Білімділер поралы

Армысың, алтын ұя - мектебім

1 – жүргізуші: Сап түзеп тік тұрыңыздар! Назар аударыңыздар! ҚР – ның мемлекеттік туы енгізілсін!
(ту көтеріледі, әнұран орындалады)

2 – жүргізуші: Құрметті ұстаздар, оқушылар! Қадірлі ата – аналар!
Салтанатты жиынға арнайы келіп отырған қонақтар! Баршаңызды бүгінгі жаңа оқу жылының басталуымен және білім күнімен құттықтаймыз! Білім есігін ашар жас бүлдіршіндер, алғашқы қадамдарыңыз құттыболсын!
1 – жүргізуші: Дархан даламызға білім нұрын таратушы Ыбырай Алтынсариннің қоңырауы бүгінде жүздеген,
мыңдаған қоңырауға қосылып, кәусар бұлақтай сыңғырлайды.

2 – жүргізуші: Биыл 2015 жылы «Қазақстан халқы Ассамблеясының 20 жылдығы», «Қазақ хандығының 550 жылдығы», «Ұлы Жеңістің 70 жылдығы», «Конституциямыздың 20 жылдығы», сынды маңызды шараларға толы жыл.

1 – жүргізуші: 2014 жылы 18 сәуірде өткен Ассамблеяның ХХІ сессиясында Қазақстан Республикасының Президенті, Ассамблея төрағасы Нұрсұлтан Әбішұлы Назарбаев биылғы жылды – Қазақстан халқы Ассамблеясы жылы деп жариялады.

2 – жүргізуші: Ассамблеяның ең басты міндеті – еліміздегі қоғамдық келісім. Ең тар замандарда қазақ құшағына алған өзге этнос өкілдері бүгінде өз бауырларымыз атанып бір халыққа айналды. Қазақстан бұл біртұтас халық, біртұтас болашақ. Сондықтан да біз бір халықпыз – бір елміз – бір тағдырмыз.

1 – жүргізуші: Сондай – ақ бұл жылы Конституциямыздың 20 жылдығы. Конституция осы заманғы мемлекеттіліктің маңызды белгісі, мемлекеттің бастапқы саяси және құқықтық құжаты болып табылады.

2 – жүргізуші: 1995 ж. 30 - тамызда өткізілген бүкілхалықтық референдумда қабылданған Қазақстан Республикасының Конституциясы — конституциялық заңдардың қағидаларын тұжырымдап, бір арнаға келтірген Ата Заң, яғни мемлекетіміздің Негізгі Заңы болып табылады.
Ол кіріспеден және 9 бөлімнен (98 баптан) тұрады. Конституция біздің саяси, мәдени, рухани және экономикалық дамуымыздың құқықтың қайнар көзі ретінде танылады.

1 – жүргізуші: Сөз соңында, барлық Қазақстандықтарға, еліміздің азаматтарын «30 тамыздағы» атаулы мерекелермен яғни Конституция күнімен шын жүректен құттықтаймыз. Құттықтай отырып, Сіздерге зор денсаулық, ұзақ өмір, таусылмас бақыт, бейбітшілік, аспандарыңыздың ашықтығын, жанұяларыңыздың татулығын, табыстарыңыздың берекелі мол болуын, сонымен қатар өз құқықтарыңыз бен заңды мүдделеріңіздің бұзылмауын тілейміз.

2 – жүргізуші: Ерекше бүгінгі күн, салтанат сән,
Тербетер әр жүректі бір әсем ән.
Құлпырып шәкірттер тұр мектеп – ұстаз,
Сағынып жыл құсындай қайта оралған.
1 – жүргізуші: Мереке зор қуаныш – Білім күні,
Сыңғырла, қоңыраудың алғашқы үні.
Қош келдің, құтты болсын қадамдарың,
Балдырған, балғын жандар – өмір гүлі.
2 – жүргізуші: Бүгінгі сағынышпен күткен мерекелеріңізбен құттықтай отырып, «Армысың, алтын ұя - мектебім» атты салтанатты жиынымызды ашық деп жариялаймыз.
1 – жүргізуші: Шарықтасын шат көңілдің алабы,
Шат жүрекке ақ тілектер қонады.
Дархандай кең біз қонақжай халықпыз
Әрқашанда төрде отырар қонағы – дей келе салтанатты жиынымызға келген қонақтарымызбен таныс болыңыздар.
1.______________
2.______________
3.______________
4.______________
2 – жүргізуші: Сусындатқан нәріменен білімнің,
Үлгі тұтам ұстаздардың ілімін.
Ұлағатты ұстаздар ғой қашан да,
Оқушының көтеретін білімін, - деп 1 сынып жетекшісі Бибігүл Ғизатқызын шәкірттерімен бірге ортаға шақырамыз. Амантаева Дарина

1 – жүргізуші: Бақыткереева Саяжан
2 – жүргізуші: Сағадатова Айым
1 – жүргізуші: Сламғали Еркеғали
2 – жүргізуші: Тулегенов Тамерлан
1 – жүргізуші: Жаулыбай Әлихан
(оқушылар гүл шоқтарын әуенмен ұсынады)

2 – жүргізуші: Дәм жазса жақсылыққа кез келерміз,
Күн сайын өркендерміз, өсерміз.
Бүгінгі салтанатты жиналыста
Құрметпен өзіңізге сөз береміз, - дей келе алғашқы сөз кезегі мектеп директоры Нұрғалиев Кәдіржан Нұрбаулыұлы мен оқу ісінің орынбасары Қорғамбекова Ардақ Рамазанқызына беріледі.

1 – жүргізуші: Биіктерде, төрлерде
Шалқи берсін туымыз
Арналады сіздерге
Әніміз бен сәніміз
(2 класс оқушысы Сламғали Толғанай мен 8 класс оқушысы Ізбасқанова Айдананың орындауында «Ұстазым» әні)

2 – жүргізуші: Бүгінгі күні мектебіміздің табалдырығын алғашқы рет аттап отырған бүлдіршіндеріміздің өнерлерін көрелік. (Бірінші сыныпқа келген оқушылардың тақпақтары)

1 – оқушы: Абзал жандар, биік тұлға байсалды,
Құшақ жая төл мерекең қарсы алды.
Қуанышпен жарқын тілек білдіріп,
Құттықтайды бірінші сынып баршаңды. (Әлихан)

2 – оқушы: Білім үшін оқу іздеп келгендер,
Қанат қағып әр қияға өрлеңдер.
Білім алу ең бірінші парызың,
Оқу үшін аянбай бір терлеңдер
Кел, балалар оқылық! (Айым)

3 – оқушы: Мен тәртіпті баламын,
Түгел қағаз қаламым.
Бір күн қалмай сабақтан,
Кілең бестік аламын.
Кіп – кішкентай болсам да,
Келдім саған мектебім.
Жетіге енді толсам да,
Жетілемін мектебім. (Еркеғали)

4 – оқушы: Мен намысшыл баламын,
Тек үлгілі боламын.
Білім іздеп жалықпай,
Кең дүниені шаламын.
Еркелікті қоямын,
Үлкен жігіт боламын.
Көп оқимын кітапты,
Мен білімді боламын. (Тамерлан)

5 – оқушы: Алдыңа кеп ұстазым,
Тұңғыш қалам ұстадым.
Күлімдеген көзіңнен
Мейірімің сезілген. (Дарина)

6 – оқушы: Аралап көрікті жерлерді,
Жаз бойы тынығып демалдық.
Білімге шақырып келді күз,
Мектепке көңілді оралдық.
Бірінші қыркүйек күнімен,
Аңқыған жұпары гүліммен.
Келіп, ем қарсы алды мектебім,
Сүйікті қоңырау үнімен. (Саяжан)
(5 класс оқушыларының биі)

1 – жүргізуші: 2015 - 2016 оқу жылына жолдама алып келген жас мамандарымызды ант қабылдауға
шақырамыз.
(Біз, педагог мамандарды даярлайтын оқу орнының түлектеріміз. 2015 жылдың ең жауапты жолдамасын алған жас маманымыз. Осы ауылға, осы жерге мемлекеттік бағдарламаға сай жауапты мақсат – міндеттерді орындауға келіп тұрмыз. Негізгі мақсатымыз жас ұрпаққа заманға сай, лайықты тәлім – тәрбие беру. Оқушы бойында жаңа заманның, яғни бәсекеге қабілетті білім қазығын орнату. Дәл осы сәтте, дәл осы жерде туған Республикам, сүйікті Отаным Қазақстанның дүние жүзінде алдыңғы қатарлы болуы үшін сапалы білім береміз. Тәуелсіз еліме, киелі жеріме адал қызмет етемін деп ант беремін.)

2 – жүргізуші: Жас мамандарға кәсіби бағыт – бағдар көрсетіп ақ батасын беру рәсімі мектебіміздің ардагер ұстазы Нұрышева Клара апайға беріледі. (тілек хат табыстау)
(«Ата заңым» оқитын Нұрасыл)

1 – жүргізуші: Бүгінгі қуанышты күн тек оқушылар мен ұстаздарға емес ата – аналар үшін де мереке. Қолдарынан жетелеп әкелген кішкентай балапандардың қадамына ақ жол тілей отырып, сөз кезегі
ата – аналарға беріледі. (Ата – ана құттықтау сөзін сөйлейді)

( Сламғали Толғанайдың орындауында ән «Оқуда озат боламын»)

2 – жүргізуші: Қоңыраудың сыңғырлы үні
Жүрегімнің соғысы
Қоңыраудың сыңғыры
Тағдырлардың тоғысы, – деп алғашқы қоңырау соғу салтанаты 1 класқа қабылданған жас бүлдіршіндерміз Жаулыбай Әлихан мен Сағадатова Айымға тапсырылады.

1 – жүргізуші: Қазақстан Республикасының Мемлекеттік Туын салтанатты түрде әкету рәсіміне тік тұрып құрмет көрсетейік!

2 – жүргізуші: Оқушылар, сендерге артар міндет көп,
Көтеріңдер мектептің атын құрметтеп.
Білімнің көзін аша білсең тереңнен,
Жетелейді армандарға бұл мектеп, - деп бүгінгі білім күніне арналған мерекелік шарамызды жабық деп жариялаймыз!

Ақтөбе облысы, Мұғалжар ауданы,
Еңбек ауылы, Еңбек негізгі мектебінің
бастауыш класс мұғалімі
Тегисова Гулден Маратовна
Материал рейтингісі:
  • 0
барлық дауыс бергендер: 0
Басқа жаңалықтарды оқу:
Ақпарат
Қонақтар,тобындағы қолданушылар пікірін білдіре алмайды.
Үздік жаңалықтар
Бәйге бөлімі
  • Having fun. Abilities.

    To learn and practise Can/can't. To develop the pupil's habits of reading, speaking and writing, to support an interest to the English lesson.
  • Әртүрлі саладағы модельдер

    модель түрлерімен ажырата білуге, модель түрлерін анықтауға, модельдеудің қажеттілігін, оның пайдасын түсіндіру; оқушының шығармашылығын, ойлау қабілетін арттыру; еркін пікір білдіру мен өзара ...
  • Жұлдызды аспан

    Жұлдызды аспан – шоқжұлдыздар мен жұлдыздар олардың атаулары мен белгіленулері туралы ақпарат беру, айырмашылығын көрсету.
  • Зат есімнің септелуі

    Зат есімнің септелуі туралы түсінік беру. Септік жалғауларымен таныстырып, олардың сұрақтарын меңгерту. Оқушылардың топпен жұмыс істеу, ойлау, есте сақтау, зерделеу қабілеттерін дамыту.
  • Жұмбақ математика

    1 - ден 5 - ке дейін тура және кері санау, геометриялық пішіндерді ажырату; жұмбақ құрастыру, логикалық тапсырмаларды орындау арқылы балалардың тілін, ой – өрісін, ойлау қабілетін дамыту. ...
  • «Наурыз» С. Сейфуллин

    С. Сейфуллиның «Наурыз» өлеңді мәнерлеп оқиды. Сыни ойлауға үйренеді. Өлеңді жан - жақты талдайды. Жеке тұлға ретінде шығармашылыққа, іздемпаздылыққа баулу.
  • Ш. Мұртаза «Эльза – кішкентай періште»

    Жазушының өмірі мен шығармашылығынан мәлімет беру, үзіндіні толық талдау арқылы оқырманның рухани жан дүниесін байытудағы көркем шығарманың күш - қуатын таныту, идеялық мәнін ашу.
  • Презентацияларды құру. Безендіру шаблондары

    Презентацияны құру технологиясы туралы білімдерін қалыптастыру. Презентацияны жасауда өз шаблондарын құру технологиясын үйрену және оны практикада қолдана білу.
Соңғы пікірлер
Загрузка...
Өз пікіріңді білдір
Білімділер порталына қандай бөлім жетіспейді?
Интернет дүкен (магазин)
Хабарландыру тақтасы
Онлайн оқыту бөлімі
форум
Тестілеу орталығы
Сайтта кім бар
Барлығы: 61
Қолданушылар: 0
Қонақтар: 61
Роботтар: 3
Ілмек сөздер
Сайт статистикасы
Яндекс.Метрика