Математикадан ҰБТ есептерін шығарудың тиімді жолдары

Құрастырған: Есілбай жалпы орта білім беру мектебінің
математика пәнінің мұғалімі Қызылбаева Құралай

Математикадан ҰБТ есептерін шығарудың тиімді жолдары.
1. Кіріспе
2. Логарифмдік өрнектерді есептеу.
3. Логарифмдік теңдеулерді шешу.
4. Логарифмдік теңсіздіктерді шешу.
5. Теңдеу құру арқылы шығарылатын мәтін есептер
6. Геометриялық есептер.

Кіріспе.
Қазақстан Республикасында білім беруді дамытудың 2011 - 2020 жылдарға арналған мемлекеттік бағдарламасы - білім беру процесінің барлық қатысушыларының үздік білім беру ресурстары мен технологияларына тең қол жеткізуін қамтамасыз етуді көздейді.
Қазіргі заманда елдің бәсекеге қабілеттілігі оның азаматтарының парасаттылығымен анықталады, сондықтан білім беру жүйесі болашақтың талабына сәйкес дамуы тиіс. Ал білім беру жүйесінде тәуелсіз бағалау элементтерін қамтитын, ұлттық білім беру сапасын бағалау формасының бірі - ҰБТ болып табылады.
ҰБТ - жалпы орта білім беру ұйымдары бітірушілерінің мемлекеттік қорытынды аттестаттауы мен орта білімнен кейінгі және жоғары білім ұйымдарына қабылдау емтихандары біріктіріліп өткізілетін сынақ.
ҰБТ - оқушы білімінің қорытынды көрсеткіші ғана емес, өз таңдауы бойынша болашақ мамандығына жолдама алудың да кепілі.
Қазіргі таңда ұстаздар алдында тұрған жауапты міндет - жан жақты дамыған жас ұрпақты тәрбиелеу және сапалы білім беру. Осыған орай мектепте оқушыларға жеке пәндерден терең жүйелі білім беру қажеттілігіне айрықша мән берілуде. ҰБТ да математика негізгі пәндердің бірі екендігі баршаға мәлім. Сондықтан пән мұғалімдерінің мақсаты оқушылардың білім сапасын арттыру. Мен әсіресе жас мамандарға және 11сынып оқушыларына көмек ретінде 2013жылғы оқу - әдістемелік құралындағы логарифмдік өрнектерді есептеу, теңдеулер мен теңсіздіктерді шешу тақырыбына берілген есептердің шығару жолдарын ұсынып отырмын.