Білімділер поралы
загрузка...
загрузка...

Азаттық

Азаттық
Азаттық жайлы сен де ұқтың,
Әлемге ол даңқын жаяды.
Кешегі ол өткен ерліктің
Бүгінгі нүкте, баяны.

Өткеннен алған тағылым
Азаттық деген - бүгінің.
Сәбиге берер тәлімің,
Сәбиге берер білімің.

Көтерер ертең желкенін
Бүгінгі сәби, бала шақ.
Азаттық деген - ертеңің,
Азаттық деген - болашақ!

Тағылымды сөзімен ұрпағына ұлағат бере білген, ұлылықтың ауылына да ақ ордасын қондыра алған халықтың өз азаттығын, өз Тәуелсіздігін, еркіндігі мен егемендігін аңсаған күндері тарихтың еншісінде қалды. Әлем аясында өзін дербес ел ретінде айқындап, мойындатып, тәуелсіз ел ретінде өмір сүріп келе жатқанына да - 25 жыл.

Осы жылдардың ішінде бары мен жоғын түгендеген халықтың тамыры тереңге кеткен ұлы шежіресінің қайнарынан сусындаған тарихи санасы да қайта жаңғырықты. Оянған сананың көзімен қарады: азаттық дейтін қасиетті ұғымның тағдыры талай мәрте сынға түсіпті, қылыш жүзінде тұрыпты, нысанаға ілінген, көкірекке шер боп байланған, көз жасы боп төгілген. Бірақ бағзы бабалардан бастау алған азат рухтың туы біржола құламаған. Жалғасқан: ұжданды ұлдың ерлігімен, найза ұстаған білектің қуатымен, қастерлі халықтың киелі батасымен, өршіл өнерімен. Сынбаған. Біріне-бірі іштей үндесіп жататын қасиетті күрестер - соның куәсі.

Азаттық үшін болған үлкенді-кішілі ұлы күрестердің киесіз саналар бірі жоқ. Қан төгілген. Жанын құрбан еткен. Соның бәріне де Ұлы Дала куә.

Бүтін бір ұлт үшін бағзыдан арман болған, ұлы күрестерде ұлдары шәйіт болған халықтың ұлы мұраты Азаттық болып келді. Азаттық Ананың көзінен қуаныш жасы болып төгілді, қара көз қыздың жанарында қайсарлықтың рухы болып ойнады, бөбектің көкірегіне болашақтың гүлі болып егілді.

Жаңа ғасырдағы келешектің жолы салынды: киелі азаттықты тұғырлы ету мақсатында, тағылымды күрестердің иесі - халықты әлемге танытпақ үшін, өркенді ел болмаққа.

Ұлы мақсат жолына апара жатқан ұлы жолдағы халықтың тілегі - азаттықтың баяндылығы мен тыныштығы. Әлемге танылған өркенді елдердің тәжірибесінен үйренбек үшін, соны білімнің соқпағына ұл-қызын жетелеп апармақ үшін, қаласын да, даласын да құт мекенге айналдырмақ үшін бейбіт күннің жарық сәулесін тілек етеді.

Азаттық - 25 жыл. Ширек ғасырда атқарылған істердің тағы да бір сарапқа салынар тұсы, кеше мен бүгіннің, бүгін мен болашақтың Азаттық дейтін қасиетті іргетастың үстіне қаланған қабырғасының қайта бір толығар тұсы. Ұлы шайқастарда жанын берген боздақтар мен арыстардың аруақтарына мың тағзым!

Азаттық орнаған 25 жылдың ішінде бостан халықтың рухы күмбірлі күй болып шалқыды, жыр болып төгілді, сәулетті тұрмыс болып орнықты, балдырған жүректерге ән болып ұялады. Сандаған көңілден лебіз болып төгілді.

Болашақтың ұраны белгілі: тілі мен иманын жоғалтпаған ұлы халықты, ілімнің құндылығын санасына ұялатқан ірі халықты мәңгіліктің көшіне жеткізу.

Біріккен Ұлттар Ұйымының штаб-пәтерінде сандаған мемлекеттердің туының арасында Қазақ Елінің көк Туы да желбіреп тұр деседі.

Көнбестен бодандықтың тұсауына,
Айналған азаттықтың нышанына.
Танытқан өрлігің мен елдігіңді,
Сыйғызып тыныштықты құшағыңа.
Күллі әлем содан білер сені танып,
Баланған еркіндіктің мысалына.
Жиһанға еңсе тіктеп көз салғызған
Бұл - біздің көк туымыз желбіреген!

Келісім әр кез жанжал бастатпаған,
Әскері құрмет етіп қас қақпаған.
Барғанда өз ел басшың шет сапарға
Сол елдің аспанында асқақтаған.
Сені еркін мемлекет деп мойындатқан,
Жүзіңді төмендетіп, жасқантпаған.
Бүтін бір ел атынан сөйлеп тұрған
Бұл - біздің көк туымыз желбіреген!

Көк Туыңды желбіретіп, Әнұраныңды санаңа аңыз етіп сіңірген, кешегіңнен бүгініңе, бүгініңнен ертеңіңе апарар жолды жұмыр жердің бетін мекендеген өзге де халықтардың көз алдында айшықтатқан қасиетті Азаттықты қадір тұту - ұрпақтың еншісінде.

Азаттық қымбат - соны ұқтың,
Ортақ ол жасқа, кәріге.
Әлемде әрбір халықтың
Азаттық қымбат бәріне.

Авторы:
Ғабиден ҚОЖАХМЕТ,
Қызылорда қаласы
Материал рейтингісі:
  • 0
барлық дауыс бергендер: 0
Басқа жаңалықтарды оқу:
Ақпарат
Қонақтар,тобындағы қолданушылар пікірін білдіре алмайды.
Бәйге бөлімі
  • Мәтін, мәтіндік блоктарды құру

    Оқушыларды Macromedia Flash бағдарламасында мәтінмен жұмыс жасауды үйрету; Оқушыларды мәтінмен жұмыс жасау туралы білімдерін қалыптастыру
  • Мағжан Жұмабаев «Сүйемін» өлеңі

    Мағжан Жұмабаевтың өмірі мен шығармашылығы туралы жалпы мағлұмат алуға, танып - білуге қызықтыру, «Сүйемін» өлеңінің идеясы мен тақырыбын түсінуге және өлең құрылысын жан - жақты талдай білуге, сын ...
  • Қайталау. 400 - 406 - жаттығулар

    Оқушыларды қазақ халқының дәстүріне деген сүйіспеншілікке, сыйластыққа тәрбиелеу.
  • Қош келдің – әз Наурыз!

    Наурыз қазақтың ұлттық мейрам екенін ашып көрсету; балалардың санасына халқына деген мақтаныш сезім ұялату; мерекеге байланысты ұлағатты сөздердің мағынасына қарай балаларды адамгершілікке, елін, ...
  • Спортпен айналысамыз

    Берілген материалдың мағынасын түсінеді, сөздерді жіктейді, есімдіктерді, демеулік шылауларды атап, мысалдар келтіре алады.
  • Би музыкасы

    Қазақ халқының салт - дәстүріндегі бидің алатын орны, Шара Жиенқұлованың өмірімен және билерімен танысу. Оқушылардың музыка пәніне қызығушылығын дамыту, сүйіспеншілігін ояту арқылы әсемдікке ...
  • «Getting from A to B. Travel and transport» «А - дан Б - ге жету. Саяхат пен көлік

    - саяхат түрлері мен көліктерді сипаттай алады; - көліктің түрлерін ажыратып, олардың атқаратын қызметтерін атап береді.
  • Республиканың 1965 - 1985 жылдардағы қоғамдық - саяси өмірі

    Республиканың 1965 - 1985 жылдардағы қоғамдық - саяси өмірі жеке, жұптық, топтық жұмыс жасай отырып, өздігінен білім алады
Үздік жаңалықтар
Өз пікіріңді білдір
Қанша жалақы аласыз?
25000-35000
35000-45000
45000-55000
55000-75000
75000-100000
100000-250000
Сайтта кім бар
Барлығы: 30
Қолданушылар: 0
Қонақтар: 30
Роботтар: 2
Соңғы пікірлер
  • aiboll
    Жазған: aiboll
  • БГК
    Жазған: БГК
  • Венерок
    Жазған: Венерок
  • guizira1983
    Жазған: guizira1983
  • Кеулимжай
    Жазған: Кеулимжай
  • Арнұр
    Жазған: Арнұр
    Мына жаңалықта: Қимылды ойындар
  • ALTUH79
    Жазған: ALTUH79
  • Aiman Bolatbek
    Жазған: Aiman Bolatbek
  • Гүлнар Жолдасова
  • aiboll
    Жазған: aiboll
Ілмек сөздер
Сайт статистикасы
Яндекс.Метрика