Білімділер поралы
загрузка...

Жыл мезгілдері

Жыл мезгілдері
Білім беру саласы: Әлеуметтік орта
Ұйымдастырылған оқу іс - әрекеті: Қоршаған ортамен таныстыру
Білімділік міндеті: Жыл мезгілдері туралы ұғымдарын кеңейту; Жыл мезгілдерін бір - бірінен ажырата білу.
Дамытушылық міндеті: Балалардың ақыл - ойын, ойлау қабілеттерін, сөйлеу мәнерін, есте сақтау қабілетін сурет бойынша дамыту.
Тәрбиелік міндеті: Табиғат сұлулығын сезіне отырып, оны қорғауға, оған қамқор болуға тәрбиелеу. Қоршаған ортаға деген сүйіспеншілік сезімдерін ояту.
Көрнекіліктер: Табиғат жайлы суреттер.
Әдіс - тәсілдер: сөздік, көрнекілік, ойын, сұрақ – жауап.
Қостілділік компоненті: қыс - зима - winter, көктем - весна - spring, жаз - лето – summer, күз - осень - autumn;

Оқу іс - әрекет кезеңі
Педагогтың іс - әрекеті
Мотивациялық - қозғаушылық
Педагог алдымен келген қонақтармен амандасып алуын сұрайды.
Шаттық шеңбері:
Білгір қазақ баласы,
Сәлем сөздің анасы,
Қонаққа келіп отырған,
Апайларға қарашы.
Бәріңізге ізетпен,
Біздер сәлем береміз
Сәлеметсіздер ме апайлар!

Балалар қуана амандасады.

Ұйымдастырушылық - ізденістік
- Ендеше балалар өз орындарыңа барып отыра қойыңдар.
- Балалар бүгінгі көңіл күйлерің қандай?
- Онда балалар, біз сендермен «тамаша» ойынын ойнайық.
Ойынның шарты: Мен сендерге жақсы сөз айтқанда, сендер жақсы, тамаша деп жұдырықтарыңды түйіп бас бармақтарыңды көтеріп бір - біріне көрсетесіңдер. Келістік пе?
-«Балауса» балабақшасы қандай?
(Тамаша)
-«Күншуақ» тобының балалары қандай?
(Тамаша)
-«Қыс мезгілі қандай?» (Тамаша)
-«Қар жауған қандай?» (Тамаша)
-«Бүгін келген қонақтар қандай?» (Тамаша)
- Керемет балалар, енді айта қойыңдаршы. Жылдың неше мезгілі бар? (Төрт мезгілі)
- Дұрыс айтасыңдар. Қандай?
(Қыс, көктем, жаз, күз).
Тәрбиеші балалармен жыл мезгілдері бейнеленген сурет бойынша жұмыс жасайды.

Ғажайып сәт:
Осы сәтте қыстың әуені ойнап балаларға қонаққа Жыл мезгілдерінің ханшайымы келеді.
Ханшайым балалармен амандасады.
- Балалар, балабақшада «Жыл мезгілдері» туралы әңгімелесіп жатқандарын естіп әдейі келдім, жыл мезгілдері туралы суреттерімді ала келдім. Сендердің қаншалықты мені жақсы көріп ажырата алатындарыңды білгім келді.
- Кәне кім айтып береді екен мен туралы?
(Балалардың жауабы.)

- Балалар қараңдаршы, Жыл мезгілдерінің ханшайымы аппақ болып киініп алыпты, неліктен деп ойлайсыңдар?
(Өйткені қазір қыс мезгілі, сондықтан да ханшайым аппақ болып киініп алған.)
- Өте дұрыс айтасыңдар!
- Ал, балалар, ханшайымның әкелген суреттерін сөйлетеміз бе?
- Ханшайым, онда сен жақсылап жайғасып отыр, балалардың жыл мезгілдері туралы, оларды бір - бірінен
қалай ажырата алатындарын көріп, байқап отыр.
Сурет бойынша әңгіме бастамас бұрын тәрбиеші әр жыл мезгілдері жайлы жұмбақ жасырады.

Аяз қысып, өрнек сызып,
Терезеңді торлайды,
Бөбектерім айтыңдаршы
Бұл қай кезде болады? (Қыс мезгілінде.)

Күннің көзі күлімдеп
Жылғалардан су ақты,
Құстар көкте самғайды,
Бұл қай кезде болады? (Көктем мезгілінде)

Өрік, алма,
Жидек, жүзім,
Дүкендерге түседі.
Бөбектерім айтыңдаршы
Бұл қай кезде болады? (Жаз мезгілінде)

Астық пісіп,
Орақ түсіп,
Қырмандарға түседі,
Бөбектерім айтыңдаршы,
Бұл қай кезде болады? (Күз мезгілінде)

- Жақсы балалар сендер жыл мезгілін ажырата алады екенсіңдер.

Сергіту сәті:
Жаңбыр жауды тырс - тырс,
Боран соқты гу - гу,
Жел тұрды ыли - ыли,
Найзағай ойнады тарс - тұрс.

- Енді балалар ханшайымның тапсырмасына кірісейік.
Балалар өздеріне берілген жыл мезгілдері туралы суреттерге қарап әңгіме құрастырады.

Ханшайым:
- Балалар, сендерге көп рахмет, мен сендердің жыл мезгілдерін бір - бірінен ажырата алатындарыңа қуанып отырмын. Сурет бойынша да мен туралы әңгіме құрастыра алатындарыңа да көзім жетті. Мен осы суреттерді сендерге сыйлаймын, үнемі осы сияқты суреттермен әңгіме құрастырып, тілдеріңді жаттықтырып жүріңдер! Енді мен сендермен қуана қоштасамын. Келесі кездескенше сау бола қойыңдар.

Рефлекциялық - түзетушілік
- Балалар бүгінгі біздің сабағымыз ғажайып болды.
- Сендерге кім қонаққа келді?
(Жыл мезгілдерінің ханшайымы)
- Сендерге не сыйлады? (Әдемі суреттер)
- Бүгінгі сабақ ұнады ма? (Иә)
Тәрбиеші сабаққа жақсы қатысқандарға мақтаулар айтады.

Күтілетін нәтиже:
Біледі: Жыл мезгілдерінің ерекшеліктерін;
Игереді: суретке қарап, 2 - 3 сөйлем құрай білу дағдыларын;
Меңгереді: Сурет арқылы әр жыл мезгілдерін ажырата білуді;

Шығыс Қазақстан облысы, Катонқарағай ауданы,
Солоновка ауылы, «Балауса» балабақшасы
«Күншуақ» тобының тәрбиешісі
Мамиева Салтанат Кожаевна
Материал рейтингісі:
  • 0
барлық дауыс бергендер: 0
Басқа жаңалықтарды оқу:
Ақпарат
Қонақтар,тобындағы қолданушылар пікірін білдіре алмайды.
Бәйге бөлімі
  • Having fun. Abilities.

    To learn and practise Can/can't. To develop the pupil's habits of reading, speaking and writing, to support an interest to the English lesson.
  • Әртүрлі саладағы модельдер

    модель түрлерімен ажырата білуге, модель түрлерін анықтауға, модельдеудің қажеттілігін, оның пайдасын түсіндіру; оқушының шығармашылығын, ойлау қабілетін арттыру; еркін пікір білдіру мен өзара ...
  • Жұлдызды аспан

    Жұлдызды аспан – шоқжұлдыздар мен жұлдыздар олардың атаулары мен белгіленулері туралы ақпарат беру, айырмашылығын көрсету.
  • Зат есімнің септелуі

    Зат есімнің септелуі туралы түсінік беру. Септік жалғауларымен таныстырып, олардың сұрақтарын меңгерту. Оқушылардың топпен жұмыс істеу, ойлау, есте сақтау, зерделеу қабілеттерін дамыту.
  • Жұмбақ математика

    1 - ден 5 - ке дейін тура және кері санау, геометриялық пішіндерді ажырату; жұмбақ құрастыру, логикалық тапсырмаларды орындау арқылы балалардың тілін, ой – өрісін, ойлау қабілетін дамыту. ...
  • «Наурыз» С. Сейфуллин

    С. Сейфуллиның «Наурыз» өлеңді мәнерлеп оқиды. Сыни ойлауға үйренеді. Өлеңді жан - жақты талдайды. Жеке тұлға ретінде шығармашылыққа, іздемпаздылыққа баулу.
  • Ш. Мұртаза «Эльза – кішкентай періште»

    Жазушының өмірі мен шығармашылығынан мәлімет беру, үзіндіні толық талдау арқылы оқырманның рухани жан дүниесін байытудағы көркем шығарманың күш - қуатын таныту, идеялық мәнін ашу.
  • Презентацияларды құру. Безендіру шаблондары

    Презентацияны құру технологиясы туралы білімдерін қалыптастыру. Презентацияны жасауда өз шаблондарын құру технологиясын үйрену және оны практикада қолдана білу.
Үздік жаңалықтар
Өз пікіріңді білдір
Қанша жалақы аласыз?
25000-35000
35000-45000
45000-55000
55000-75000
75000-100000
100000-250000
Сайтта кім бар
Барлығы: 30
Қолданушылар: 0
Қонақтар: 30
Роботтар: 2
Соңғы пікірлер
Ілмек сөздер
Сайт статистикасы
Яндекс.Метрика