiр-бiр шоқ жұлдызшадай боп, өз алдарыңызда жарқырап тұр, ал егер бәрiн бiрге қоссақ - жарық жұлдызға айналады.
2 - Жүргізуші:
Бүгiнгi кеш - Сiздер үшiн қымбатты түлектер!
Бүгiнгi айтылар тiлек, орындалар ән мен күй, ыстық құрмет, дуылдата соғылған шапалақтар Сiздерге арналады.
1 - Жүргізуші
2016 жыл Қазақстан Республикасының 25 - жылдық мерейтойымен қатар келген қоштасу кеші биылғы түлектердің жүректерінде терең ұялары айдай анық.
Жаста болса әлемге танылып күннен күнге көркейіп өсіп келе жатқан еліміз сияқты сендер де кең байтақ Отанымыздың түкпір - түкпірінде ғана емес, алыс жақын шет елдерде де еліміздің атын тек қана жақсы баянды істеріңмен, терең білімдеріңмен шығара беріңдер.
Команда беріледі
Мектеп түзел! Тік тұр!