Жыл мезгілдеріне саяхат

Қызылорда қаласы
"Сыр - сұлуы" мектепке дейінгі кіші орталық мекемесінің
ортаңғы топ тәрбиешісі Баимбетова Айгул Султанбекқызы

Ортаңғы топ
Білім беру саласы: «Таным».
Ұйымдастырылған оқу іс - әрекеті: «Қарапайым математикалық түсініктерді қалыптастыру».
Тақырыбы: «Жыл мезгілдеріне саяхат».
Мақсаты: 5 көлемінде заттарды санап, қорытынды санды атау, екі топтағы заттарды салыстырып, оларды теңестіру және геометриялық пішіндер туралы білімдерін нығайту. Заттың кеңістікте орналасуына, көлеміне, санның тәуелсіздігін түсіне білуге үйрету. Заттарды биіктігіне қарай өсу ретімен орналастыру, цифрды заттың санымен сәйкестендіру, реттік санды атап, нешінші деген сұраққа дұрыс жауап беру дағдыларын дамыту.
Көрнекіліктер: Қуыршақ театры: жыл атасының бейнесінде, санауға арналған демонстрациялық материал (киіз үйлер, жемістер), үлестірмелі материалдар: 1 - 5 - ке дейінгі цифрлар, геометриялық пішіндер (дөңгелек, шаршы, үшбұрыш, тіктөртбұрыштар), бала санына қарай гүлдер алаңы, көбелектер - 80 дана, әр балаға 1 - 5 - ке дейінгі сандар жинағы, өсу және кему ретімен орналастыратын шыршалар жинағы.
Әдіс - тәсілдер: ойын, сұрақ - жауап, практикалық, түсіндіру.
Т. қ. ж: ДВД, теледидар, ноутбук.
Білім беру салаларын кіріктіру: «Қатынас», «Денсаулық», «Әлеуметтік орта», «Шығармашылық»
Билингвистік компонент: қыс – зима, жаз – лето, күз – осень, көктем – весна.

Іс - әрекет кезеңдері
Тәрбиешінің іс - әрекеті
Мотивациялық қозғаушы
- Балалар бүгін мен сендерді «Жыл мезгілдеріне саяхатқа» шақырамын, ол жерде бізді жыл атасы және қызықты ойындар, тапсырмалар күтіп тұр.
- Осы қандай жыл?
Олай болса саяхатқа атқа мініп барайық.(«Тұлпарым»әні ойналады)
Іздену ұйымдастырушы

Міне балалар «Жыл мезгілдеріне» де келіп жеттік. (Осы кезде ширмадан жыл атасының бейнесінде қуыршақ театры пайда болады) Балалар қане, орнымызға отырайық.
- Жыл атасы: Саламатсыңдар ма, балаларым!
- Жыл мезгілдеріне қош келдіңдер.
- Мен сендерді өзімнің төрт қызыммен таныстырайын деп отырмын. Ол үшін сендер менің жұмбақтарыма жауап берулерің керек. Жұмбақ шешуге дайынсыңдар ма?
Тыңдаңдар.
Жапырақты бояды,
Атырапты бояды.
Бояп - бояп барлығын,
Сап - сары ғып қояды.
(Слайд «Алтын күз»)
- Дұрыс айтасыңдар балаларым. Менің қызымның аты «Күз
Қүз - осень
- Ол сендерге ойын, тапсырмалар әзірлеп қойды.
(Жапыраққа жазылған тапсырманы алу)
1. Жемістер мен көкөністерді санау:
- Үстіңгі жолаққа алмұрттарды, ал астыңғы жолаққа алмаларды қойып шығайық. (заттарды солдан оңға қарай оң қолмен қоямыз, тақтада көрсету)
- Жасұлан, үстіңгі жолақта неше алмұрт?
- Бақыт, астыңғы жолақта неше алма?
- 5алмұрт, 4 - алма. Айша айта қойшы қайсысы көп, олар нешеу?
Қайсысы аз, олар нешеу?
- Олар тең болу үшін не істеуге болады?
- Бір алманы алып тастаймыз.
Ислам, алма мен сәбіздер туралы не айтуға болады?
- Олар неліктен тең болды, алмұрттар көп, барлығы бесеу еді ғой?
- Жарайсыңдар балалар.
Күз мезгілінің тапсырмасын өте жақсы орындадыңдар.
- Жыл атасының келесі жұмбағын тыңдайық.
- Жыл атасы:
Аяз қысып,
Өрнек сызып,
Терезені торлайды.
Қарға омбығып,
Бет домбығып,
Балалар сырғанап ойнайды.
(слайд - қысқы табиғат)
- Жыл атасы: Жақсы балаларым. Менің қызымның аты «Қыс»
Қыс - зима
- Мынау «Қыс мезгілінің сендерге арнаған тапсырмасы. (Қарға жазылған тапсырма)
1. Шыршаларды өсу ретімен орналастыру.
2. Ойын «Моншақтарды тізейік»
- Жұлдызай, шыршаны қалай орналастырдың? (2 - 3 баладан сұрау)
- Енді осы шыршаны безендіретін моншақтарды тізіп шығайық.
- Моншақтар неге ұқсайды?
- Мынау қандай пішін, түсі қандай?
- Ұлдана, қандай пішін, түсі қандай?
- Асылжан, ал мынау қандай пішін, түсі қандай?
- Мақсұт, айта қойшы қандай пішін, түсі қандай?
- Жіпке тіземіз.
- Жарайсыңдар балалар.
Сергіту сәті: