Оқушылардың сөздік қорларын дамытып, жүйелі сөйлеуге дағдыландыру

Тәуелсіз мемлекетіміздің ертеңі - ұрпақтың рухани байлығы мен мәдениетін, саналы ұлттық ойлау қаблеті мен біліміне, іскерлігіне байланысты. Осы орайда еліміздің білім беру жүйесінде әлемдік деңгейге жету үшін жасалынып жатқан талпыныстар оқытудың әр түрлі әдіс - тәсілдерін қолдана отырып, терең білімді, ізденімпаз, барлық іс - әрекеттерінде шығармашылық бағыт ұстанып, сол тұрғыда өз болмысын таныта алатын жеке тұлға тәрбиелеу ісіне ерекше мән берілуде.
Соның ішінде тіл дамыту мақсаты ең басты мәселе. Тіл дамыту мәселесі күрделі әрі ұзақ жүргізілетін процесс.

Психолог Н. И. Жанкин "Сөйлеу интеллектінің даму каналы. Тіл неғұрлым ерте меңгерілсе, білімде соғұрлым оңай және толық меңгеріледі"- дейді. Онан әрі ғалым оқушыларды ауызша сөйлеуге дағдыландыруды, тіпті баланың тілі шыққаннан бастап іске асыруға болатындығын айтады.
Кіші жастағы мектеп оқушыларының сөйлеу дағдысының қалыптасуы олардың қарапайым болса да алған білімдерін іс жүзінде пайдалануы деп түсінуі қажет.

Мысалы, ана тілін алатын болсақ оқушы тіпті буын, тіл дыбыстары, сөз, сөйлем, дыбыс, деген сөздердің өзін нақты ұға алмайды, сондықтан бұл сөздерді оларға білім беру арқылы түсіндіреміз. Содан кейін ғана бала алған білімін жаттығу барысында қайталайды да, ол санада сақталып, ауызша сөйлемдерді дұрыс құруға дағдылана бастайды.

Яғни, оқушылардың сөздік қорларын молайту, тіл қабілетін дамыту, жүйелі сөйлеуге дағдыландыру әрекеттерінің кірпіші бастауыш сыныптарда қалануы керек. Сондықтанда бастауыш сыныптарда тіл дамыту жұмыстарының алдына үлкен мақсат қойылады. Тіл дамыту жұмысын белгілі бір тақырыптарға негіздей отырып, мұғалім тілдік процестің төмендегідей басты мәселелерін үйретуді мақсат етуі қажет.