Бізбен байланыс
kum2017@yandex.ru
WhatsApp: +7 705 241 87 47

Қарым - қатынас жасап үйренейік

02 мам 2013, Бейсенбі
Категориясы: Өзін өзі тану
Тақырыбы: Қарым - қатынас жасап үйренейік
Қатысатындар: МАДС балалары

Мақсаты: МАДС балаларына зерттеу, жаттығу жұмыстарын жасату арқылы айналасындағы адамдармен жағымды қарым - қатынас жасауға, үлкендерді сыйлауға, кішіге құрмет көрсетуге тәрбиелеу
Әдісі: Ойындар, сұрақ - жауап, ой - пікір айту, т. б.
Тренинг барысы:
Ұйымдастыру кезеңі(Тренинг барысымен таныстыру)
1. Сәлемдесу
2. Танысу
3. «Шеңберді бұзып кір»ойыны
4. «Жақын және таныстар»ойыны
5. «Сақиналар» ойыны
6. Сергіту сәті
7. Рефлекция

І. Сәлемдесу.
Мақсаты: Балаларды біріктіріп, өзара сенім жағдайын құрады және амандасу, сәлемдесу жайлы түсінік беріледі.
Ойын барысы: Балалар шеңбер құрып тұрады. Амандық, сәлемдесу сөздерін әндетіп айтады.
Психолог: - Сәлеметсіздер ме, балалар?
- Сәлеметсіз бе, апай?
- Қайырлы таң, барлық жақсылық өзімізге (психолог та, балалар да қолдарын жоғары қаратып жайып, сонан соң көкіректеріне қояды.)

ІІ. Танысу.
Шеңбер бойымен тұрып, ойыншықты бір - біріне беру арқылы, үйдегі ата - аналары еркелетіп айтатын есімдері мен шын есімдерін айтып шығу қажет. Балалардың өздеріне қайсы есімдері ұнайтынын әңгімелесу арқылы біліп, сол есімдерін тренинг барысында қолдану.

ІІІ.«Шеңберді бұзып кір»ойыны
Мақсаты: Өзіне - өзі сенуге, жасқаншақтықты жеңе білуге, балалар ұжымына кіруге көмектесу.
Нұсқау: Балалармен қарым - қатынас жасауда қиындық көретін балаларды жеке алып қалады. Қалғандары бір - бірінің қолынан қатты ұстап, шеңбер жасап тұрады. Бала қатты жүгіріп келіп, шеңберді бұзып кіруі керек.

IV.«Жақын және таныстар»ойыны
Мақсаты: Балалар ойын арқылы аңғарымпаздыққа, бір - бірінің ерекшеліктеріне мән беруге үйренеді.
1. Ең ұзын және ең қысқа.
Бақылауды тексеріп тұратын екі бала қалғандарына арқасымен тұрады. Қалғандары бір түзудің бойына бой - бойларымен тұрады. Жүргізуші ана балаға мына, балаға кезек - кезек сұрақ қояды:
- Осы жерде ең бойы ұзын кім?
- Ең қысқасы кім?
- Рет - ретімен ең ұзынынан, ең қысқасына дейін атап беріңіздер. Содан кейін жаңадан жүргізушілер мен жаңа ойыншылар шығады.

2. Көздің және шаштың түсі
Жүргізуші қасындағы бақылаушыға ойыншылардың қайсысының көзінің және шашының түсі қандай екенін есіне түсіріп, айтып беруі керек.

3. Киімдері, костюмнің түстері, бөліктері
Мұнда мынадай сұрақтар қойылады:
- Ішімізде қайсымыздың сыртқы киіміміздің түймесі бар? Жұлдызшалар? Темірлері?
- Бүгінгі күн үшін кім қызыл, ақ, сары киімдерді таңдады?
- Ішімізде кімнің киімдерінің үлгілері бірдей? т. б.

V.«Сақиналар» ойыны
Ойыншылар дөңгеленіп отырады, байлаулы тұрған жіпті екі қолдарымен ұстайды. Жіптің ортасына сақина кіргізіледі.. Ойыншылар ол сақинаны кезек – кезек қолдарымен тығып отырады. Жаңадан келген жүргізуші сақина кімнің қолына жасырылғанын табуы қажет. Кімнің қолынан сақина табылса, сол жүргізуші болады. Ал сақинаны таба алмаса, ол өлең айтып береді.

VI. Сергіту сәті.
Мақсаты: МАДС балалары арасында музыка қойып, екі қатарға тұрғызып, кезек - кезек биге шақыртып, билетіп, жағымды эмоциялар қалыптастыру, көңіл - күйін көтеру.

VII. Рефлекция.(Тренинг сабақты қорыту)
- Балалар, сендерге бүгінгі сабағымыз ұнады ма? (Оқушылардың ойын тыңдау, ой бөлісуге үйрету)
19 499
0
  • 0
0 дауыс
Загрузка...
Оқи отырыңыз
Қарым - қатынас тренинг - ойындар
Қарым - қатынас тренинг - ойындар
Топтағы балалармен қарым - қатынас орнату, балабақшаға бейімделуіне эмоционалды көмек беру, өзін - өзі дамыту, зейінді дамыту, психоэмоционалдық қысымды тежеу, эмоционалды нақты қимылдарды дамыту.
Әріптестік қарым - қатынас тренинг
Әріптестік қарым - қатынас тренинг
Жеке тұлғаға өзіндік «Менін» тереңірек таныту, қызығушылығын ояту, өзінің адамгершілік мінез - құлықтарына баға беру, өзіне деген сенімдік қабілетін дамыту, нығайту.
Жүректен – жүрекке (педагогтармен өткізілген тренинг)
Жүректен – жүрекке (педагогтармен өткізілген тренинг)
Педагогтар арсында сезімнің сыртқы көріністерін көрсете білу. Топта эмоциялық жайлылық қалыптастыру, жағымды қарым - қатынас орнату, көңіл - күйлерін көтеру, бір - біріне жүректен шыққан жылы лебіздерін сыйлауға жағдай жасау.
Педагогтарға арналған психологиялық жаттығу
Педагогтарға арналған психологиялық жаттығу
Бұл тренинг педагогтардың, тәрбиешілердің педагогикалық ұжымдастықты қалыптастыру. Педагогтардың бір - біріне деген қарым-қатынасты жақсарту, коммуникативтік дағдылану, эмоционалды тұрақтылық, өз-өзіне деген сенімділікті нығайту.
Жарасымды қарым - қатынас
Жарасымды қарым - қатынас
Алматы облысы, Кербұлақ ауданы, Қарашоқы орта мектебі педагог - психолог Мирзаканова Жанар Авабакриевна
Кәсіби «Мен» тұжырымдамасы – қарым - қатынас тренингі
Кәсіби «Мен» тұжырымдамасы – қарым - қатынас тренингі
Қызылорда облысы, Жаңақорған ауданы Төменарық ауылы, №11 «Балауса»балабақшасының педагог – психолог Айсұлу Пазылова

Пікірлер (0)
Ақпарат
Қонақтар,тобындағы қолданушылар пікірін білдіре алмайды.